LXX: Sus.Th.

Σουσάννα ('Αλεξανδρινòς Κω̃διξ, Βατικανòς Κω̃διξ)

¹ καὶ ἠ̃ν ἀνὴρ οἰκω̃ν ἐν Βαβυλω̃νι καὶ ὄνομα αὐτω̨̃ Ιωακιμ

² καὶ ἔλαβεν γυναι̃κα ἡ̨̃ ὄνομα Σουσαννα θυγάτηρ Χελκιου καλὴ σφόδρα καὶ φοβουμένη τὸν κύριον

³ καὶ οἱ γονει̃ς αὐτη̃ς δίκαιοι καὶ ἐδίδαξαν τὴν θυγατέρα αὐτω̃ν κατὰ τὸν νόμον Μωυση̃

⁴ καὶ ἠ̃ν Ιωακιμ πλούσιος σφόδρα καὶ ἠ̃ν αὐτω̨̃ παράδεισος γειτνιω̃ν τω̨̃ οἴκω̨ αὐτου̃ καὶ πρὸς αὐτὸν προσήγοντο οἱ Ιουδαι̃οι διὰ τὸ εἰ̃ναι αὐτὸν ἐνδοξότερον πάντων

⁵ καὶ ἀπεδείχθησαν δύο πρεσβύτεροι ἐκ του̃ λαου̃ κριταὶ ἐν τω̨̃ ἐνιαυτω̨̃ ἐκείνω̨ περὶ ὡ̃ν ἐλάλησεν ὁ δεσπότης ὅτι ἐξη̃λθεν ἀνομία ἐκ Βαβυλω̃νος ἐκ πρεσβυτέρων κριτω̃ν οἳ ἐδόκουν κυβερνα̃ν τὸν λαόν

⁶ οὑ̃τοι προσεκαρτέρουν ἐν τη̨̃ οἰκία̨ Ιωακιμ καὶ ἤρχοντο πρὸς αὐτοὺς πάντες οἱ κρινόμενοι

⁷ καὶ ἐγένετο ἡνίκα ἀπέτρεχεν ὁ λαὸς μέσον ἡμέρας εἰσεπορεύετο Σουσαννα καὶ περιεπάτει ἐν τω̨̃ παραδείσω̨ του̃ ἀνδρὸς αὐτη̃ς

⁸ καὶ ἐθεώρουν αὐτὴν οἱ δύο πρεσβύτεροι καθ' ἡμέραν εἰσπορευομένην καὶ περιπατου̃σαν καὶ ἐγένοντο ἐν ἐπιθυμία̨ αὐτη̃ς

⁹ καὶ διέστρεψαν τὸν ἑαυτω̃ν νου̃ν καὶ ἐξέκλιναν τοὺς ὀφθαλμοὺς αὐτω̃ν του̃ μὴ βλέπειν εἰς τὸν οὐρανὸν μηδὲ μνημονεύειν κριμάτων δικαίων

¹⁰ καὶ ἠ̃σαν ἀμφότεροι κατανενυγμένοι περὶ αὐτη̃ς καὶ οὐκ ἀνήγγειλαν ἀλλήλοις τὴν ὀδύνην αὐτω̃ν

¹¹ ὅτι ἠ̨σχύνοντο ἀναγγει̃λαι τὴν ἐπιθυμίαν αὐτω̃ν ὅτι ἤθελον συγγενέσθαι αὐτη̨̃

¹² καὶ παρετηρου̃σαν φιλοτίμως καθ' ἡμέραν ὁρα̃ν αὐτήν

¹³ καὶ εἰ̃παν ἕτερος τω̨̃ ἑτέρω̨ πορευθω̃μεν δὴ εἰς οἰ̃κον ὅτι ἀρίστου ὥρα ἐστίν καὶ ἐξελθόντες διεχωρίσθησαν ἀπ' ἀλλήλων

¹⁴ καὶ ἀνακάμψαντες ἠ̃λθον ἐπὶ τὸ αὐτὸ καὶ ἀνετάζοντες ἀλλήλους τὴν αἰτίαν ὡμολόγησαν τὴν ἐπιθυμίαν αὐτω̃ν καὶ τότε κοινη̨̃ συνετάξαντο καιρὸν ὅτε αὐτὴν δυνήσονται εὑρει̃ν μόνην

¹⁵ καὶ ἐγένετο ἐν τω̨̃ παρατηρει̃ν αὐτοὺς ἡμέραν εὔθετον εἰση̃λθέν ποτε καθὼς ἐχθὲς καὶ τρίτης ἡμέρας μετὰ δύο μόνων κορασίων καὶ ἐπεθύμησε λούσασθαι ἐν τω̨̃ παραδείσω̨ ὅτι καυ̃μα ἠ̃ν

¹⁶ καὶ οὐκ ἠ̃ν οὐδεὶς ἐκει̃ πλὴν οἱ δύο πρεσβύτεροι κεκρυμμένοι καὶ παρατηρου̃ντες αὐτήν

¹⁷ καὶ εἰ̃πεν τοι̃ς κορασίοις ἐνέγκατε δή μοι ἔλαιον καὶ σμη̃γμα καὶ τὰς θύρας του̃ παραδείσου κλείσατε ὅπως λούσωμαι

¹⁸ καὶ ἐποίησαν καθὼς εἰ̃πεν καὶ ἀπέκλεισαν τὰς θύρας του̃ παραδείσου καὶ ἐξη̃λθαν κατὰ τὰς πλαγίας θύρας ἐνέγκαι τὰ προστεταγμένα αὐται̃ς καὶ οὐκ εἴδοσαν τοὺς πρεσβυτέρους ὅτι ἠ̃σαν κεκρυμμένοι

¹⁹ καὶ ἐγένετο ὡς ἐξήλθοσαν τὰ κοράσια καὶ ἀνέστησαν οἱ δύο πρεσβυ̃ται καὶ ἐπέδραμον αὐτη̨̃

²⁰ καὶ εἰ̃πον ἰδοὺ αἱ θύραι του̃ παραδείσου κέκλεινται καὶ οὐδεὶς θεωρει̃ ἡμα̃ς καὶ ἐν ἐπιθυμία̨ σού ἐσμεν διὸ συγκατάθου ἡμι̃ν καὶ γενου̃ μεθ' ἡμω̃ν

²¹ εἰ δὲ μή καταμαρτυρήσομέν σου ὅτι ἠ̃ν μετὰ σου̃ νεανίσκος καὶ διὰ του̃το ἐξαπέστειλας τὰ κοράσια ἀπὸ σου̃

²² καὶ ἀνεστέναξεν Σουσαννα καὶ εἰ̃πεν στενά μοι πάντοθεν ἐάν τε γὰρ του̃το πράξω θάνατός μοί ἐστιν ἐάν τε μὴ πράξω οὐκ ἐκφεύξομαι τὰς χει̃ρας ὑμω̃ν

²³ αἱρετόν μοί ἐστιν μὴ πράξασαν ἐμπεσει̃ν εἰς τὰς χει̃ρας ὑμω̃ν ἢ ἁμαρτει̃ν ἐνώπιον κυρίου

²⁴ καὶ ἀνεβόησεν φωνη̨̃ μεγάλη̨ Σουσαννα ἐβόησαν δὲ καὶ οἱ δύο πρεσβυ̃ται κατέναντι αὐτη̃ς

²⁵ καὶ δραμὼν ὁ εἱ̃ς ἤνοιξεν τὰς θύρας του̃ παραδείσου

²⁶ ὡς δὲ ἤκουσαν τὴν κραυγὴν ἐν τω̨̃ παραδείσω̨ οἱ ἐκ τη̃ς οἰκίας εἰσεπήδησαν διὰ τη̃ς πλαγίας θύρας ἰδει̃ν τὸ συμβεβηκὸς αὐτη̨̃

²⁷ ἡνίκα δὲ εἰ̃παν οἱ πρεσβυ̃ται τοὺς λόγους αὐτω̃ν κατη̨σχύνθησαν οἱ δου̃λοι σφόδρα ὅτι πώποτε οὐκ ἐρρέθη λόγος τοιου̃τος περὶ Σουσαννης

²⁸ καὶ ἐγένετο τη̨̃ ἐπαύριον ὡς συνη̃λθεν ὁ λαὸς πρὸς τὸν ἄνδρα αὐτη̃ς Ιωακιμ ἠ̃λθον οἱ δύο πρεσβυ̃ται πλήρεις τη̃ς ἀνόμου ἐννοίας κατὰ Σουσαννης του̃ θανατω̃σαι αὐτὴν

²⁹ καὶ εἰ̃παν ἔμπροσθεν του̃ λαου̃ ἀποστείλατε ἐπὶ Σουσανναν θυγατέρα Χελκιου ἥ ἐστιν γυνὴ Ιωακιμ οἱ δὲ ἀπέστειλαν

³⁰ καὶ ἠ̃λθεν αὐτὴ καὶ οἱ γονει̃ς αὐτη̃ς καὶ τὰ τέκνα αὐτη̃ς καὶ πάντες οἱ συγγενει̃ς αὐτη̃ς

³¹ ἡ δὲ Σουσαννα ἠ̃ν τρυφερὰ σφόδρα καὶ καλὴ τω̨̃ εἴδει

³² οἱ δὲ παράνομοι ἐκέλευσαν ἀποκαλυφθη̃ναι αὐτήν ἠ̃ν γὰρ κατακεκαλυμμένη ὅπως ἐμπλησθω̃σιν του̃ κάλλους αὐτη̃ς

³³ ἔκλαιον δὲ οἱ παρ' αὐτη̃ς καὶ πάντες οἱ ἰδόντες αὐτήν

³⁴ ἀναστάντες δὲ οἱ δύο πρεσβυ̃ται ἐν μέσω̨ τω̨̃ λαω̨̃ ἔθηκαν τὰς χει̃ρας ἐπὶ τὴν κεφαλὴν αὐτη̃ς

³⁵ ἡ δὲ κλαίουσα ἀνέβλεψεν εἰς τὸν οὐρανόν ὅτι ἠ̃ν ἡ καρδία αὐτη̃ς πεποιθυι̃α ἐπὶ τω̨̃ κυρίω̨

³⁶ εἰ̃παν δὲ οἱ πρεσβυ̃ται περιπατούντων ἡμω̃ν ἐν τω̨̃ παραδείσω̨ μόνων εἰση̃λθεν αὕτη μετὰ δύο παιδισκω̃ν καὶ ἀπέκλεισεν τὰς θύρας του̃ παραδείσου καὶ ἀπέλυσεν τὰς παιδίσκας

³⁷ καὶ ἠ̃λθεν πρὸς αὐτὴν νεανίσκος ὃς ἠ̃ν κεκρυμμένος καὶ ἀνέπεσε μετ' αὐτη̃ς

³⁸ ἡμει̃ς δὲ ὄντες ἐν τη̨̃ γωνία̨ του̃ παραδείσου ἰδόντες τὴν ἀνομίαν ἐδράμομεν ἐπ' αὐτούς

³⁹ καὶ ἰδόντες συγγινομένους αὐτοὺς ἐκείνου μὲν οὐκ ἠδυνήθημεν ἐγκρατει̃ς γενέσθαι διὰ τὸ ἰσχύειν αὐτὸν ὑπὲρ ἡμα̃ς καὶ ἀνοίξαντα τὰς θύρας ἐκπεπηδηκέναι

⁴⁰ ταύτης δὲ ἐπιλαβόμενοι ἐπηρωτω̃μεν τίς ἠ̃ν ὁ νεανίσκος

⁴¹ καὶ οὐκ ἠθέλησεν ἀναγγει̃λαι ἡμι̃ν ταυ̃τα μαρτυρου̃μεν καὶ ἐπίστευσεν αὐτοι̃ς ἡ συναγωγὴ ὡς πρεσβυτέροις του̃ λαου̃ καὶ κριται̃ς καὶ κατέκριναν αὐτὴν ἀποθανει̃ν

⁴² ἀνεβόησεν δὲ φωνη̨̃ μεγάλη̨ Σουσαννα καὶ εἰ̃πεν ὁ θεὸς ὁ αἰώνιος ὁ τω̃ν κρυπτω̃ν γνώστης ὁ εἰδὼς τὰ πάντα πρὶν γενέσεως αὐτω̃ν

⁴³ σὺ ἐπίστασαι ὅτι ψευδη̃ μου κατεμαρτύρησαν καὶ ἰδοὺ ἀποθνή̨σκω μὴ ποιήσασα μηδὲν ὡ̃ν οὑ̃τοι ἐπονηρεύσαντο κατ' ἐμου̃

⁴⁴ καὶ εἰσήκουσεν κύριος τη̃ς φωνη̃ς αὐτη̃ς

⁴⁵ καὶ ἀπαγομένης αὐτη̃ς ἀπολέσθαι ἐξήγειρεν ὁ θεὸς τὸ πνευ̃μα τὸ ἅγιον παιδαρίου νεωτέρου ὡ̨̃ ὄνομα Δανιηλ

⁴⁶ καὶ ἐβόησεν φωνη̨̃ μεγάλη̨ καθαρὸς ἐγὼ ἀπὸ του̃ αἵματος ταύτης

⁴⁷ ἐπέστρεψεν δὲ πα̃ς ὁ λαὸς πρὸς αὐτὸν καὶ εἰ̃παν τίς ὁ λόγος οὑ̃τος ὃν σὺ λελάληκας

⁴⁸ ὁ δὲ στὰς ἐν μέσω̨ αὐτω̃ν εἰ̃πεν οὕτως μωροί οἱ υἱοὶ Ισραηλ οὐκ ἀνακρίναντες οὐδὲ τὸ σαφὲς ἐπιγνόντες κατεκρίνατε θυγατέρα Ισραηλ

⁴⁹ ἀναστρέψατε εἰς τὸ κριτήριον ψευδη̃ γὰρ οὑ̃τοι κατεμαρτύρησαν αὐτη̃ς

⁵⁰ καὶ ἀνέστρεψεν πα̃ς ὁ λαὸς μετὰ σπουδη̃ς καὶ εἰ̃παν αὐτω̨̃ οἱ πρεσβύτεροι δευ̃ρο κάθισον ἐν μέσω̨ ἡμω̃ν καὶ ἀνάγγειλον ἡμι̃ν ὅτι σοὶ δέδωκεν ὁ θεὸς τὸ πρεσβει̃ον

⁵¹ καὶ εἰ̃πεν πρὸς αὐτοὺς Δανιηλ διαχωρίσατε αὐτοὺς ἀπ' ἀλλήλων μακράν καὶ ἀνακρινω̃ αὐτούς

⁵² ὡς δὲ διεχωρίσθησαν εἱ̃ς ἀπὸ του̃ ἑνός ἐκάλεσεν τὸν ἕνα αὐτω̃ν καὶ εἰ̃πεν πρὸς αὐτόν πεπαλαιωμένε ἡμερω̃ν κακω̃ν νυ̃ν ἥκασιν αἱ ἁμαρτίαι σου ἃς ἐποίεις τὸ πρότερον

⁵³ κρίνων κρίσεις ἀδίκους καὶ τοὺς μὲν ἀθώ̨ους κατακρίνων ἀπολύων δὲ τοὺς αἰτίους λέγοντος του̃ κυρίου ἀθω̨̃ον καὶ δίκαιον οὐκ ἀποκτενει̃ς

⁵⁴ νυ̃ν οὐ̃ν ταύτην εἴπερ εἰ̃δες εἰπόν ὑπὸ τί δένδρον εἰ̃δες αὐτοὺς ὁμιλου̃ντας ἀλλήλοις ὁ δὲ εἰ̃πεν ὑπὸ σχι̃νον

⁵⁵ εἰ̃πεν δὲ Δανιηλ ὀρθω̃ς ἔψευσαι εἰς τὴν σεαυτου̃ κεφαλήν ἤδη γὰρ ἄγγελος του̃ θεου̃ λαβὼν φάσιν παρὰ του̃ θεου̃ σχίσει σε μέσον

⁵⁶ καὶ μεταστήσας αὐτὸν ἐκέλευσεν προσαγαγει̃ν τὸν ἕτερον καὶ εἰ̃πεν αὐτω̨̃ σπέρμα Χανααν καὶ οὐκ Ιουδα τὸ κάλλος ἐξηπάτησέν σε καὶ ἡ ἐπιθυμία διέστρεψεν τὴν καρδίαν σου

⁵⁷ οὕτως ἐποιει̃τε θυγατράσιν Ισραηλ καὶ ἐκει̃ναι φοβούμεναι ὡμίλουν ὑμι̃ν ἀλλ' οὐ θυγάτηρ Ιουδα ὑπέμεινεν τὴν ἀνομίαν ὑμω̃ν

⁵⁸ νυ̃ν οὐ̃ν λέγε μοι ὑπὸ τί δένδρον κατέλαβες αὐτοὺς ὁμιλου̃ντας ἀλλήλοις ὁ δὲ εἰ̃πεν ὑπὸ πρι̃νον

⁵⁹ εἰ̃πεν δὲ αὐτω̨̃ Δανιηλ ὀρθω̃ς ἔψευσαι καὶ σὺ εἰς τὴν σεαυτου̃ κεφαλήν μένει γὰρ ὁ ἄγγελος του̃ θεου̃ τὴν ῥομφαίαν ἔχων πρίσαι σε μέσον ὅπως ἐξολεθρεύση̨ ὑμα̃ς

⁶⁰ καὶ ἀνεβόησεν πα̃σα ἡ συναγωγὴ φωνη̨̃ μεγάλη̨ καὶ εὐλόγησαν τω̨̃ θεω̨̃ τω̨̃ σώ̨ζοντι τοὺς ἐλπίζοντας ἐπ' αὐτόν

⁶¹ καὶ ἀνέστησαν ἐπὶ τοὺς δύο πρεσβύτας ὅτι συνέστησεν αὐτοὺς Δανιηλ ἐκ του̃ στόματος αὐτω̃ν ψευδομαρτυρήσαντας καὶ ἐποίησαν αὐτοι̃ς ὃν τρόπον ἐπονηρεύσαντο τω̨̃ πλησίον

⁶² ποιη̃σαι κατὰ τὸν νόμον Μωυση̃ καὶ ἀπέκτειναν αὐτούς καὶ ἐσώθη αἱ̃μα ἀναίτιον ἐν τη̨̃ ἡμέρα̨ ἐκείνη̨

⁶³ Χελκιας δὲ καὶ ἡ γυνὴ αὐτου̃ ἤ̨νεσαν τὸν θεὸν περὶ τη̃ς θυγατρὸς αὐτω̃ν Σουσαννας μετὰ Ιωακιμ του̃ ἀνδρὸς αὐτη̃ς καὶ τω̃ν συγγενω̃ν πάντων ὅτι οὐχ εὑρέθη ἐν αὐτη̨̃ ἄσχημον πρα̃γμα

⁶⁴ καὶ Δανιηλ ἐγένετο μέγας ἐνώπιον του̃ λαου̃ ἀπὸ τη̃ς ἡμέρας ἐκείνης καὶ ἐπέκεινα

Книго

[X]