LXX: 2Mac.

Μακκαβαίων Β'

^1:1 τοι̃ς ἀδελφοι̃ς τοι̃ς κατ' Αἴγυπτον Ιουδαίοις χαίρειν οἱ ἀδελφοὶ οἱ ἐν Ιεροσολύμοις Ιουδαι̃οι καὶ οἱ ἐν τη̨̃ χώρα̨ τη̃ς Ιουδαίας εἰρήνην ἀγαθήν

^1:2 καὶ ἀγαθοποιήσαι ὑμι̃ν ὁ θεὸς καὶ μνησθείη τη̃ς διαθήκης αὐτου̃ τη̃ς πρὸς Αβρααμ καὶ Ισαακ καὶ Ιακωβ τω̃ν δούλων αὐτου̃ τω̃ν πιστω̃ν

^1:3 καὶ δώ̨η ὑμι̃ν καρδίαν πα̃σιν εἰς τὸ σέβεσθαι αὐτὸν καὶ ποιει̃ν αὐτου̃ τὰ θελήματα καρδία̨ μεγάλη̨ καὶ ψυχη̨̃ βουλομένη̨

^1:4 καὶ διανοίξαι τὴν καρδίαν ὑμω̃ν ἐν τω̨̃ νόμω̨ αὐτου̃ καὶ ἐν τοι̃ς προστάγμασιν καὶ εἰρήνην ποιήσαι

^1:5 καὶ ἐπακούσαι ὑμω̃ν τω̃ν δεήσεων καὶ καταλλαγείη ὑμι̃ν καὶ μὴ ὑμα̃ς ἐγκαταλίποι ἐν καιρω̨̃ πονηρω̨̃

^1:6 καὶ νυ̃ν ὡ̃δέ ἐσμεν προσευχόμενοι περὶ ὑμω̃ν

^1:7 βασιλεύοντος Δημητρίου ἔτους ἑκατοστου̃ ἑξηκοστου̃ ἐνάτου ἡμει̃ς οἱ Ιουδαι̃οι γεγράφαμεν ὑμι̃ν ἐν τη̨̃ θλίψει καὶ ἐν τη̨̃ ἀκμη̨̃ τη̨̃ ἐπελθούση̨ ἡμι̃ν ἐν τοι̃ς ἔτεσιν τούτοις ἀφ' οὑ̃ ἀπέστη 'Ιάσων καὶ οἱ μετ' αὐτου̃ ἀπὸ τη̃ς ἁγίας γη̃ς καὶ τη̃ς βασιλείας

^1:8 καὶ ἐνεπύρισαν τὸν πυλω̃να καὶ ἐξέχεαν αἱ̃μα ἀθω̃ον καὶ ἐδεήθημεν του̃ κυρίου καὶ εἰσηκούσθημεν καὶ προσηνέγκαμεν θυσίαν καὶ σεμίδαλιν καὶ ἐξήψαμεν τοὺς λύχνους καὶ προεθήκαμεν τοὺς ἄρτους

^1:9 καὶ νυ̃ν ἵνα ἄγητε τὰς ἡμέρας τη̃ς σκηνοπηγίας του̃ Χασελευ μηνός ἔτους ἑκατοστου̃ ὀγδοηκοστου̃ καὶ ὀγδόου

^1:10 οἱ ἐν Ιεροσολύμοις καὶ οἱ ἐν τη̨̃ Ιουδαία̨ καὶ ἡ γερουσία καὶ Ιουδας 'Αριστοβούλω̨ διδασκάλω̨ Πτολεμαίου του̃ βασιλέως ὄντι δὲ ἀπὸ του̃ τω̃ν χριστω̃ν ἱερέων γένους καὶ τοι̃ς ἐν Αἰγύπτω̨ Ιουδαίοις χαίρειν καὶ ὑγιαίνειν

^1:11 ἐκ μεγάλων κινδύνων ὑπὸ του̃ θεου̃ σεσω̨σμένοι μεγάλως εὐχαριστου̃μεν αὐτω̨̃ ὡς ἂν πρὸς βασιλέα παρατασσόμενοι

^1:12 αὐτὸς γὰρ ἐξέβρασεν τοὺς παραταξαμένους ἐν τη̨̃ ἁγία̨ πόλει

^1:13 εἰς τὴν Περσίδα γενόμενος γὰρ ὁ ἡγεμὼν καὶ ἡ περὶ αὐτὸν ἀνυπόστατος δοκου̃σα εἰ̃ναι δύναμις κατεκόπησαν ἐν τω̨̃ τη̃ς Ναναίας ἱερω̨̃ παραλογισμω̨̃ χρησαμένων τω̃ν περὶ τὴν Ναναίαν ἱερέων

^1:14 ὡς γὰρ συνοικήσων αὐτη̨̃ παρεγένετο εἰς τὸν τόπον ὅ τε 'Αντίοχος καὶ οἱ σὺν αὐτω̨̃ φίλοι χάριν του̃ λαβει̃ν τὰ χρήματα πλείονα εἰς φερνη̃ς λόγον

^1:15 καὶ προθέντων αὐτὰ τω̃ν ἱερέων του̃ Ναναίου κἀκείνου προσελθόντος μετ' ὀλίγων εἰς τὸν περίβολον του̃ τεμένους συγκλείσαντες τὸ ἱερόν ὡς εἰση̃λθεν 'Αντίοχος

^1:16 ἀνοίξαντες τὴν του̃ φατνώματος κρυπτὴν θύραν βάλλοντες πέτρους συνεκεραύνωσαν τὸν ἡγεμόνα καὶ μέλη ποιήσαντες καὶ τὰς κεφαλὰς ἀφελόντες τοι̃ς ἔξω παρέρριψαν

^1:17 κατὰ πάντα εὐλογητὸς ἡμω̃ν ὁ θεός ὃς παρέδωκεν τοὺς ἀσεβήσαντας

^1:18 μέλλοντες ἄγειν ἐν τω̨̃ Χασελευ πέμπτη̨ καὶ εἰκάδι τὸν καθαρισμὸν του̃ ἱερου̃ δέον ἡγησάμεθα διασαφη̃σαι ὑμι̃ν ἵνα καὶ αὐτοὶ ἄγητε σκηνοπηγίας καὶ του̃ πυρός ὅτε Νεεμιας ὁ οἰκοδομήσας τό τε ἱερὸν καὶ τὸ θυσιαστήριον ἀνήνεγκεν θυσίας

^1:19 καὶ γὰρ ὅτε εἰς τὴν Περσικὴν ἤγοντο ἡμω̃ν οἱ πατέρες οἱ τότε εὐσεβει̃ς ἱερει̃ς λαβόντες ἀπὸ του̃ πυρὸς του̃ θυσιαστηρίου λαθραίως κατέκρυψαν ἐν κοιλώματι φρέατος τάξιν ἔχοντος ἄνυδρον ἐν ὡ̨̃ κατησφαλίσαντο ὥστε πα̃σιν ἄγνωστον εἰ̃ναι τὸν τόπον

^1:20 διελθόντων δὲ ἐτω̃ν ἱκανω̃ν ὅτε ἔδοξεν τω̨̃ θεω̨̃ ἀποσταλεὶς Νεεμιας ὑπὸ του̃ βασιλέως τη̃ς Περσίδος τοὺς ἐκγόνους τω̃ν ἱερέων τω̃ν ἀποκρυψάντων ἔπεμψεν ἐπὶ τὸ πυ̃ρ ὡς δὲ διεσάφησαν ἡμι̃ν μὴ εὑρηκέναι πυ̃ρ ἀλλὰ ὕδωρ παχύ ἐκέλευσεν αὐτοὺς ἀποβάψαντας φέρειν

^1:21 ὡς δὲ ἀνηνέχθη τὰ τω̃ν θυσιω̃ν ἐκέλευσεν τοὺς ἱερει̃ς Νεεμιας ἐπιρρα̃ναι τω̨̃ ὕδατι τά τε ξύλα καὶ τὰ ἐπικείμενα

^1:22 ὡς δὲ ἐγένετο του̃το καὶ χρόνος διη̃λθεν ὅ τε ἥλιος ἀνέλαμψεν πρότερον ἐπινεφὴς ὤν ἀνήφθη πυρὰ μεγάλη ὥστε θαυμάσαι πάντας

^1:23 προσευχὴν δὲ ἐποιήσαντο οἱ ἱερει̃ς δαπανωμένης τη̃ς θυσίας οἵ τε ἱερει̃ς καὶ πάντες καταρχομένου Ιωναθου τω̃ν δὲ λοιπω̃ν ἐπιφωνούντων ὡς Νεεμιου

^1:24 ἠ̃ν δὲ ἡ προσευχὴ τὸν τρόπον ἔχουσα του̃τον κύριε κύριε ὁ θεός ὁ πάντων κτίστης ὁ φοβερὸς καὶ ἰσχυρὸς καὶ δίκαιος καὶ ἐλεήμων ὁ μόνος βασιλεὺς καὶ χρηστός

^1:25 ὁ μόνος χορηγός ὁ μόνος δίκαιος καὶ παντοκράτωρ καὶ αἰώνιος ὁ διασώ̨ζων τὸν Ισραηλ ἐκ παντὸς κακου̃ ὁ ποιήσας τοὺς πατέρας ἐκλεκτοὺς καὶ ἁγιάσας αὐτούς

^1:26 πρόσδεξαι τὴν θυσίαν ὑπὲρ παντὸς του̃ λαου̃ σου Ισραηλ καὶ διαφύλαξον τὴν μερίδα σου καὶ καθαγίασον

^1:27 ἐπισυνάγαγε τὴν διασπορὰν ἡμω̃ν ἐλευθέρωσον τοὺς δουλεύοντας ἐν τοι̃ς ἔθνεσιν τοὺς ἐξουθενημένους καὶ βδελυκτοὺς ἔπιδε καὶ γνώτωσαν τὰ ἔθνη ὅτι σὺ εἰ̃ ὁ θεὸς ἡμω̃ν

^1:28 βασάνισον τοὺς καταδυναστεύοντας καὶ ἐξυβρίζοντας ἐν ὑπερηφανία̨

^1:29 καταφύτευσον τὸν λαόν σου εἰς τὸν τόπον τὸν ἅγιόν σου καθὼς εἰ̃πεν Μωυση̃ς

^1:30 οἱ δὲ ἱερει̃ς ἐπέψαλλον τοὺς ὕμνους

^1:31 καθὼς δὲ ἀνηλώθη τὰ τη̃ς θυσίας καὶ τὸ περιλειπόμενον ὕδωρ ὁ Νεεμιας ἐκέλευσεν λίθους μείζονας καταχει̃ν

^1:32 ὡς δὲ του̃το ἐγενήθη φλὸξ ἀνήφθη του̃ δὲ ἀπὸ του̃ θυσιαστηρίου ἀντιλάμψαντος φωτὸς ἐδαπανήθη

^1:33 ὡς δὲ φανερὸν ἐγενήθη τὸ πρα̃γμα καὶ διηγγέλη τω̨̃ βασιλει̃ τω̃ν Περσω̃ν ὅτι εἰς τὸν τόπον οὑ̃ τὸ πυ̃ρ ἔκρυψαν οἱ μεταχθέντες ἱερει̃ς τὸ ὕδωρ ἐφάνη ἀφ' οὑ̃ καὶ οἱ περὶ τὸν Νεεμιαν ἥγνισαν τὰ τη̃ς θυσίας

^1:34 περιφράξας δὲ ὁ βασιλεὺς ἱερὸν ἐποίησεν δοκιμάσας τὸ πρα̃γμα

^1:35 καὶ οἱ̃ς ἐχαρίζετο ὁ βασιλεύς πολλὰ διάφορα ἐλάμβανεν καὶ μετεδίδου

^1:36 προσηγόρευσαν δὲ οἱ περὶ τὸν Νεεμιαν του̃το νεφθαρ ὃ διερμηνεύεται καθαρισμός καλει̃ται δὲ παρὰ τοι̃ς πολλοι̃ς νεφθαι

^2:1 εὑρίσκεται δὲ ἐν ται̃ς ἀπογραφαι̃ς Ιερεμιας ὁ προφήτης ὅτι ἐκέλευσεν του̃ πυρὸς λαβει̃ν τοὺς μεταγενομένους ὡς σεσήμανται

^2:2 καὶ ὡς ἐνετείλατο τοι̃ς μεταγενομένοις ὁ προφήτης δοὺς αὐτοι̃ς τὸν νόμον ἵνα μὴ ἐπιλάθωνται τω̃ν προσταγμάτων του̃ κυρίου καὶ ἵνα μὴ ἀποπλανηθω̃σιν ται̃ς διανοίαις βλέποντες ἀγάλματα χρυσα̃ καὶ ἀργυρα̃ καὶ τὸν περὶ αὐτὰ κόσμον

^2:3 καὶ ἕτερα τοιαυ̃τα λέγων παρεκάλει μὴ ἀποστη̃ναι τὸν νόμον ἀπὸ τη̃ς καρδίας αὐτω̃ν

^2:4 ἠ̃ν δὲ ἐν τη̨̃ γραφη̨̃ ὡς τὴν σκηνὴν καὶ τὴν κιβωτὸν ἐκέλευσεν ὁ προφήτης χρηματισμου̃ γενηθέντος αὐτω̨̃ συνακολουθει̃ν ὡς δὲ ἐξη̃λθεν εἰς τὸ ὄρος οὑ̃ ὁ Μωυση̃ς ἀναβὰς ἐθεάσατο τὴν του̃ θεου̃ κληρονομίαν

^2:5 καὶ ἐλθὼν ὁ Ιερεμιας εὑ̃ρεν οἰ̃κον ἀντρώδη καὶ τὴν σκηνὴν καὶ τὴν κιβωτὸν καὶ τὸ θυσιαστήριον του̃ θυμιάματος εἰσήνεγκεν ἐκει̃ καὶ τὴν θύραν ἐνέφραξεν

^2:6 καὶ προσελθόντες τινὲς τω̃ν συνακολουθούντων ὥστε ἐπισημάνασθαι τὴν ὁδὸν καὶ οὐκ ἐδυνήθησαν εὑρει̃ν

^2:7 ὡς δὲ ὁ Ιερεμιας ἔγνω μεμψάμενος αὐτοι̃ς εἰ̃πεν ὅτι καὶ ἄγνωστος ὁ τόπος ἔσται ἕως ἂν συναγάγη̨ ὁ θεὸς ἐπισυναγωγὴν του̃ λαου̃ καὶ ἵλεως γένηται

^2:8 καὶ τότε ὁ κύριος ἀναδείξει ταυ̃τα καὶ ὀφθήσεται ἡ δόξα του̃ κυρίου καὶ ἡ νεφέλη ὡς ἐπὶ Μωυση̨̃ ἐδηλου̃το ὡς καὶ ὁ Σαλωμων ἠξίωσεν ἵνα ὁ τόπος καθαγιασθη̨̃ μεγάλως

^2:9 διεσαφει̃το δὲ καὶ ὡς σοφίαν ἔχων ἀνήνεγκεν θυσίαν ἐγκαινισμου̃ καὶ τη̃ς τελειώσεως του̃ ἱερου̃

^2:10 καθὼς καὶ Μωυση̃ς προσηύξατο πρὸς κύριον καὶ κατέβη πυ̃ρ ἐκ του̃ οὐρανου̃ καὶ τὰ τη̃ς θυσίας ἐδαπάνησεν οὕτως καὶ Σαλωμων προσηύξατο καὶ καταβὰν τὸ πυ̃ρ ἀνήλωσεν τὰ ὁλοκαυτώματα

^2:11 καὶ εἰ̃πεν Μωυση̃ς διὰ τὸ μὴ βεβρω̃σθαι τὸ περὶ τη̃ς ἁμαρτίας ἀνηλώθη

^2:12 ὡσαύτως καὶ ὁ Σαλωμων τὰς ὀκτὼ ἡμέρας ἤγαγεν

^2:13 ἐξηγου̃ντο δὲ καὶ ἐν ται̃ς ἀναγραφαι̃ς καὶ ἐν τοι̃ς ὑπομνηματισμοι̃ς τοι̃ς κατὰ τὸν Νεεμιαν τὰ αὐτὰ καὶ ὡς καταβαλλόμενος βιβλιοθήκην ἐπισυνήγαγεν τὰ περὶ τω̃ν βασιλέων βιβλία καὶ προφητω̃ν καὶ τὰ του̃ Δαυιδ καὶ ἐπιστολὰς βασιλέων περὶ ἀναθεμάτων

^2:14 ὡσαύτως δὲ καὶ Ιουδας τὰ διαπεπτωκότα διὰ τὸν γεγονότα πόλεμον ἡμι̃ν ἐπισυνήγαγεν πάντα καὶ ἔστιν παρ' ἡμι̃ν

^2:15 ὡ̃ν οὐ̃ν ἐὰν χρείαν ἔχητε τοὺς ἀποκομιου̃ντας ὑμι̃ν ἀποστέλλετε

^2:16 μέλλοντες οὐ̃ν ἄγειν τὸν καθαρισμὸν ἐγράψαμεν ὑμι̃ν καλώς οὐ̃ν ποιήσετε ἄγοντες τὰς ἡμέρας

^2:17 ὁ δὲ θεὸς ὁ σώσας τὸν πάντα λαὸν αὐτου̃ καὶ ἀποδοὺς τὴν κληρονομίαν πα̃σιν καὶ τὸ βασίλειον καὶ τὸ ἱεράτευμα καὶ τὸν ἁγιασμόν

^2:18 καθὼς ἐπηγγείλατο διὰ του̃ νόμου ἐλπίζομεν γὰρ ἐπὶ τω̨̃ θεω̨̃ ὅτι ταχέως ἡμα̃ς ἐλεήσει καὶ ἐπισυνάξει ἐκ τη̃ς ὑπὸ τὸν οὐρανὸν εἰς τὸν ἅγιον τόπον ἐξείλετο γὰρ ἡμα̃ς ἐκ μεγάλων κακω̃ν καὶ τὸν τόπον ἐκαθάρισεν

^2:19 τὰ δὲ κατὰ τὸν Ιουδαν τὸν Μακκαβαι̃ον καὶ τοὺς τούτου ἀδελφοὺς καὶ τὸν του̃ ἱερου̃ του̃ μεγίστου καθαρισμὸν καὶ τὸν του̃ βωμου̃ ἐγκαινισμὸν

^2:20 ἔτι τε τοὺς πρὸς 'Αντίοχον τὸν 'Επιφανη̃ καὶ τὸν τούτου υἱὸν Εὐπάτορα πολέμους

^2:21 καὶ τὰς ἐξ οὐρανου̃ γενομένας ἐπιφανείας τοι̃ς ὑπὲρ του̃ Ιουδαϊσμου̃ φιλοτίμως ἀνδραγαθήσασιν ὥστε τὴν ὅλην χώραν ὀλίγους ὄντας λεηλατει̃ν καὶ τὰ βάρβαρα πλήθη διώκειν

^2:22 καὶ τὸ περιβόητον καθ' ὅλην τὴν οἰκουμένην ἱερὸν ἀνακομίσασθαι καὶ τὴν πόλιν ἐλευθερω̃σαι καὶ τοὺς μέλλοντας καταλύεσθαι νόμους ἐπανορθω̃σαι του̃ κυρίου μετὰ πάσης ἐπιεικείας ἵλεω γενομένου αὐτοι̃ς

^2:23 ὑπὸ 'Ιάσωνος του̃ Κυρηναίου δεδηλωμένα διὰ πέντε βιβλίων πειρασόμεθα δι' ἑνὸς συντάγματος ἐπιτεμει̃ν

^2:24 συνορω̃ντες γὰρ τὸ χύμα τω̃ν ἀριθμω̃ν καὶ τὴν οὐ̃σαν δυσχέρειαν τοι̃ς θέλουσιν εἰσκυκλει̃σθαι τοι̃ς τη̃ς ἱστορίας διηγήμασιν διὰ τὸ πλη̃θος τη̃ς ὕλης

^2:25 ἐφροντίσαμεν τοι̃ς μὲν βουλομένοις ἀναγινώσκειν ψυχαγωγίαν τοι̃ς δὲ φιλοφρονου̃σιν εἰς τὸ διὰ μνήμης ἀναλαβει̃ν εὐκοπίαν πα̃σιν δὲ τοι̃ς ἐντυγχάνουσιν ὠφέλειαν

^2:26 καὶ ἡμι̃ν μὲν τοι̃ς τὴν κακοπάθειαν ἐπιδεδεγμένοις τη̃ς ἐπιτομη̃ς οὐ ῥά̨διον ἱδρω̃τος δὲ καὶ ἀγρυπνίας τὸ πρα̃γμα

^2:27 καθάπερ τω̨̃ παρασκευάζοντι συμπόσιον καὶ ζητου̃ντι τὴν ἑτέρων λυσιτέλειαν οὐκ εὐχερές ὅμως διὰ τὴν τω̃ν πολλω̃ν εὐχαριστίαν ἡδέως τὴν κακοπάθειαν ὑποίσομεν

^2:28 τὸ μὲν διακριβου̃ν περὶ ἑκάστων τω̨̃ συγγραφει̃ παραχωρήσαντες τὸ δὲ ἐπιπορεύεσθαι τοι̃ς ὑπογραμμοι̃ς τη̃ς ἐπιτομη̃ς διαπονου̃ντες

^2:29 καθάπερ γὰρ τη̃ς καινη̃ς οἰκίας ἀρχιτέκτονι τη̃ς ὅλης καταβολη̃ς φροντιστέον τω̨̃ δὲ ἐγκαίειν καὶ ζωγραφει̃ν ἐπιχειρου̃ντι τὰ ἐπιτήδεια πρὸς διακόσμησιν ἐξεταστέον οὕτως δοκω̃ καὶ ἐπὶ ἡμω̃ν

^2:30 τὸ μὲν ἐμβατεύειν καὶ περίπατον ποιει̃σθαι λόγων καὶ πολυπραγμονει̃ν ἐν τοι̃ς κατὰ μέρος τω̨̃ τη̃ς ἱστορίας ἀρχηγέτη̨ καθήκει

^2:31 τὸ δὲ σύντομον τη̃ς λέξεως μεταδιώκειν καὶ τὸ ἐξεργαστικὸν τη̃ς πραγματείας παραιτει̃σθαι τω̨̃ τὴν μετάφρασιν ποιουμένω̨ συγχωρητέον

^2:32 ἐντευ̃θεν οὐ̃ν ἀρξώμεθα τη̃ς διηγήσεως τοι̃ς προειρημένοις τοσου̃τον ἐπιζεύξαντες εὔηθες γὰρ τὸ μὲν πρὸ τη̃ς ἱστορίας πλεονάζειν τὴν δὲ ἱστορίαν ἐπιτεμει̃ν

^3:1 τη̃ς ἁγίας πόλεως κατοικουμένης μετὰ πάσης εἰρήνης καὶ τω̃ν νόμων ὅτι κάλλιστα συντηρουμένων διὰ τὴν Ονιου του̃ ἀρχιερέως εὐσέβειάν τε καὶ μισοπονηρίαν

^3:2 συνέβαινεν καὶ αὐτοὺς τοὺς βασιλει̃ς τιμα̃ν τὸν τόπον καὶ τὸ ἱερὸν ἀποστολαι̃ς ται̃ς κρατίσταις δοξάζειν

^3:3 ὥστε καὶ Σέλευκον τὸν τη̃ς 'Ασίας βασιλέα χορηγει̃ν ἐκ τω̃ν ἰδίων προσόδων πάντα τὰ πρὸς τὰς λειτουργίας τω̃ν θυσιω̃ν ἐπιβάλλοντα δαπανήματα

^3:4 Σιμων δέ τις ἐκ τη̃ς Βενιαμιν φυλη̃ς προστάτης του̃ ἱερου̃ καθεσταμένος διηνέχθη τω̨̃ ἀρχιερει̃ περὶ τη̃ς κατὰ τὴν πόλιν ἀγορανομίας

^3:5 καὶ νικη̃σαι τὸν Ονιαν μὴ δυνάμενος ἠ̃λθεν πρὸς 'Απολλώνιον Θαρσεου τὸν κατ' ἐκει̃νον τὸν καιρὸν Κοίλης Συρίας καὶ Φοινίκης στρατηγὸν

^3:6 καὶ προσήγγειλεν περὶ του̃ χρημάτων ἀμυθήτων γέμειν τὸ ἐν Ιεροσολύμοις γαζοφυλάκιον ὥστε τὸ πλη̃θος τω̃ν διαφόρων ἀναρίθμητον εἰ̃ναι καὶ μὴ προσήκειν αὐτὰ πρὸς τὸν τω̃ν θυσιω̃ν λόγον εἰ̃ναι δὲ δυνατὸν ὑπὸ τὴν του̃ βασιλέως ἐξουσίαν πεσει̃ν ταυ̃τα

^3:7 συμμείξας δὲ ὁ 'Απολλώνιος τω̨̃ βασιλει̃ περὶ τω̃ν μηνυθέντων αὐτω̨̃ χρημάτων ἐνεφάνισεν ὁ δὲ προχειρισάμενος 'Ηλιόδωρον τὸν ἐπὶ τω̃ν πραγμάτων ἀπέστειλεν δοὺς ἐντολὰς τὴν τω̃ν προειρημένων χρημάτων ἐκκομιδὴν ποιήσασθαι

^3:8 εὐθέως δὲ ὁ 'Ηλιόδωρος ἐποιει̃το τὴν πορείαν τη̨̃ μὲν ἐμφάσει ὡς τὰς κατὰ Κοίλην Συρίαν καὶ Φοινίκην πόλεις ἐφοδευ̃σαι τω̨̃ πράγματι δὲ τὴν του̃ βασιλέως πρόθεσιν ἐπιτελει̃ν

^3:9 παραγενηθεὶς δὲ εἰς Ιεροσόλυμα καὶ φιλοφρόνως ὑπὸ του̃ ἀρχιερέως τη̃ς πόλεως ἀποδεχθεὶς ἀνέθετο περὶ του̃ γεγονότος ἐμφανισμου̃ καὶ τίνος ἕνεκεν πάρεστιν διεσάφησεν ἐπυνθάνετο δὲ εἰ ται̃ς ἀληθείαις ταυ̃τα οὕτως ἔχοντα τυγχάνει

^3:10 του̃ δὲ ἀρχιερέως ὑποδείξαντος παρακαταθήκας εἰ̃ναι χηρω̃ν τε καὶ ὀρφανω̃ν

^3:11 τινὰ δὲ καὶ 'Υρκανου̃ του̃ Τωβιου σφόδρα ἀνδρὸς ἐν ὑπεροχη̨̃ κειμένου οὕτως ἠ̃ν διαβάλλων ὁ δυσσεβὴς Σιμων τὰ δὲ πάντα ἀργυρίου τετρακόσια τάλαντα χρυσίου δὲ διακόσια

^3:12 ἀδικηθη̃ναι δὲ τοὺς πεπιστευκότας τη̨̃ του̃ τόπου ἁγιωσύνη̨ καὶ τη̨̃ του̃ τετιμημένου κατὰ τὸν σύμπαντα κόσμον ἱερου̃ σεμνότητι καὶ ἀσυλία̨ παντελω̃ς ἀμήχανον εἰ̃ναι

^3:13 ὁ δὲ 'Ηλιόδωρος δι' ἃς εἰ̃χεν βασιλικὰς ἐντολάς πάντως ἔλεγεν εἰς τὸ βασιλικὸν ἀναλημπτέα ταυ̃τα εἰ̃ναι

^3:14 ταξάμενος δὲ ἡμέραν εἰσή̨ει τὴν περὶ τούτων ἐπίσκεψιν οἰκονομήσων ἠ̃ν δὲ οὐ μικρὰ καθ' ὅλην τὴν πόλιν ἀγωνία

^3:15 οἱ δὲ ἱερει̃ς πρὸ του̃ θυσιαστηρίου ἐν ται̃ς ἱερατικαι̃ς στολαι̃ς ῥίψαντες ἑαυτοὺς ἐπεκαλου̃ντο εἰς οὐρανὸν τὸν περὶ παρακαταθήκης νομοθετήσαντα τοι̃ς παρακαταθεμένοις ταυ̃τα σω̃α διαφυλάξαι

^3:16 ἠ̃ν δὲ ὁρω̃ντα τὴν του̃ ἀρχιερέως ἰδέαν τιτρώσκεσθαι τὴν διάνοιαν ἡ γὰρ ὄψις καὶ τὸ τη̃ς χρόας παρηλλαγμένον ἐνέφαινεν τὴν κατὰ ψυχὴν ἀγωνίαν

^3:17 περιεκέχυτο γὰρ περὶ τὸν ἄνδρα δέος τι καὶ φρικασμὸς σώματος δι' ὡ̃ν πρόδηλον ἐγίνετο τοι̃ς θεωρου̃σιν τὸ κατὰ καρδίαν ἐνεστὸς ἄλγος

^3:18 ἔτι δὲ ἐκ τω̃ν οἰκιω̃ν ἀγεληδὸν ἐξεπήδων ἐπὶ πάνδημον ἱκετείαν διὰ τὸ μέλλειν εἰς καταφρόνησιν ἔρχεσθαι τὸν τόπον

^3:19 ὑπεζωσμέναι δὲ ὑπὸ τοὺς μαστοὺς αἱ γυναι̃κες σάκκους κατὰ τὰς ὁδοὺς ἐπλήθυνον αἱ δὲ κατάκλειστοι τω̃ν παρθένων αἱ μὲν συνέτρεχον ἐπὶ τοὺς πυλω̃νας αἱ δὲ ἐπὶ τὰ τείχη τινὲς δὲ διὰ τω̃ν θυρίδων διεξέκυπτον

^3:20 πα̃σαι δὲ προτείνουσαι τὰς χει̃ρας εἰς τὸν οὐρανὸν ἐποιου̃ντο τὴν λιτανείαν

^3:21 ἐλεει̃ν δ' ἠ̃ν τὴν του̃ πλήθους παμμιγη̃ πρόπτωσιν τήν τε του̃ μεγάλως ἀγωνιω̃ντος ἀρχιερέως προσδοκίαν

^3:22 οἱ μὲν οὐ̃ν ἐπεκαλου̃ντο τὸν παγκρατη̃ κύριον τὰ πεπιστευμένα τοι̃ς πεπιστευκόσιν σω̃α διαφυλάσσειν μετὰ πάσης ἀσφαλείας

^3:23 ὁ δὲ 'Ηλιόδωρος τὸ διεγνωσμένον ἐπετέλει

^3:24 αὐτόθι δὲ αὐτου̃ σὺν τοι̃ς δορυφόροις κατὰ τὸ γαζοφυλάκιον ἤδη παρόντος ὁ τω̃ν πνευμάτων καὶ πάσης ἐξουσίας δυνάστης ἐπιφάνειαν μεγάλην ἐποίησεν ὥστε πάντας τοὺς κατατολμήσαντας συνελθει̃ν καταπλαγέντας τὴν του̃ θεου̃ δύναμιν εἰς ἔκλυσιν καὶ δειλίαν τραπη̃ναι

^3:25 ὤφθη γάρ τις ἵππος αὐτοι̃ς φοβερὸν ἔχων τὸν ἐπιβάτην καὶ καλλίστη̨ σαγη̨̃ διακεκοσμημένος φερόμενος δὲ ῥύδην ἐνέσεισεν τω̨̃ 'Ηλιοδώρω̨ τὰς ἐμπροσθίους ὁπλάς ὁ δὲ ἐπικαθήμενος ἐφαίνετο χρυση̃ν πανοπλίαν ἔχων

^3:26 ἕτεροι δὲ δύο προσεφάνησαν αὐτω̨̃ νεανίαι τη̨̃ ῥώμη̨ μὲν ἐκπρεπει̃ς κάλλιστοι δὲ τὴν δόξαν διαπρεπει̃ς δὲ τὴν περιβολήν οἳ καὶ περιστάντες ἐξ ἑκατέρου μέρους ἐμαστίγουν αὐτὸν ἀδιαλείπτως πολλὰς ἐπιρριπτου̃ντες αὐτω̨̃ πληγάς

^3:27 ἄφνω δὲ πεσόντα πρὸς τὴν γη̃ν καὶ πολλω̨̃ σκότει περιχυθέντα συναρπάσαντες καὶ εἰς φορει̃ον ἐνθέντες

^3:28 τὸν ἄρτι μετὰ πολλη̃ς παραδρομη̃ς καὶ πάσης δορυφορίας εἰς τὸ προειρημένον εἰσελθόντα γαζοφυλάκιον ἔφερον ἀβοήθητον ἑαυτω̨̃ καθεστω̃τα φανερω̃ς τὴν του̃ θεου̃ δυναστείαν ἐπεγνωκότες

^3:29 καὶ ὁ μὲν διὰ τὴν θείαν ἐνέργειαν ἄφωνος καὶ πάσης ἐστερημένος ἐλπίδος καὶ σωτηρίας ἔρριπτο

^3:30 οἱ δὲ τὸν κύριον εὐλόγουν τὸν παραδοξάζοντα τὸν ἑαυτου̃ τόπον καὶ τὸ μικρω̨̃ πρότερον δέους καὶ ταραχη̃ς γέμον ἱερὸν του̃ παντοκράτορος ἐπιφανέντος κυρίου χαρα̃ς καὶ εὐφροσύνης ἐπεπλήρωτο

^3:31 ταχὺ δέ τινες τω̃ν του̃ 'Ηλιοδώρου συνήθων ἠξίουν τὸν Ονιαν ἐπικαλέσασθαι τὸν ὕψιστον καὶ τὸ ζη̃ν χαρίσασθαι τω̨̃ παντελω̃ς ἐν ἐσχάτη̨ πνοη̨̃ κειμένω̨

^3:32 ὕποπτος δὲ γενόμενος ὁ ἀρχιερεὺς μήποτε διάλημψιν ὁ βασιλεὺς σχη̨̃ κακουργίαν τινὰ περὶ τὸν 'Ηλιόδωρον ὑπὸ τω̃ν Ιουδαίων συντετελέσθαι προσήγαγεν θυσίαν ὑπὲρ τη̃ς του̃ ἀνδρὸς σωτηρίας

^3:33 ποιουμένου δὲ του̃ ἀρχιερέως τὸν ἱλασμὸν οἱ αὐτοὶ νεανίαι πάλιν ἐφάνησαν τω̨̃ 'Ηλιοδώρω̨ ἐν ται̃ς αὐται̃ς ἐσθήσεσιν ἐστολισμένοι καὶ στάντες εἰ̃πον πολλὰς Ονια τω̨̃ ἀρχιερει̃ χάριτας ἔχε διὰ γὰρ αὐτόν σοι κεχάρισται τὸ ζη̃ν ὁ κύριος

^3:34 σὺ δὲ ἐξ οὐρανου̃ μεμαστιγωμένος διάγγελλε πα̃σι τὸ μεγαλει̃ον του̃ θεου̃ κράτος ταυ̃τα δὲ εἰπόντες ἀφανει̃ς ἐγένοντο

^3:35 ὁ δὲ 'Ηλιόδωρος θυσίαν ἀνενέγκας τω̨̃ κυρίω̨ καὶ εὐχὰς μεγίστας εὐξάμενος τω̨̃ τὸ ζη̃ν περιποιήσαντι καὶ τὸν Ονιαν ἀποδεξάμενος ἀνεστρατοπέδευσεν πρὸς τὸν βασιλέα

^3:36 ἐξεμαρτύρει δὲ πα̃σιν ἅπερ ἠ̃ν ὑπ' ὄψιν τεθεαμένος ἔργα του̃ μεγίστου θεου̃

^3:37 του̃ δὲ βασιλέως ἐπερωτήσαντος τὸν 'Ηλιόδωρον ποι̃ός τις εἴη ἐπιτήδειος ἔτι ἅπαξ διαπεμφθη̃ναι εἰς Ιεροσόλυμα ἔφησεν

^3:38 εἴ τινα ἔχεις πολέμιον ἢ πραγμάτων ἐπίβουλον πέμψον αὐτὸν ἐκει̃ καὶ μεμαστιγωμένον αὐτὸν προσδέξη̨ ἐάνπερ καὶ διασωθη̨̃ διὰ τὸ περὶ τὸν τόπον ἀληθω̃ς εἰ̃ναί τινα θεου̃ δύναμιν

^3:39 αὐτὸς γὰρ ὁ τὴν κατοικίαν ἐπουράνιον ἔχων ἐπόπτης ἐστὶν καὶ βοηθὸς ἐκείνου του̃ τόπου καὶ τοὺς παραγινομένους ἐπὶ κακώσει τύπτων ἀπολλύει

^3:40 καὶ τὰ μὲν κατὰ 'Ηλιόδωρον καὶ τὴν του̃ γαζοφυλακίου τήρησιν οὕτως ἐχώρησεν

^4:1 ὁ δὲ προειρημένος Σιμων ὁ τω̃ν χρημάτων καὶ τη̃ς πατρίδος ἐνδείκτης γεγονὼς ἐκακολόγει τὸν Ονιαν ὡς αὐτός τε εἴη τὸν 'Ηλιόδωρον ἐπισεσεικὼς καὶ τω̃ν κακω̃ν δημιουργὸς καθεστηκώς

^4:2 καὶ τὸν εὐεργέτην τη̃ς πόλεως καὶ τὸν κηδεμόνα τω̃ν ὁμοεθνω̃ν καὶ ζηλωτὴν τω̃ν νόμων ἐπίβουλον τω̃ν πραγμάτων ἐτόλμα λέγειν

^4:3 τη̃ς δὲ ἔχθρας ἐπὶ τοσου̃τον προβαινούσης ὥστε καὶ διά τινος τω̃ν ὑπὸ του̃ Σιμωνος δεδοκιμασμένων φόνους συντελει̃σθαι

^4:4 συνορω̃ν ὁ Ονιας τὸ χαλεπὸν τη̃ς φιλονεικίας καὶ 'Απολλώνιον Μενεσθέως τὸν Κοίλης Συρίας καὶ Φοινίκης στρατηγὸν συναύξοντα τὴν κακίαν του̃ Σιμωνος

^4:5 πρὸς τὸν βασιλέα διεκομίσθη οὐ γινόμενος τω̃ν πολιτω̃ν κατήγορος τὸ δὲ σύμφορον κοινη̨̃ καὶ κατ' ἰδίαν παντὶ τω̨̃ πλήθει σκοπω̃ν

^4:6 ἑώρα γὰρ ἄνευ βασιλικη̃ς προνοίας ἀδύνατον εἰ̃ναι τυχει̃ν εἰρήνης ἔτι τὰ πράγματα καὶ τὸν Σιμωνα παυ̃λαν οὐ λημψόμενον τη̃ς ἀνοίας

^4:7 μεταλλάξαντος δὲ τὸν βίον Σελεύκου καὶ παραλαβόντος τὴν βασιλείαν 'Αντιόχου του̃ προσαγορευθέντος 'Επιφανου̃ς ὑπενόθευσεν 'Ιάσων ὁ ἀδελφὸς Ονιου τὴν ἀρχιερωσύνην

^4:8 ἐπαγγειλάμενος τω̨̃ βασιλει̃ δι' ἐντεύξεως ἀργυρίου τάλαντα ἑξήκοντα πρὸς τοι̃ς τριακοσίοις καὶ προσόδου τινὸς ἄλλης τάλαντα ὀγδοήκοντα

^4:9 πρὸς δὲ τούτοις ὑπισχνει̃το καὶ ἕτερα διαγράφειν πεντήκοντα πρὸς τοι̃ς ἑκατόν ἐὰν ἐπιχωρηθη̨̃ διὰ τη̃ς ἐξουσίας αὐτου̃ γυμνάσιον καὶ ἐφηβει̃ον αὐτω̨̃ συστήσασθαι καὶ τοὺς ἐν Ιεροσολύμοις 'Αντιοχει̃ς ἀναγράψαι

^4:10 ἐπινεύσαντος δὲ του̃ βασιλέως καὶ τη̃ς ἀρχη̃ς κρατήσας εὐθέως πρὸς τὸν 'Ελληνικὸν χαρακτη̃ρα τοὺς ὁμοφύλους μετέστησε

^4:11 καὶ τὰ κείμενα τοι̃ς Ιουδαίοις φιλάνθρωπα βασιλικὰ διὰ Ιωάννου του̃ πατρὸς Εὐπολέμου του̃ ποιησαμένου τὴν πρεσβείαν ὑπὲρ φιλίας καὶ συμμαχίας πρὸς τοὺς 'Ρωμαίους παρώσας καὶ τὰς μὲν νομίμους καταλύων πολιτείας παρανόμους ἐθισμοὺς ἐκαίνιζεν

^4:12 ἀσμένως γὰρ ὑπ' αὐτὴν τὴν ἀκρόπολιν γυμνάσιον καθίδρυσεν καὶ τοὺς κρατίστους τω̃ν ἐφήβων ὑποτάσσων ὑπὸ πέτασον ἤγαγεν

^4:13 ἠ̃ν δ' οὕτως ἀκμή τις 'Ελληνισμου̃ καὶ πρόσβασις ἀλλοφυλισμου̃ διὰ τὴν του̃ ἀσεβου̃ς καὶ οὐκ ἀρχιερέως 'Ιάσωνος ὑπερβάλλουσαν ἀναγνείαν

^4:14 ὥστε μηκέτι περὶ τὰς του̃ θυσιαστηρίου λειτουργίας προθύμους εἰ̃ναι τοὺς ἱερει̃ς ἀλλὰ του̃ μὲν νεὼ καταφρονου̃ντες καὶ τω̃ν θυσιω̃ν ἀμελου̃ντες ἔσπευδον μετέχειν τη̃ς ἐν παλαίστρη̨ παρανόμου χορηγίας μετὰ τὴν του̃ δίσκου πρόσκλησιν

^4:15 καὶ τὰς μὲν πατρώ̨ους τιμὰς ἐν οὐδενὶ τιθέμενοι τὰς δὲ 'Ελληνικὰς δόξας καλλίστας ἡγούμενοι

^4:16 ὡ̃ν καὶ χάριν περιέσχεν αὐτοὺς χαλεπὴ περίστασις καὶ ὡ̃ν ἐζήλουν τὰς ἀγωγὰς καὶ καθ' ἅπαν ἤθελον ἐξομοιου̃σθαι τούτους πολεμίους καὶ τιμωρητὰς ἔσχον

^4:17 ἀσεβει̃ν γὰρ εἰς τοὺς θείους νόμους οὐ ῥά̨διον ἀλλὰ ταυ̃τα ὁ ἀκόλουθος καιρὸς δηλώσει

^4:18 ἀγομένου δὲ πενταετηρικου̃ ἀγω̃νος ἐν Τύρω̨ καὶ του̃ βασιλέως παρόντος

^4:19 ἀπέστειλεν 'Ιάσων ὁ μιαρὸς θεωροὺς ὡς ἀπὸ Ιεροσολύμων 'Αντιοχει̃ς ὄντας παρακομίζοντας ἀργυρίου δραχμὰς τριακοσίας εἰς τὴν του̃ 'Ηρακλέους θυσίαν ἃς καὶ ἠξίωσαν οἱ παρακομίσαντες μὴ χρη̃σθαι εἰς θυσίαν διὰ τὸ μὴ καθήκειν εἰς ἑτέραν δὲ καταθέσθαι δαπάνην

^4:20 ἔπεσε μὲν οὐ̃ν ταυ̃τα διὰ μὲν τὸν ἀποστείλαντα εἰς τὴν του̃ 'Ηρακλέους θυσίαν ἕνεκεν δὲ τω̃ν παρακομιζόντων εἰς τὰς τω̃ν τριηρέων κατασκευάς

^4:21 ἀποσταλέντος δὲ εἰς Αἴγυπτον 'Απολλωνίου του̃ Μενεσθέως διὰ τὰ πρωτοκλίσια του̃ Φιλομήτορος βασιλέως μεταλαβὼν 'Αντίοχος ἀλλότριον αὐτὸν τω̃ν αὐτου̃ γεγονέναι πραγμάτων τη̃ς καθ' αὑτὸν ἀσφαλείας ἐφρόντιζεν ὅθεν εἰς Ιοππην παραγενόμενος κατήντησεν εἰς Ιεροσόλυμα

^4:22 μεγαλομερω̃ς δὲ ὑπὸ του̃ 'Ιάσωνος καὶ τη̃ς πόλεως ἀποδεχθεὶς μετὰ δα̨δουχίας καὶ βοω̃ν εἰσεδέχθη εἰ̃θ' οὕτως εἰς τὴν Φοινίκην κατεστρατοπέδευσεν

^4:23 μετὰ δὲ τριετη̃ χρόνον ἀπέστειλεν 'Ιάσων Μενέλαον τὸν του̃ προσημαινομένου Σιμωνος ἀδελφὸν παρακομίζοντα τὰ χρήματα τω̨̃ βασιλει̃ καὶ περὶ πραγμάτων ἀναγκαίων ὑπομνηματισμοὺς τελέσοντα

^4:24 ὁ δὲ συσταθεὶς τω̨̃ βασιλει̃ καὶ δοξάσας αὐτὸν τω̨̃ προσώπω̨ τη̃ς ἐξουσίας εἰς ἑαυτὸν κατήντησεν τὴν ἀρχιερωσύνην ὑπερβαλὼν τὸν 'Ιάσωνα τάλαντα ἀργυρίου τριακόσια

^4:25 λαβὼν δὲ τὰς βασιλικὰς ἐντολὰς παρεγένετο τη̃ς μὲν ἀρχιερωσύνης οὐδὲν ἄξιον φέρων θυμοὺς δὲ ὠμου̃ τυράννου καὶ θηρὸς βαρβάρου ὀργὰς ἔχων

^4:26 καὶ ὁ μὲν 'Ιάσων ὁ τὸν ἴδιον ἀδελφὸν ὑπονοθεύσας ὑπονοθευθεὶς ὑφ' ἑτέρου φυγὰς εἰς τὴν Αμμανι̃τιν χώραν συνήλαστο

^4:27 ὁ δὲ Μενέλαος τη̃ς μὲν ἀρχη̃ς ἐκράτει τω̃ν δὲ ἐπηγγελμένων τω̨̃ βασιλει̃ χρημάτων οὐδὲν εὐτάκτει

^4:28 ποιουμένου δὲ τὴν ἀπαίτησιν Σωστράτου του̃ τη̃ς ἀκροπόλεως ἐπάρχου πρὸς του̃τον γὰρ ἠ̃ν ἡ τω̃ν διαφόρων πρα̃ξις δι' ἣν αἰτίαν οἱ δύο ὑπὸ του̃ βασιλέως προσεκλήθησαν

^4:29 καὶ ὁ μὲν Μενέλαος ἀπέλιπεν τη̃ς ἀρχιερωσύνης διάδοχον Λυσίμαχον τὸν ἑαυτου̃ ἀδελφόν Σώστρατος δὲ Κράτητα τὸν ἐπὶ τω̃ν Κυπρίων

^4:30 τοιούτων δὲ συνεστηκότων συνέβη Ταρσει̃ς καὶ Μαλλώτας στασιάζειν διὰ τὸ 'Αντιοχίδι τη̨̃ παλλακη̨̃ του̃ βασιλέως ἐν δωρεα̨̃ δεδόσθαι

^4:31 θα̃ττον οὐ̃ν ὁ βασιλεὺς ἡ̃κεν καταστει̃λαι τὰ πράγματα καταλιπὼν τὸν διαδεχόμενον 'Ανδρόνικον τω̃ν ἐν ἀξιώματι κειμένων

^4:32 νομίσας δὲ ὁ Μενέλαος εἰληφέναι καιρὸν εὐφυη̃ χρυσώματά τινα τω̃ν του̃ ἱερου̃ νοσφισάμενος ἐχαρίσατο τω̨̃ 'Ανδρονίκω̨ καὶ ἕτερα ἐτύγχανεν πεπρακὼς εἴς τε Τύρον καὶ τὰς κύκλω̨ πόλεις

^4:33 ἃ καὶ σαφω̃ς ἐπεγνωκὼς ὁ Ονιας ἀπήλεγχεν ἀποκεχωρηκὼς εἰς ἄσυλον τόπον ἐπὶ Δάφνης τη̃ς πρὸς 'Αντιόχειαν κειμένης

^4:34 ὅθεν ὁ Μενέλαος λαβὼν ἰδία̨ τὸν 'Ανδρόνικον παρεκάλει χειρώσασθαι τὸν Ονιαν ὁ δὲ παραγενόμενος ἐπὶ τὸν Ονιαν καὶ πεισθεὶς ἐπὶ δόλω̨ καὶ δεξιασθεὶς μεθ' ὅρκων δοὺς δεξιάν καίπερ ἐν ὑποψία̨ κείμενος ἔπεισεν ἐκ του̃ ἀσύλου προελθει̃ν ὃν καὶ παραχρη̃μα παρέκλεισεν οὐκ αἰδεσθεὶς τὸ δίκαιον

^4:35 δι' ἣν αἰτίαν οὐ μόνον Ιουδαι̃οι πολλοὶ δὲ καὶ τω̃ν ἄλλων ἐθνω̃ν ἐδείναζον καὶ ἐδυσφόρουν ἐπὶ τω̨̃ του̃ ἀνδρὸς ἀδίκω̨ φόνω̨

^4:36 του̃ δὲ βασιλέως ἐπανελθόντος ἀπὸ τω̃ν κατὰ Κιλικίαν τόπων ἐνετύγχανον οἱ κατὰ πόλιν Ιουδαι̃οι συμμισοπονηρούντων καὶ τω̃ν 'Ελλήνων ὑπὲρ του̃ παρὰ λόγον τὸν Ονιαν ἀπεκτονη̃σθαι

^4:37 ψυχικω̃ς οὐ̃ν ὁ 'Αντίοχος ἐπιλυπηθεὶς καὶ τραπεὶς ἐπὶ ἔλεος καὶ δακρύσας διὰ τὴν του̃ μετηλλαχότος σωφροσύνην καὶ πολλὴν εὐταξίαν

^4:38 καὶ πυρωθεὶς τοι̃ς θυμοι̃ς παραχρη̃μα τὴν του̃ 'Ανδρονίκου πορφύραν περιελόμενος καὶ τοὺς χιτω̃νας περιρρήξας περιαγαγὼν καθ' ὅλην τὴν πόλιν ἐπ' αὐτὸν τὸν τόπον οὑ̃περ τὸν Ονιαν ἠσέβησεν ἐκει̃ τὸν μιαιφόνον ἀπεκόσμησεν του̃ κυρίου τὴν ἀξίαν αὐτω̨̃ κόλασιν ἀποδόντος

^4:39 γενομένων δὲ πολλω̃ν ἱεροσυλημάτων κατὰ τὴν πόλιν ὑπὸ του̃ Λυσιμάχου μετὰ τη̃ς του̃ Μενελάου γνώμης καὶ διαδοθείσης ἔξω τη̃ς φήμης ἐπισυνήχθη τὸ πλη̃θος ἐπὶ τὸν Λυσίμαχον χρυσωμάτων ἤδη πολλω̃ν διενηνεγμένων

^4:40 ἐπεγειρομένων δὲ τω̃ν ὄχλων καὶ ται̃ς ὀργαι̃ς διεμπιπλαμένων καθοπλίσας ὁ Λυσίμαχος πρὸς τρισχιλίους κατήρξατο χειρω̃ν ἀδίκων προηγησαμένου τινὸς Αυρανου προβεβηκότος τὴν ἡλικίαν οὐδὲν δὲ ἡ̃ττον καὶ τὴν ἄνοιαν

^4:41 συνιδόντες δὲ καὶ τὴν ἐπίθεσιν του̃ Λυσιμάχου συναρπάσαντες οἱ μὲν πέτρους οἱ δὲ ξύλων πάχη τινὲς δὲ ἐκ τη̃ς παρακειμένης σποδου̃ δρασσόμενοι φύρδην ἐνετίνασσον εἰς τοὺς περὶ τὸν Λυσίμαχον

^4:42 δι' ἣν αἰτίαν πολλοὺς μὲν αὐτω̃ν τραυματίας ἐποίησαν τινὰς δὲ καὶ κατέβαλον πάντας δὲ εἰς φυγὴν συνήλασαν αὐτὸν δὲ τὸν ἱερόσυλον παρὰ τὸ γαζοφυλάκιον ἐχειρώσαντο

^4:43 περὶ δὲ τούτων ἐνέστη κρίσις πρὸς τὸν Μενέλαον

^4:44 καταντήσαντος δὲ του̃ βασιλέως εἰς Τύρον ἐπ' αὐτου̃ τὴν δικαιολογίαν ἐποιήσαντο οἱ πεμφθέντες τρει̃ς ἄνδρες ὑπὸ τη̃ς γερουσίας

^4:45 ἤδη δὲ λελειμμένος ὁ Μενέλαος ἐπηγγείλατο χρήματα ἱκανὰ τω̨̃ Πτολεμαίω̨ Δορυμένους πρὸς τὸ πει̃σαι τὸν βασιλέα

^4:46 ὅθεν ἀπολαβὼν ὁ Πτολεμαι̃ος εἴς τι περίστυλον ὡς ἀναψύξοντα τὸν βασιλέα μετέθηκεν

^4:47 καὶ τὸν μὲν τη̃ς ὅλης κακίας αἴτιον Μενέλαον ἀπέλυσεν τω̃ν κατηγορημένων τοι̃ς δὲ ταλαιπώροις οἵτινες εἰ καὶ ἐπὶ Σκυθω̃ν ἔλεγον ἀπελύθησαν ἀκατάγνωστοι τούτοις θάνατον ἐπέκρινεν

^4:48 ταχέως οὐ̃ν τὴν ἄδικον ζημίαν ὑπέσχον οἱ περὶ πόλεως καὶ δήμων καὶ τω̃ν ἱερω̃ν σκευω̃ν προηγορήσαντες

^4:49 δι' ἣν αἰτίαν καὶ Τύριοι μισοπονηρήσαντες τὰ πρὸς τὴν κηδείαν αὐτω̃ν μεγαλοπρεπω̃ς ἐχορήγησαν

^4:50 ὁ δὲ Μενέλαος διὰ τὰς τω̃ν κρατούντων πλεονεξίας ἔμενεν ἐπὶ τη̨̃ ἀρχη̨̃ ἐπιφυόμενος τη̨̃ κακία̨ μέγας τω̃ν πολιτω̃ν ἐπίβουλος καθεστώς

^5:1 περὶ δὲ τὸν καιρὸν του̃τον τὴν δευτέραν ἔφοδον ὁ 'Αντίοχος εἰς Αἴγυπτον ἐστείλατο

^5:2 συνέβη δὲ καθ' ὅλην τὴν πόλιν σχεδὸν ἐφ' ἡμέρας τεσσαράκοντα φαίνεσθαι διὰ τω̃ν ἀέρων τρέχοντας ἱππει̃ς διαχρύσους στολὰς ἔχοντας καὶ λόγχας σπειρηδὸν ἐξωπλισμένους καὶ μαχαιρω̃ν σπασμοὺς

^5:3 καὶ ἴλας ἵππων διατεταγμένας καὶ προσβολὰς γινομένας καὶ καταδρομὰς ἑκατέρων καὶ ἀσπίδων κινήσεις καὶ καμάκων πλήθη καὶ βελω̃ν βολὰς καὶ χρυσέων κόσμων ἐκλάμψεις καὶ παντοίους θωρακισμούς

^5:4 διὸ πάντες ἠξίουν ἐπ' ἀγαθω̨̃ τὴν ἐπιφάνειαν γεγενη̃σθαι

^5:5 γενομένης δὲ λαλια̃ς ψευδου̃ς ὡς μετηλλαχότος 'Αντιόχου τὸν βίον παραλαβὼν ὁ 'Ιάσων οὐκ ἐλάττους τω̃ν χιλίων αἰφνιδίως ἐπὶ τὴν πόλιν συνετελέσατο ἐπίθεσιν τω̃ν δὲ ἐπὶ τω̨̃ τείχει συνελασθέντων καὶ τέλος ἤδη καταλαμβανομένης τη̃ς πόλεως ὁ Μενέλαος εἰς τὴν ἀκρόπολιν ἐφυγάδευσεν

^5:6 ὁ δὲ 'Ιάσων ἐποιει̃το σφαγὰς τω̃ν πολιτω̃ν τω̃ν ἰδίων ἀφειδω̃ς οὐ συννοω̃ν τὴν εἰς τοὺς συγγενει̃ς εὐημερίαν δυσημερίαν εἰ̃ναι τὴν μεγίστην δοκω̃ν δὲ πολεμίων καὶ οὐχ ὁμοεθνω̃ν τρόπαια καταβάλλεσθαι

^5:7 τη̃ς μὲν ἀρχη̃ς οὐκ ἐκράτησεν τὸ δὲ τέλος τη̃ς ἐπιβουλη̃ς αἰσχύνην λαβὼν φυγὰς πάλιν εἰς τὴν Αμμανι̃τιν ἀπη̃λθεν

^5:8 πέρας οὐ̃ν κακη̃ς καταστροφη̃ς ἔτυχεν ἐγκληθεὶς πρὸς 'Αρέταν τὸν τω̃ν 'Αράβων τύραννον πόλιν ἐκ πόλεως φεύγων διωκόμενος ὑπὸ πάντων στυγούμενος ὡς τω̃ν νόμων ἀποστάτης καὶ βδελυσσόμενος ὡς πατρίδος καὶ πολιτω̃ν δήμιος εἰς Αἴγυπτον ἐξεβράσθη

^5:9 καὶ ὁ συχνοὺς τη̃ς πατρίδος ἀποξενώσας ἐπὶ ξένης ἀπώλετο πρὸς Λακεδαιμονίους ἀναχθεὶς ὡς διὰ τὴν συγγένειαν τευξόμενος σκέπης

^5:10 καὶ ὁ πλη̃θος ἀτάφων ἐκρίψας ἀπένθητος ἐγενήθη καὶ κηδείας οὐδ' ἡστινοσου̃ν οὔτε πατρώ̨ου τάφου μετέσχεν

^5:11 προσπεσόντων δὲ τω̨̃ βασιλει̃ περὶ τω̃ν γεγονότων διέλαβεν ἀποστατει̃ν τὴν Ιουδαίαν ὅθεν ἀναζεύξας ἐξ Αἰγύπτου τεθηριωμένος τη̨̃ ψυχη̨̃ ἔλαβεν τὴν μὲν πόλιν δοριάλωτον

^5:12 καὶ ἐκέλευσεν τοι̃ς στρατιώταις κόπτειν ἀφειδω̃ς τοὺς ἐμπίπτοντας καὶ τοὺς εἰς τὰς οἰκίας ἀναβαίνοντας κατασφάζειν

^5:13 ἐγίνετο δὲ νέων καὶ πρεσβυτέρων ἀναίρεσις ἀνήβων τε καὶ γυναικω̃ν καὶ τέκνων ἀφανισμός παρθένων τε καὶ νηπίων σφαγαί

^5:14 ὀκτὼ δὲ μυριάδες ἐν ται̃ς πάσαις ἡμέραις τρισὶν κατεφθάρησαν τέσσαρες μὲν ἐν χειρω̃ν νομαι̃ς οὐχ ἡ̃ττον δὲ τω̃ν ἐσφαγμένων ἐπράθησαν

^5:15 οὐκ ἀρκεσθεὶς δὲ τούτοις κατετόλμησεν εἰς τὸ πάσης τη̃ς γη̃ς ἁγιώτατον ἱερὸν εἰσελθει̃ν ὁδηγὸν ἔχων τὸν Μενέλαον τὸν καὶ τω̃ν νόμων καὶ τη̃ς πατρίδος προδότην γεγονότα

^5:16 καὶ ται̃ς μιαραι̃ς χερσὶν τὰ ἱερὰ σκεύη λαμβάνων καὶ τὰ ὑπ' ἄλλων βασιλέων ἀνατεθέντα πρὸς αὔξησιν καὶ δόξαν του̃ τόπου καὶ τιμὴν ται̃ς βεβήλοις χερσὶν συσσύρων

^5:17 καὶ ἐμετεωρίζετο τὴν διάνοιαν ὁ 'Αντίοχος οὐ συνορω̃ν ὅτι διὰ τὰς ἁμαρτίας τω̃ν τὴν πόλιν οἰκούντων ἀπώργισται βραχέως ὁ δεσπότης διὸ γέγονεν περὶ τὸν τόπον παρόρασις

^5:18 εἰ δὲ μὴ συνέβη προσενέχεσθαι πολλοι̃ς ἁμαρτήμασιν καθάπερ ἠ̃ν ὁ 'Ηλιόδωρος ὁ πεμφθεὶς ὑπὸ Σελεύκου του̃ βασιλέως ἐπὶ τὴν ἐπίσκεψιν του̃ γαζοφυλακίου οὑ̃τος προαχθεὶς παραχρη̃μα μαστιγωθεὶς ἀνετράπη του̃ θράσους

^5:19 ἀλλ' οὐ διὰ τὸν τόπον τὸ ἔθνος ἀλλὰ διὰ τὸ ἔθνος τὸν τόπον ὁ κύριος ἐξελέξατο

^5:20 διόπερ καὶ αὐτὸς ὁ τόπος συμμετασχὼν τω̃ν του̃ ἔθνους δυσπετημάτων γενομένων ὕστερον εὐεργετημάτων ἐκοινώνησεν καὶ ὁ καταλειφθεὶς ἐν τη̨̃ του̃ παντοκράτορος ὀργη̨̃ πάλιν ἐν τη̨̃ του̃ μεγάλου δεσπότου καταλλαγη̨̃ μετὰ πάσης δόξης ἐπανωρθώθη

^5:21 ὁ γου̃ν 'Αντίοχος ὀκτακόσια πρὸς τοι̃ς χιλίοις ἀπενεγκάμενος ἐκ του̃ ἱερου̃ τάλαντα θα̃ττον εἰς τὴν 'Αντιόχειαν ἐχωρίσθη οἰόμενος ἀπὸ τη̃ς ὑπερηφανίας τὴν μὲν γη̃ν πλωτὴν καὶ τὸ πέλαγος πορευτὸν θέσθαι διὰ τὸν μετεωρισμὸν τη̃ς καρδίας

^5:22 κατέλιπεν δὲ καὶ ἐπιστάτας του̃ κακου̃ν τὸ γένος ἐν μὲν Ιεροσολύμοις Φίλιππον τὸ μὲν γένος Φρύγα τὸν δὲ τρόπον βαρβαρώτερον ἔχοντα του̃ καταστήσαντος

^5:23 ἐν δὲ Γαριζιν 'Ανδρόνικον πρὸς δὲ τούτοις Μενέλαον ὃς χείριστα τω̃ν ἄλλων ὑπερή̨ρετο τοι̃ς πολίταις ἀπεχθη̃ δὲ πρὸς τοὺς πολίτας Ιουδαίους ἔχων διάθεσιν

^5:24 ἔπεμψεν δὲ τὸν Μυσάρχην 'Απολλώνιον μετὰ στρατεύματος δισμυρίους δὲ πρὸς τοι̃ς δισχιλίοις προστάξας τοὺς ἐν ἡλικία̨ πάντας κατασφάξαι τὰς δὲ γυναι̃κας καὶ τοὺς νεωτέρους πωλει̃ν

^5:25 οὑ̃τος δὲ παραγενόμενος εἰς Ιεροσόλυμα καὶ τὸν εἰρηνικὸν ὑποκριθεὶς ἐπέσχεν ἕως τη̃ς ἁγίας ἡμέρας του̃ σαββάτου καὶ λαβὼν ἀργου̃ντας τοὺς Ιουδαίους τοι̃ς ὑφ' ἑαυτὸν ἐξοπλησίαν παρήγγειλεν

^5:26 καὶ τοὺς ἐξελθόντας πάντας ἐπὶ τὴν θεωρίαν συνεξεκέντησεν καὶ εἰς τὴν πόλιν σὺν τοι̃ς ὅπλοις εἰσδραμὼν ἱκανὰ κατέστρωσεν πλήθη

^5:27 Ιουδας δὲ ὁ καὶ Μακκαβαι̃ος δέκατός που γενηθεὶς καὶ ἀναχωρήσας εἰς τὴν ἔρημον θηρίων τρόπον ἐν τοι̃ς ὄρεσιν διέζη σὺν τοι̃ς μετ' αὐτου̃ καὶ τὴν χορτώδη τροφὴν σιτούμενοι διετέλουν πρὸς τὸ μὴ μετασχει̃ν του̃ μολυσμου̃

^6:1 μετ' οὐ πολὺν δὲ χρόνον ἐξαπέστειλεν ὁ βασιλεὺς γέροντα 'Αθηναι̃ον ἀναγκάζειν τοὺς Ιουδαίους μεταβαίνειν ἀπὸ τω̃ν πατρίων νόμων καὶ τοι̃ς του̃ θεου̃ νόμοις μὴ πολιτεύεσθαι

^6:2 μολυ̃ναι δὲ καὶ τὸν ἐν Ιεροσολύμοις νεὼ καὶ προσονομάσαι Διὸς 'Ολυμπίου καὶ τὸν ἐν Γαριζιν καθὼς ἐτύγχανον οἱ τὸν τόπον οἰκου̃ντες Διὸς Ξενίου

^6:3 χαλεπὴ δὲ καὶ τοι̃ς ὅλοις ἠ̃ν δυσχερὴς ἡ ἐπίτασις τη̃ς κακίας

^6:4 τὸ μὲν γὰρ ἱερὸν ἀσωτίας καὶ κώμων ὑπὸ τω̃ν ἐθνω̃ν ἐπεπληρου̃το ῥα̨θυμούντων μεθ' ἑταιρω̃ν καὶ ἐν τοι̃ς ἱεροι̃ς περιβόλοις γυναιξὶ πλησιαζόντων ἔτι δὲ τὰ μὴ καθήκοντα ἔνδον εἰσφερόντων

^6:5 τὸ δὲ θυσιαστήριον τοι̃ς ἀποδιεσταλμένοις ἀπὸ τω̃ν νόμων ἀθεμίτοις ἐπεπλήρωτο

^6:6 ἠ̃ν δ' οὔτε σαββατίζειν οὔτε πατρώ̨ους ἑορτὰς διαφυλάττειν οὔτε ἁπλω̃ς Ιουδαι̃ον ὁμολογει̃ν εἰ̃ναι

^6:7 ἤγοντο δὲ μετὰ πικρα̃ς ἀνάγκης εἰς τὴν κατὰ μη̃να του̃ βασιλέως γενέθλιον ἡμέραν ἐπὶ σπλαγχνισμόν γενομένης δὲ Διονυσίων ἑορτη̃ς ἠναγκάζοντο κισσοὺς ἔχοντες πομπεύειν τω̨̃ Διονύσω̨

^6:8 ψήφισμα δὲ ἐξέπεσεν εἰς τὰς ἀστυγείτονας 'Ελληνίδας πόλεις Πτολεμαίου ὑποθεμένου τὴν αὐτὴν ἀγωγὴν κατὰ τω̃ν Ιουδαίων ἄγειν καὶ σπλαγχνίζειν

^6:9 τοὺς δὲ μὴ προαιρουμένους μεταβαίνειν ἐπὶ τὰ ἑλληνικὰ κατασφάζειν παρη̃ν οὐ̃ν ὁρα̃ν τὴν ἐνεστω̃σαν ταλαιπωρίαν

^6:10 δύο γὰρ γυναι̃κες ἀνήχθησαν περιτετμηκυι̃αι τὰ τέκνα τούτων δὲ ἐκ τω̃ν μαστω̃ν κρεμάσαντες τὰ βρέφη καὶ δημοσία̨ περιαγαγόντες αὐτὰς τὴν πόλιν κατὰ του̃ τείχους ἐκρήμνισαν

^6:11 ἕτεροι δὲ πλησίον συνδραμόντες εἰς τὰ σπήλαια λεληθότως ἄγειν τὴν ἑβδομάδα μηνυθέντες τω̨̃ Φιλίππω̨ συνεφλογίσθησαν διὰ τὸ εὐλαβω̃ς ἔχειν βοηθη̃σαι ἑαυτοι̃ς κατὰ τὴν δόξαν τη̃ς σεμνοτάτης ἡμέρας

^6:12 παρακαλω̃ οὐ̃ν τοὺς ἐντυγχάνοντας τη̨̃δε τη̨̃ βίβλω̨ μὴ συστέλλεσθαι διὰ τὰς συμφοράς λογίζεσθαι δὲ τὰς τιμωρίας μὴ πρὸς ὄλεθρον ἀλλὰ πρὸς παιδείαν του̃ γένους ἡμω̃ν εἰ̃ναι

^6:13 καὶ γὰρ τὸ μὴ πολὺν χρόνον ἐα̃σθαι τοὺς δυσσεβου̃ντας ἀλλ' εὐθέως περιπίπτειν ἐπιτίμοις μεγάλης εὐεργεσίας σημει̃όν ἐστιν

^6:14 οὐ γὰρ καθάπερ καὶ ἐπὶ τω̃ν ἄλλων ἐθνω̃ν ἀναμένει μακροθυμω̃ν ὁ δεσπότης μέχρι του̃ καταντήσαντας αὐτοὺς πρὸς ἐκπλήρωσιν ἁμαρτιω̃ν κολάσαι οὕτως καὶ ἐφ' ἡμω̃ν ἔκρινεν εἰ̃ναι

^6:15 ἵνα μὴ πρὸς τέλος ἀφικομένων ἡμω̃ν τω̃ν ἁμαρτιω̃ν ὕστερον ἡμα̃ς ἐκδικα̨̃

^6:16 διόπερ οὐδέποτε μὲν τὸν ἔλεον ἀφ' ἡμω̃ν ἀφίστησιν παιδεύων δὲ μετὰ συμφορα̃ς οὐκ ἐγκαταλείπει τὸν ἑαυτου̃ λαόν

^6:17 πλὴν ἕως ὑπομνήσεως ταυ̃θ' ἡμι̃ν εἰρήσθω δι' ὀλίγων δ' ἐλευστέον ἐπὶ τὴν διήγησιν

^6:18 Ελεάζαρός τις τω̃ν πρωτευόντων γραμματέων ἀνὴρ ἤδη προβεβηκὼς τὴν ἡλικίαν καὶ τὴν πρόσοψιν του̃ προσώπου κάλλιστος ἀναχανὼν ἠναγκάζετο φαγει̃ν ὕειον κρέας

^6:19 ὁ δὲ τὸν μετ' εὐκλείας θάνατον μα̃λλον ἢ τὸν μετὰ μύσους βίον ἀναδεξάμενος αὐθαιρέτως ἐπὶ τὸ τύμπανον προση̃γεν

^6:20 προπτύσας δὲ καθ' ὃν ἔδει τρόπον προσέρχεσθαι τοὺς ὑπομένοντας ἀμύνασθαι ὡ̃ν οὐ θέμις γεύσασθαι διὰ τὴν πρὸς τὸ ζη̃ν φιλοστοργίαν

^6:21 οἱ δὲ πρὸς τω̨̃ παρανόμω̨ σπλαγχνισμω̨̃ τεταγμένοι διὰ τὴν ἐκ τω̃ν παλαιω̃ν χρόνων πρὸς τὸν ἄνδρα γνω̃σιν ἀπολαβόντες αὐτὸν κατ' ἰδίαν παρεκάλουν ἐνέγκαντα κρέα οἱ̃ς καθη̃κον αὐτω̨̃ χρα̃σθαι δι' αὐτου̃ παρασκευασθέντα ὑποκριθη̃ναι δὲ ὡς ἐσθίοντα τὰ ὑπὸ του̃ βασιλέως προστεταγμένα τω̃ν ἀπὸ τη̃ς θυσίας κρεω̃ν

^6:22 ἵνα του̃το πράξας ἀπολυθη̨̃ του̃ θανάτου καὶ διὰ τὴν ἀρχαίαν πρὸς αὐτοὺς φιλίαν τύχη̨ φιλανθρωπίας

^6:23 ὁ δὲ λογισμὸν ἀστει̃ον ἀναλαβὼν καὶ ἄξιον τη̃ς ἡλικίας καὶ τη̃ς του̃ γήρως ὑπεροχη̃ς καὶ τη̃ς ἐπικτήτου καὶ ἐπιφανου̃ς πολια̃ς καὶ τη̃ς ἐκ παιδὸς καλλίστης ἀναστροφη̃ς μα̃λλον δὲ τη̃ς ἁγίας καὶ θεοκτίστου νομοθεσίας ἀκολούθως ἀπεφήνατο ταχέως λέγων προπέμπειν εἰς τὸν ἅ̨δην

^6:24 οὐ γὰρ τη̃ς ἡμετέρας ἡλικίας ἄξιόν ἐστιν ὑποκριθη̃ναι ἵνα πολλοὶ τω̃ν νέων ὑπολαβόντες Ελεαζαρον τὸν ἐνενηκονταετη̃ μεταβεβηκέναι εἰς ἀλλοφυλισμὸν

^6:25 καὶ αὐτοὶ διὰ τὴν ἐμὴν ὑπόκρισιν καὶ διὰ τὸ μικρὸν καὶ ἀκαριαι̃ον ζη̃ν πλανηθω̃σιν δι' ἐμέ καὶ μύσος καὶ κηλι̃δα του̃ γήρως κατακτήσωμαι

^6:26 εἰ γὰρ καὶ ἐπὶ του̃ παρόντος ἐξελου̃μαι τὴν ἐξ ἀνθρώπων τιμωρίαν ἀλλὰ τὰς του̃ παντοκράτορος χει̃ρας οὔτε ζω̃ν οὔτε ἀποθανὼν ἐκφεύξομαι

^6:27 διόπερ ἀνδρείως μὲν νυ̃ν διαλλάξας τὸν βίον του̃ μὲν γήρως ἄξιος φανήσομαι

^6:28 τοι̃ς δὲ νέοις ὑπόδειγμα γενναι̃ον καταλελοιπὼς εἰς τὸ προθύμως καὶ γενναίως ὑπὲρ τω̃ν σεμνω̃ν καὶ ἁγίων νόμων ἀπευθανατίζειν τοσαυ̃τα δὲ εἰπὼν ἐπὶ τὸ τύμπανον εὐθέως ἠ̃λθεν

^6:29 τω̃ν δὲ ἀγόντων πρὸς αὐτὸν τὴν μικρω̨̃ πρότερον εὐμένειαν εἰς δυσμένειαν μεταβαλόντων διὰ τὸ τοὺς προειρημένους λόγους ὡς αὐτοὶ διελάμβανον ἀπόνοιαν εἰ̃ναι

^6:30 μέλλων δὲ ται̃ς πληγαι̃ς τελευτα̃ν ἀναστενάξας εἰ̃πεν τω̨̃ κυρίω̨ τω̨̃ τὴν ἁγίαν γνω̃σιν ἔχοντι φανερόν ἐστιν ὅτι δυνάμενος ἀπολυθη̃ναι του̃ θανάτου σκληρὰς ὑποφέρω κατὰ τὸ σω̃μα ἀλγηδόνας μαστιγούμενος κατὰ ψυχὴν δὲ ἡδέως διὰ τὸν αὐτου̃ φόβον ταυ̃τα πάσχω

^6:31 καὶ οὑ̃τος οὐ̃ν του̃τον τὸν τρόπον μετήλλαξεν οὐ μόνον τοι̃ς νέοις ἀλλὰ καὶ τοι̃ς πλείστοις του̃ ἔθνους τὸν ἑαυτου̃ θάνατον ὑπόδειγμα γενναιότητος καὶ μνημόσυνον ἀρετη̃ς καταλιπών

^7:1 συνέβη δὲ καὶ ἑπτὰ ἀδελφοὺς μετὰ τη̃ς μητρὸς συλλημφθέντας ἀναγκάζεσθαι ὑπὸ του̃ βασιλέως ἀπὸ τω̃ν ἀθεμίτων ὑείων κρεω̃ν ἐφάπτεσθαι μάστιξιν καὶ νευραι̃ς αἰκιζομένους

^7:2 εἱ̃ς δὲ αὐτω̃ν γενόμενος προήγορος οὕτως ἔφη τί μέλλεις ἐρωτα̃ν καὶ μανθάνειν ἡμω̃ν ἕτοιμοι γὰρ ἀποθνή̨σκειν ἐσμὲν ἢ παραβαίνειν τοὺς πατρίους νόμους

^7:3 ἔκθυμος δὲ γενόμενος ὁ βασιλεὺς προσέταξεν τήγανα καὶ λέβητας ἐκπυρου̃ν

^7:4 τω̃ν δὲ παραχρη̃μα ἐκπυρωθέντων τὸν γενόμενον αὐτω̃ν προήγορον προσέταξεν γλωσσοτομει̃ν καὶ περισκυθίσαντας ἀκρωτηριάζειν τω̃ν λοιπω̃ν ἀδελφω̃ν καὶ τη̃ς μητρὸς συνορώντων

^7:5 ἄχρηστον δὲ αὐτὸν τοι̃ς ὅλοις γενόμενον ἐκέλευσεν τη̨̃ πυρα̨̃ προσάγειν ἔμπνουν καὶ τηγανίζειν τη̃ς δὲ ἀτμίδος ἐφ' ἱκανὸν διαδιδούσης του̃ τηγάνου ἀλλήλους παρεκάλουν σὺν τη̨̃ μητρὶ γενναίως τελευτα̃ν λέγοντες οὕτως

^7:6 ὁ κύριος ὁ θεὸς ἐφορα̨̃ καὶ ται̃ς ἀληθείαις ἐφ' ἡμι̃ν παρακαλει̃ται καθάπερ διὰ τη̃ς κατὰ πρόσωπον ἀντιμαρτυρούσης ὠ̨δη̃ς διεσάφησεν Μωυση̃ς λέγων καὶ ἐπὶ τοι̃ς δούλοις αὐτου̃ παρακληθήσεται

^7:7 μεταλλάξαντος δὲ του̃ πρώτου τὸν τρόπον του̃τον τὸν δεύτερον ἠ̃γον ἐπὶ τὸν ἐμπαιγμὸν καὶ τὸ τη̃ς κεφαλη̃ς δέρμα σὺν ται̃ς θριξὶν περισύραντες ἐπηρώτων εἰ φάγεσαι πρὸ του̃ τιμωρηθη̃ναι τὸ σω̃μα κατὰ μέλος

^7:8 ὁ δὲ ἀποκριθεὶς τη̨̃ πατρίω̨ φωνη̨̃ προσει̃πεν οὐχί διόπερ καὶ οὑ̃τος τὴν ἑξη̃ς ἔλαβεν βάσανον ὡς ὁ πρω̃τος

^7:9 ἐν ἐσχάτη̨ δὲ πνοη̨̃ γενόμενος εἰ̃πεν σὺ μέν ἀλάστωρ ἐκ του̃ παρόντος ἡμα̃ς ζη̃ν ἀπολύεις ὁ δὲ του̃ κόσμου βασιλεὺς ἀποθανόντας ἡμα̃ς ὑπὲρ τω̃ν αὐτου̃ νόμων εἰς αἰώνιον ἀναβίωσιν ζωη̃ς ἡμα̃ς ἀναστήσει

^7:10 μετὰ δὲ του̃τον ὁ τρίτος ἐνεπαίζετο καὶ τὴν γλω̃σσαν αἰτηθεὶς ταχέως προέβαλεν καὶ τὰς χει̃ρας εὐθαρσω̃ς προέτεινεν

^7:11 καὶ γενναίως εἰ̃πεν ἐξ οὐρανου̃ ταυ̃τα κέκτημαι καὶ διὰ τοὺς αὐτου̃ νόμους ὑπερορω̃ ταυ̃τα καὶ παρ' αὐτου̃ ταυ̃τα πάλιν ἐλπίζω κομίσασθαι

^7:12 ὥστε αὐτὸν τὸν βασιλέα καὶ τοὺς σὺν αὐτω̨̃ ἐκπλήσσεσθαι τὴν του̃ νεανίσκου ψυχήν ὡς ἐν οὐδενὶ τὰς ἀλγηδόνας ἐτίθετο

^7:13 καὶ τούτου δὲ μεταλλάξαντος τὸν τέταρτον ὡσαύτως ἐβασάνιζον αἰκιζόμενοι

^7:14 καὶ γενόμενος πρὸς τὸ τελευτα̃ν οὕτως ἔφη αἱρετὸν μεταλλάσσοντας ὑπ' ἀνθρώπων τὰς ὑπὸ του̃ θεου̃ προσδοκα̃ν ἐλπίδας πάλιν ἀναστήσεσθαι ὑπ' αὐτου̃ σοὶ μὲν γὰρ ἀνάστασις εἰς ζωὴν οὐκ ἔσται

^7:15 ἐχομένως δὲ τὸν πέμπτον προσάγοντες ἠ̨κίζοντο

^7:16 ὁ δὲ πρὸς αὐτὸν ἰδὼν εἰ̃πεν ἐξουσίαν ἐν ἀνθρώποις ἔχων φθαρτὸς ὢν ὃ θέλεις ποιει̃ς μὴ δόκει δὲ τὸ γένος ἡμω̃ν ὑπὸ του̃ θεου̃ καταλελει̃φθαι

^7:17 σὺ δὲ καρτέρει καὶ θεώρει τὸ μεγαλει̃ον αὐτου̃ κράτος ὡς σὲ καὶ τὸ σπέρμα σου βασανιει̃

^7:18 μετὰ δὲ του̃τον ἠ̃γον τὸν ἕκτον καὶ μέλλων ἀποθνή̨σκειν ἔφη μὴ πλανω̃ μάτην ἡμει̃ς γὰρ δι' ἑαυτοὺς ταυ̃τα πάσχομεν ἁμαρτόντες εἰς τὸν ἑαυτω̃ν θεόν ἄξια θαυμασμου̃ γέγονεν

^7:19 σὺ δὲ μὴ νομίση̨ς ἀθω̨̃ος ἔσεσθαι θεομαχει̃ν ἐπιχειρήσας

^7:20 ὑπεραγόντως δὲ ἡ μήτηρ θαυμαστὴ καὶ μνήμης ἀγαθη̃ς ἀξία ἥτις ἀπολλυμένους υἱοὺς ἑπτὰ συνορω̃σα μια̃ς ὑπὸ καιρὸν ἡμέρας εὐψύχως ἔφερεν διὰ τὰς ἐπὶ κύριον ἐλπίδας

^7:21 ἕκαστον δὲ αὐτω̃ν παρεκάλει τη̨̃ πατρίω̨ φωνη̨̃ γενναίω̨ πεπληρωμένη φρονήματι καὶ τὸν θη̃λυν λογισμὸν ἄρσενι θυμω̨̃ διεγείρασα λέγουσα πρὸς αὐτούς

^7:22 οὐκ οἰ̃δ' ὅπως εἰς τὴν ἐμὴν ἐφάνητε κοιλίαν οὐδὲ ἐγὼ τὸ πνευ̃μα καὶ τὴν ζωὴν ὑμι̃ν ἐχαρισάμην καὶ τὴν ἑκάστου στοιχείωσιν οὐκ ἐγὼ διερρύθμισα

^7:23 τοιγαρου̃ν ὁ του̃ κόσμου κτίστης ὁ πλάσας ἀνθρώπου γένεσιν καὶ πάντων ἐξευρὼν γένεσιν καὶ τὸ πνευ̃μα καὶ τὴν ζωὴν ὑμι̃ν πάλιν ἀποδίδωσιν μετ' ἐλέους ὡς νυ̃ν ὑπερορα̃τε ἑαυτοὺς διὰ τοὺς αὐτου̃ νόμους

^7:24 ὁ δὲ 'Αντίοχος οἰόμενος καταφρονει̃σθαι καὶ τὴν ὀνειδίζουσαν ὑφορώμενος φωνὴν ἔτι του̃ νεωτέρου περιόντος οὐ μόνον διὰ λόγων ἐποιει̃το τὴν παράκλησιν ἀλλὰ καὶ δι' ὅρκων ἐπίστου ἅμα πλουτιει̃ν καὶ μακαριστὸν ποιήσειν μεταθέμενον ἀπὸ τω̃ν πατρίων καὶ φίλον ἕξειν καὶ χρείας ἐμπιστεύσειν

^7:25 του̃ δὲ νεανίου μηδαμω̃ς προσέχοντος προσκαλεσάμενος ὁ βασιλεὺς τὴν μητέρα παρή̨νει γενέσθαι του̃ μειρακίου σύμβουλον ἐπὶ σωτηρία̨

^7:26 πολλὰ δὲ αὐτου̃ παραινέσαντος ἐπεδέξατο πείσειν τὸν υἱόν

^7:27 προσκύψασα δὲ αὐτω̨̃ χλευάσασα τὸν ὠμὸν τύραννον οὕτως ἔφησεν τη̨̃ πατρίω̨ φωνη̨̃ υἱέ ἐλέησόν με τὴν ἐν γαστρὶ περιενέγκασάν σε μη̃νας ἐννέα καὶ θηλάσασάν σε ἔτη τρία καὶ ἐκθρέψασάν σε καὶ ἀγαγου̃σαν εἰς τὴν ἡλικίαν ταύτην καὶ τροφοφορήσασαν

^7:28 ἀξιω̃ σε τέκνον ἀναβλέψαντα εἰς τὸν οὐρανὸν καὶ τὴν γη̃ν καὶ τὰ ἐν αὐτοι̃ς πάντα ἰδόντα γνω̃ναι ὅτι οὐκ ἐξ ὄντων ἐποίησεν αὐτὰ ὁ θεός καὶ τὸ τω̃ν ἀνθρώπων γένος οὕτω γίνεται

^7:29 μὴ φοβηθη̨̃ς τὸν δήμιον του̃τον ἀλλὰ τω̃ν ἀδελφω̃ν ἄξιος γενόμενος ἐπίδεξαι τὸν θάνατον ἵνα ἐν τω̨̃ ἐλέει σὺν τοι̃ς ἀδελφοι̃ς σου κομίσωμαί σε

^7:30 ἔτι δὲ ταύτης καταληγούσης ὁ νεανίας εἰ̃πεν τίνα μένετε οὐχ ὑπακούω του̃ προστάγματος του̃ βασιλέως του̃ δὲ προστάγματος ἀκούω του̃ νόμου του̃ δοθέντος τοι̃ς πατράσιν ἡμω̃ν διὰ Μωυσέως

^7:31 σὺ δὲ πάσης κακίας εὑρετὴς γενόμενος εἰς τοὺς Εβραίους οὐ μὴ διαφύγη̨ς τὰς χει̃ρας του̃ θεου̃

^7:32 ἡμει̃ς γὰρ διὰ τὰς ἑαυτω̃ν ἁμαρτίας πάσχομεν

^7:33 εἰ δὲ χάριν ἐπιπλήξεως καὶ παιδείας ὁ ζω̃ν κύριος ἡμω̃ν βραχέως ἐπώργισται καὶ πάλιν καταλλαγήσεται τοι̃ς ἑαυτου̃ δούλοις

^7:34 σὺ δέ ὠ̃ ἀνόσιε καὶ πάντων ἀνθρώπων μιαρώτατε μὴ μάτην μετεωρίζου φρυαττόμενος ἀδήλοις ἐλπίσιν ἐπὶ τοὺς οὐρανίους παι̃δας ἐπαιρόμενος χει̃ρα

^7:35 οὔπω γὰρ τὴν του̃ παντοκράτορος ἐπόπτου θεου̃ κρίσιν ἐκπέφευγας

^7:36 οἱ μὲν γὰρ νυ̃ν ἡμέτεροι ἀδελφοὶ βραχὺν ὑπενέγκαντες πόνον ἀενάου ζωη̃ς ὑπὸ διαθήκην θεου̃ πεπτώκασιν σὺ δὲ τη̨̃ του̃ θεου̃ κρίσει δίκαια τὰ πρόστιμα τη̃ς ὑπερηφανίας ἀποίση̨

^7:37 ἐγὼ δέ καθάπερ οἱ ἀδελφοί καὶ σω̃μα καὶ ψυχὴν προδίδωμι περὶ τω̃ν πατρίων νόμων ἐπικαλούμενος τὸν θεὸν ἵλεως ταχὺ τω̨̃ ἔθνει γενέσθαι καὶ σὲ μετὰ ἐτασμω̃ν καὶ μαστίγων ἐξομολογήσασθαι διότι μόνος αὐτὸς θεός ἐστιν

^7:38 ἐν ἐμοὶ δὲ καὶ τοι̃ς ἀδελφοι̃ς μου στη̃σαι τὴν του̃ παντοκράτορος ὀργὴν τὴν ἐπὶ τὸ σύμπαν ἡμω̃ν γένος δικαίως ἐπηγμένην

^7:39 ἔκθυμος δὲ γενόμενος ὁ βασιλεὺς τούτω̨ παρὰ τοὺς ἄλλους χειρίστως ἀπήντησεν πικρω̃ς φέρων ἐπὶ τω̨̃ μυκτηρισμω̨̃

^7:40 καὶ οὑ̃τος οὐ̃ν καθαρὸς μετήλλαξεν παντελω̃ς ἐπὶ τω̨̃ κυρίω̨ πεποιθώς

^7:41 ἐσχάτη δὲ τω̃ν υἱω̃ν ἡ μήτηρ ἐτελεύτησεν

^7:42 τὰ μὲν οὐ̃ν περὶ τοὺς σπλαγχνισμοὺς καὶ τὰς ὑπερβαλλούσας αἰκίας ἐπὶ τοσου̃τον δεδηλώσθω

^8:1 Ιουδας δὲ ὁ καὶ Μακκαβαι̃ος καὶ οἱ σὺν αὐτω̨̃ παρεισπορευόμενοι λεληθότως εἰς τὰς κώμας προσεκαλου̃ντο τοὺς συγγενει̃ς καὶ τοὺς μεμενηκότας ἐν τω̨̃ Ιουδαϊσμω̨̃ προσλαμβανόμενοι συνήγαγον εἰς ἑξακισχιλίους

^8:2 καὶ ἐπεκαλου̃ντο τὸν κύριον ἐπιδει̃ν τὸν ὑπὸ πάντων καταπατούμενον λαόν οἰκτι̃ραι δὲ καὶ τὸν ναὸν τὸν ὑπὸ τω̃ν ἀσεβω̃ν ἀνθρώπων βεβηλωθέντα

^8:3 ἐλεη̃σαι δὲ καὶ τὴν καταφθειρομένην πόλιν καὶ μέλλουσαν ἰσόπεδον γίνεσθαι καὶ τω̃ν καταβοώντων πρὸς αὐτὸν αἱμάτων εἰσακου̃σαι

^8:4 μνησθη̃ναι δὲ καὶ τη̃ς τω̃ν ἀναμαρτήτων νηπίων παρανόμου ἀπωλείας καὶ περὶ τω̃ν γενομένων εἰς τὸ ὄνομα αὐτου̃ βλασφημιω̃ν καὶ μισοπονηρη̃σαι

^8:5 γενόμενος δὲ ὁ Μακκαβαι̃ος ἐν συστέματι ἀνυπόστατος ἤδη τοι̃ς ἔθνεσιν ἐγίνετο τη̃ς ὀργη̃ς του̃ κυρίου εἰς ἔλεον τραπείσης

^8:6 πόλεις δὲ καὶ κώμας ἀπροσδοκήτως ἐρχόμενος ἐνεπίμπρα καὶ τοὺς ἐπικαίρους τόπους ἀπολαμβάνων οὐκ ὀλίγους τω̃ν πολεμίων τροπούμενος

^8:7 μάλιστα τὰς νύκτας πρὸς τὰς τοιαύτας ἐπιβολὰς συνεργοὺς ἐλάμβανεν καὶ λαλιὰ τη̃ς εὐανδρίας αὐτου̃ διηχει̃το πανταχη̃

^8:8 συνορω̃ν δὲ ὁ Φίλιππος κατὰ μικρὸν εἰς προκοπὴν ἐρχόμενον τὸν ἄνδρα πυκνότερον δὲ ἐν ται̃ς εὐημερίαις προβαίνοντα πρὸς Πτολεμαι̃ον τὸν Κοίλης Συρίας καὶ Φοινίκης στρατηγὸν ἔγραψεν ἐπιβοηθει̃ν τοι̃ς του̃ βασιλέως πράγμασιν

^8:9 ὁ δὲ ταχέως προχειρισάμενος Νικάνορα τὸν του̃ Πατρόκλου τω̃ν πρώτων φίλων ἀπέστειλεν ὑποτάξας παμφύλων ἔθνη οὐκ ἐλάττους τω̃ν δισμυρίων τὸ σύμπαν τη̃ς Ιουδαίας ἐξα̃ραι γένος συνέστησεν δὲ αὐτω̨̃ καὶ Γοργίαν ἄνδρα στρατηγὸν καὶ ἐν πολεμικαι̃ς χρείαις πει̃ραν ἔχοντα

^8:10 διεστήσατο δὲ ὁ Νικάνωρ τὸν φόρον τω̨̃ βασιλει̃ τοι̃ς 'Ρωμαίοις ὄντα ταλάντων δισχιλίων ἐκ τη̃ς τω̃ν Ιουδαίων αἰχμαλωσίας ἐκπληρώσειν

^8:11 εὐθέως δὲ εἰς τὰς παραθαλασσίους πόλεις ἀπέστειλεν προκαλούμενος ἐπ' ἀγορασμὸν Ιουδαίων σωμάτων ὑπισχνούμενος ἐνενήκοντα σώματα ταλάντου παραχωρήσειν οὐ προσδεχόμενος τὴν παρὰ του̃ παντοκράτορος μέλλουσαν παρακολουθήσειν ἐπ' αὐτω̨̃ δίκην

^8:12 τω̨̃ δὲ Ιουδα προσέπεσεν περὶ τη̃ς του̃ Νικάνορος ἐφόδου καὶ μεταδόντος τοι̃ς σὺν αὐτω̨̃ τὴν παρουσίαν του̃ στρατοπέδου

^8:13 οἱ δειλανδρου̃ντες καὶ ἀπιστου̃ντες τὴν του̃ θεου̃ δίκην διεδίδρασκον ἑαυτοὺς καὶ ἐξετόπιζον

^8:14 οἱ δὲ τὰ περιλελειμμένα πάντα ἐπώλουν ὁμου̃ δὲ τὸν κύριον ἠξίουν ῥύσασθαι τοὺς ὑπὸ του̃ δυσσεβου̃ς Νικάνορος πρὶν συντυχει̃ν πεπραμένους

^8:15 καὶ εἰ μὴ δι' αὐτούς ἀλλὰ διὰ τὰς πρὸς τοὺς πατέρας αὐτω̃ν διαθήκας καὶ ἕνεκα τη̃ς ἐπ' αὐτοὺς ἐπικλήσεως του̃ σεμνου̃ καὶ μεγαλοπρεπου̃ς ὀνόματος αὐτου̃

^8:16 συναγαγὼν δὲ ὁ Μακκαβαι̃ος τοὺς περὶ αὐτὸν ὄντας ἀριθμὸν ἑξακισχιλίους παρεκάλει μὴ καταπλαγη̃ναι τοι̃ς πολεμίοις μηδὲ εὐλαβει̃σθαι τὴν τω̃ν ἀδίκως παραγινομένων ἐπ' αὐτοὺς ἐθνω̃ν πολυπλήθειαν ἀγωνίσασθαι δὲ γενναίως

^8:17 πρὸ ὀφθαλμω̃ν λαβόντας τὴν ἀνόμως εἰς τὸν ἅγιον τόπον συντετελεσμένην ὑπ' αὐτω̃ν ὕβριν καὶ τὸν τη̃ς ἐμπεπαιγμένης πόλεως αἰκισμόν ἔτι δὲ τὴν τη̃ς προγονικη̃ς πολιτείας κατάλυσιν

^8:18 οἱ μὲν γὰρ ὅπλοις πεποίθασιν ἅμα καὶ τόλμαις ἔφησεν ἡμει̃ς δὲ ἐπὶ τω̨̃ παντοκράτορι θεω̨̃ δυναμένω̨ καὶ τοὺς ἐρχομένους ἐφ' ἡμα̃ς καὶ τὸν ὅλον κόσμον ἑνὶ νεύματι καταβαλει̃ν πεποίθαμεν

^8:19 προσαναλεξάμενος δὲ αὐτοι̃ς καὶ τὰς ἐπὶ τω̃ν προγόνων γενομένας ἀντιλήμψεις καὶ τὴν ἐπὶ Σενναχηριμ ἑκατὸν ὀγδοήκοντα πέντε χιλιάδες ὡς ἀπώλοντο

^8:20 καὶ τὴν ἐν τη̨̃ Βαβυλωνία̨ τὴν πρὸς τοὺς Γαλάτας παράταξιν γενομένην ὡς οἱ πάντες ἐπὶ τὴν χρείαν ἠ̃λθον ὀκτακισχίλιοι σὺν Μακεδόσιν τετρακισχιλίοις τω̃ν Μακεδόνων ἀπορουμένων οἱ ὀκτακισχίλιοι τὰς δώδεκα μυριάδας ἀπώλεσαν διὰ τὴν γινομένην αὐτοι̃ς ἀπ' οὐρανου̃ βοήθειαν καὶ ὠφέλειαν πολλὴν ἔλαβον

^8:21 ἐφ' οἱ̃ς εὐθαρσει̃ς αὐτοὺς παραστήσας καὶ ἑτοίμους ὑπὲρ τω̃ν νόμων καὶ τη̃ς πατρίδος ἀποθνή̨σκειν τετραμερές τι τὸ στράτευμα ἐποίησεν

^8:22 τάξας καὶ τοὺς ἀδελφοὺς αὐτου̃ προηγουμένους ἑκατέρας τάξεως Σιμωνα καὶ Ιωσηπον καὶ Ιωναθην ὑποτάξας ἑκάστω̨ χιλίους πρὸς τοι̃ς πεντακοσίοις

^8:23 ἔτι δὲ καὶ Ελεαζαρον παραναγνοὺς τὴν ἱερὰν βίβλον καὶ δοὺς σύνθημα θεου̃ βοηθείας τη̃ς πρώτης σπείρας αὐτὸς προηγούμενος συνέβαλε τω̨̃ Νικάνορι

^8:24 γενομένου δὲ αὐτοι̃ς του̃ παντοκράτορος συμμάχου κατέσφαξαν τω̃ν πολεμίων ὑπὲρ τοὺς ἐνακισχιλίους τραυματίας δὲ καὶ τοι̃ς μέλεσιν ἀναπείρους τὸ πλει̃ον μέρος τη̃ς του̃ Νικάνορος στρατια̃ς ἐποίησαν πάντας δὲ φυγει̃ν ἠνάγκασαν

^8:25 τὰ δὲ χρήματα τω̃ν παραγεγονότων ἐπὶ τὸν ἀγορασμὸν αὐτω̃ν ἔλαβον συνδιώξαντες δὲ αὐτοὺς ἐφ' ἱκανὸν ἀνέλυσαν ὑπὸ τη̃ς ὥρας συγκλειόμενοι

^8:26 ἠ̃ν γὰρ ἡ πρὸ του̃ σαββάτου δι' ἣν αἰτίαν οὐκ ἐμακροτόνησαν κατατρέχοντες αὐτούς

^8:27 ὁπλολογήσαντες δὲ αὐτοὺς καὶ τὰ σκυ̃λα ἐκδύσαντες τω̃ν πολεμίων περὶ τὸ σάββατον ἐγίνοντο περισσω̃ς εὐλογου̃ντες καὶ ἐξομολογούμενοι τω̨̃ κυρίω̨ τω̨̃ διασώσαντι εἰς τὴν ἡμέραν ταύτην ἀρχὴν ἐλέους τάξαντος αὐτοι̃ς

^8:28 μετὰ δὲ τὸ σάββατον τοι̃ς ἠ̨κισμένοις καὶ ται̃ς χήραις καὶ ὀρφανοι̃ς μερίσαντες ἀπὸ τω̃ν σκύλων τὰ λοιπὰ αὐτοὶ καὶ τὰ παιδία διεμερίσαντο

^8:29 ταυ̃τα δὲ διαπραξάμενοι καὶ κοινὴν ἱκετείαν ποιησάμενοι τὸν ἐλεήμονα κύριον ἠξίουν εἰς τέλος καταλλαγη̃ναι τοι̃ς αὑτου̃ δούλοις

^8:30 καὶ τοι̃ς περὶ Τιμόθεον καὶ Βακχίδην συνερίσαντες ὑπὲρ τοὺς δισμυρίους αὐτω̃ν ἀνει̃λον καὶ ὀχυρωμάτων ὑψηλω̃ν εὐ̃ μάλα ἐγκρατει̃ς ἐγένοντο καὶ λάφυρα πλείονα ἐμερίσαντο ἰσομοίρους αὑτοι̃ς καὶ τοι̃ς ἠ̨κισμένοις καὶ ὀρφανοι̃ς καὶ χήραις ἔτι δὲ καὶ πρεσβυτέροις ποιήσαντες

^8:31 ὁπλολογήσαντες δὲ αὑτοὺς ἐπιμελω̃ς πάντα συνέθηκαν εἰς τοὺς ἐπικαίρους τόπους τὰ δὲ λοιπὰ τω̃ν σκύλων ἤνεγκαν εἰς Ιεροσόλυμα

^8:32 τὸν δὲ φυλάρχην τω̃ν περὶ Τιμόθεον ἀνει̃λον ἀνοσιώτατον ἄνδρα καὶ πολλὰ τοὺς Ιουδαίους ἐπιλελυπηκότα

^8:33 ἐπινίκια δὲ ἄγοντες ἐν τη̨̃ πατρίδι τοὺς ἐμπρήσαντας τοὺς ἱεροὺς πυλω̃νας καὶ Καλλισθένην ὑφη̃ψαν εἰς ἓν οἰκίδιον πεφευγότα καὶ τὸν ἄξιον τη̃ς δυσσεβείας ἐκομίσατο μισθόν

^8:34 ὁ δὲ τρισαλιτήριος Νικάνωρ ὁ τοὺς χιλίους ἐμπόρους ἐπὶ τὴν πρα̃σιν τω̃ν Ιουδαίων ἀγαγὼν

^8:35 ταπεινωθεὶς ὑπὸ τω̃ν κατ' αὐτὸν νομιζομένων ἐλαχίστων εἰ̃ναι τη̨̃ του̃ κυρίου βοηθεία̨ τὴν δοξικὴν ἀποθέμενος ἐσθη̃τα διὰ τη̃ς μεσογείου δραπέτου τρόπον ἔρημον ἑαυτὸν ποιήσας ἡ̃κεν εἰς 'Αντιόχειαν ὑπὲρ ἅπαν εὐημερηκὼς ἐπὶ τη̨̃ του̃ στρατου̃ διαφθορα̨̃

^8:36 καὶ ὁ τοι̃ς 'Ρωμαίοις ἀναδεξάμενος φόρον ἀπὸ τη̃ς τω̃ν ἐν Ιεροσολύμοις αἰχμαλωσίας κατορθώσασθαι κατήγγελλεν ὑπέρμαχον ἔχειν τοὺς Ιουδαίους καὶ διὰ τὸν τρόπον του̃τον ἀτρώτους εἰ̃ναι τοὺς Ιουδαίους διὰ τὸ ἀκολουθει̃ν τοι̃ς ὑπ' αὐτου̃ προτεταγμένοις νόμοις

^9:1 περὶ δὲ τὸν καιρὸν ἐκει̃νον ἐτύγχανεν 'Αντίοχος ἀναλελυκὼς ἀκόσμως ἐκ τω̃ν περὶ τὴν Περσίδα τόπων

^9:2 εἰσεληλύθει γὰρ εἰς τὴν λεγομένην Περσέπολιν καὶ ἐπεχείρησεν ἱεροσυλει̃ν καὶ τὴν πόλιν συνέχειν διὸ δὴ τω̃ν πληθω̃ν ὁρμησάντων ἐπὶ τὴν τω̃ν ὅπλων βοήθειαν ἐτράπησαν καὶ συνέβη τροπωθέντα τὸν 'Αντίοχον ὑπὸ τω̃ν ἐγχωρίων ἀσχήμονα τὴν ἀναζυγὴν ποιήσασθαι

^9:3 ὄντι δὲ αὐτω̨̃ κατ' 'Εκβάτανα προσέπεσεν τὰ κατὰ Νικάνορα καὶ τοὺς περὶ Τιμόθεον γεγονότα

^9:4 ἐπαρθεὶς δὲ τω̨̃ θυμω̨̃ ὤ̨ετο καὶ τὴν τω̃ν πεφυγαδευκότων αὐτὸν κακίαν εἰς τοὺς Ιουδαίους ἐναπερείσασθαι διὸ συνέταξεν τὸν ἁρματηλάτην ἀδιαλείπτως ἐλαύνοντα κατανύειν τὴν πορείαν τη̃ς ἐξ οὐρανου̃ δὴ κρίσεως συνούσης αὐτω̨̃ οὕτως γὰρ ὑπερηφάνως εἰ̃πεν πολυάνδριον Ιουδαίων Ιεροσόλυμα ποιήσω παραγενόμενος ἐκει̃

^9:5 ὁ δὲ παντεπόπτης κύριος ὁ θεὸς του̃ Ισραηλ ἐπάταξεν αὐτὸν ἀνιάτω̨ καὶ ἀοράτω̨ πληγη̨̃ ἄρτι δὲ αὐτου̃ καταλήξαντος τὸν λόγον ἔλαβεν αὐτὸν ἀνήκεστος τω̃ν σπλάγχνων ἀλγηδὼν καὶ πικραὶ τω̃ν ἔνδον βάσανοι

^9:6 πάνυ δικαίως τὸν πολλαι̃ς καὶ ξενιζούσαις συμφοραι̃ς ἑτέρων σπλάγχνα βασανίσαντα

^9:7 ὁ δ' οὐδαμω̃ς τη̃ς ἀγερωχίας ἔληγεν ἔτι δὲ καὶ τη̃ς ὑπερηφανίας ἐπεπλήρωτο πυ̃ρ πνέων τοι̃ς θυμοι̃ς ἐπὶ τοὺς Ιουδαίους καὶ κελεύων ἐποξύνειν τὴν πορείαν συνέβη δὲ καὶ πεσει̃ν αὐτὸν ἀπὸ του̃ ἅρματος φερομένου ῥοίζω̨ καὶ δυσχερει̃ πτώματι περιπεσόντα πάντα τὰ μέλη του̃ σώματος ἀποστρεβλου̃σθαι

^9:8 ὁ δ' ἄρτι δοκω̃ν τοι̃ς τη̃ς θαλάσσης κύμασιν ἐπιτάσσειν διὰ τὴν ὑπὲρ ἄνθρωπον ἀλαζονείαν καὶ πλάστιγγι τὰ τω̃ν ὀρέων οἰόμενος ὕψη στήσειν κατὰ γη̃ν γενόμενος ἐν φορείω̨ παρεκομίζετο φανερὰν του̃ θεου̃ πα̃σιν τὴν δύναμιν ἐνδεικνύμενος

^9:9 ὥστε καὶ ἐκ του̃ σώματος του̃ δυσσεβου̃ς σκώληκας ἀναζει̃ν καὶ ζω̃ντος ἐν ὀδύναις καὶ ἀλγηδόσιν τὰς σάρκας αὐτου̃ διαπίπτειν ὑπὸ δὲ τη̃ς ὀσμη̃ς αὐτου̃ πα̃ν τὸ στρατόπεδον βαρύνεσθαι τὴν σαπρίαν

^9:10 καὶ τὸν μικρω̨̃ πρότερον τω̃ν οὐρανίων ἄστρων ἅπτεσθαι δοκου̃ντα παρακομίζειν οὐδεὶς ἐδύνατο διὰ τὸ τη̃ς ὀσμη̃ς ἀφόρητον βάρος

^9:11 ἐνταυ̃θα οὐ̃ν ἤρξατο τὸ πολὺ τη̃ς ὑπερηφανίας λήγειν τεθραυσμένος καὶ εἰς ἐπίγνωσιν ἔρχεσθαι θεία̨ μάστιγι κατὰ στιγμὴν ἐπιτεινόμενος ται̃ς ἀλγηδόσιν

^9:12 καὶ μηδὲ τη̃ς ὀσμη̃ς αὐτου̃ δυνάμενος ἀνέχεσθαι ταυ̃τ' ἔφη δίκαιον ὑποτάσσεσθαι τω̨̃ θεω̨̃ καὶ μὴ θνητὸν ὄντα ἰσόθεα φρονει̃ν

^9:13 ηὔχετο δὲ ὁ μιαρὸς πρὸς τὸν οὐκέτι αὐτὸν ἐλεήσοντα δεσπότην οὕτως λέγων

^9:14 τὴν μὲν ἁγίαν πόλιν ἣν σπεύδων παρεγίνετο ἰσόπεδον ποιη̃σαι καὶ πολυάνδριον οἰκοδομη̃σαι ἐλευθέραν ἀναδει̃ξαι

^9:15 τοὺς δὲ Ιουδαίους οὓς διεγνώκει μηδὲ ταφη̃ς ἀξιω̃σαι οἰωνοβρώτους δὲ σὺν τοι̃ς νηπίοις ἐκρίψειν θηρίοις πάντας αὐτοὺς ἴσους 'Αθηναίοις ποιήσειν

^9:16 ὃν δὲ πρότερον ἐσκύλευσεν ἅγιον νεὼ καλλίστοις ἀναθήμασιν κοσμήσειν καὶ τὰ ἱερὰ σκεύη πολυπλάσια πάντα ἀποδώσειν τὰς δὲ ἐπιβαλλούσας πρὸς τὰς θυσίας συντάξεις ἐκ τω̃ν ἰδίων προσόδων χορηγήσειν

^9:17 πρὸς δὲ τούτοις καὶ Ιουδαι̃ον ἔσεσθαι καὶ πάντα τόπον οἰκητὸν ἐπελεύσεσθαι καταγγέλλοντα τὸ του̃ θεου̃ κράτος

^9:18 οὐδαμω̃ς δὲ ληγόντων τω̃ν πόνων ἐπεληλύθει γὰρ ἐπ' αὐτὸν δικαία ἡ του̃ θεου̃ κρίσις τὰ κατ' αὐτὸν ἀπελπίσας ἔγραψεν πρὸς τοὺς Ιουδαίους τὴν ὑπογεγραμμένην ἐπιστολὴν ἱκετηρίας τάξιν ἔχουσαν περιέχουσαν δὲ οὕτως

^9:19 τοι̃ς χρηστοι̃ς Ιουδαίοις τοι̃ς πολίταις πολλὰ χαίρειν καὶ ὑγιαίνειν καὶ εὐ̃ πράττειν βασιλεὺς καὶ στρατηγὸς 'Αντίοχος

^9:20 εἰ ἔρρωσθε καὶ τὰ τέκνα καὶ τὰ ἴδια κατὰ γνώμην ἐστὶν ὑμι̃ν εἰς οὐρανὸν τὴν ἐλπίδα ἔχων

^9:21 ὑμω̃ν τὴν τιμὴν καὶ τὴν εὔνοιαν ἐμνημόνευον φιλοστόργως ἐπανάγων ἐκ τω̃ν κατὰ τὴν Περσίδα τόπων καὶ περιπεσὼν ἀσθενεία̨ δυσχέρειαν ἐχούση̨ ἀναγκαι̃ον ἡγησάμην φροντίσαι τη̃ς κοινη̃ς πάντων ἀσφαλείας

^9:22 οὐκ ἀπογινώσκων τὰ κατ' ἐμαυτόν ἀλλὰ ἔχων πολλὴν ἐλπίδα ἐκφεύξεσθαι τὴν ἀσθένειαν

^9:23 θεωρω̃ν δὲ ὅτι καὶ ὁ πατήρ καθ' οὓς καιροὺς εἰς τοὺς ἄνω τόπους ἐστρατοπέδευσεν ἀνέδειξεν τὸν διαδεξάμενον

^9:24 ὅπως ἐάν τι παράδοξον ἀποβαίνη̨ ἢ καὶ προσαγγελθη̨̃ τι δυσχερές εἰδότες οἱ κατὰ τὴν χώραν ὡ̨̃ καταλέλειπται τὰ πράγματα μὴ ἐπιταράσσωνται

^9:25 πρὸς δὲ τούτοις κατανοω̃ν τοὺς παρακειμένους δυνάστας καὶ γειτνιω̃ντας τη̨̃ βασιλεία̨ τοι̃ς καιροι̃ς ἐπέχοντας καὶ προσδοκω̃ντας τὸ ἀποβησόμενον ἀναδέδειχα τὸν υἱὸν 'Αντίοχον βασιλέα ὃν πολλάκις ἀνατρέχων εἰς τὰς ἐπάνω σατραπείας τοι̃ς πλείστοις ὑμω̃ν παρεκατετιθέμην καὶ συνίστων γέγραφα δὲ πρὸς αὐτὸν τὰ ὑπογεγραμμένα

^9:26 παρακαλω̃ οὐ̃ν ὑμα̃ς καὶ ἀξιω̃ μεμνημένους τω̃ν εὐεργεσιω̃ν κοινη̨̃ καὶ κατ' ἰδίαν ἕκαστον συντηρει̃ν τὴν οὐ̃σαν εὔνοιαν εἰς ἐμὲ καὶ τὸν υἱόν

^9:27 πέπεισμαι γὰρ αὐτὸν ἐπιεικω̃ς καὶ φιλανθρώπως παρακολουθου̃ντα τη̨̃ ἐμη̨̃ προαιρέσει συμπεριενεχθήσεσθαι ὑμι̃ν

^9:28 ὁ μὲν οὐ̃ν ἀνδροφόνος καὶ βλάσφημος τὰ χείριστα παθών ὡς ἑτέρους διέθηκεν ἐπὶ ξένης ἐν τοι̃ς ὄρεσιν οἰκτίστω̨ μόρω̨ κατέστρεψεν τὸν βίον

^9:29 παρεκομίζετο δὲ τὸ σω̃μα Φίλιππος ὁ σύντροφος αὐτου̃ ὃς καὶ διευλαβηθεὶς τὸν υἱὸν 'Αντιόχου πρὸς Πτολεμαι̃ον τὸν Φιλομήτορα εἰς Αἴγυπτον διεκομίσθη

^10:1 Μακκαβαι̃ος δὲ καὶ οἱ σὺν αὐτω̨̃ του̃ κυρίου προάγοντος αὐτοὺς τὸ μὲν ἱερὸν ἐκομίσαντο καὶ τὴν πόλιν

^10:2 τοὺς δὲ κατὰ τὴν ἀγορὰν βωμοὺς ὑπὸ τω̃ν ἀλλοφύλων δεδημιουργημένους ἔτι δὲ τεμένη καθει̃λαν

^10:3 καὶ τὸν νεὼ καθαρίσαντες ἕτερον θυσιαστήριον ἐποίησαν καὶ πυρώσαντες λίθους καὶ πυ̃ρ ἐκ τούτων λαβόντες ἀνήνεγκαν θυσίας μετὰ διετη̃ χρόνον καὶ θυμίαμα καὶ λύχνους καὶ τω̃ν ἄρτων τὴν πρόθεσιν ἐποιήσαντο

^10:4 ταυ̃τα δὲ ποιήσαντες ἠξίωσαν τὸν κύριον πεσόντες ἐπὶ κοιλίαν μηκέτι περιπεσει̃ν τοιούτοις κακοι̃ς ἀλλ' ἐάν ποτε καὶ ἁμάρτωσιν ὑπ' αὐτου̃ μετὰ ἐπιεικείας παιδεύεσθαι καὶ μὴ βλασφήμοις καὶ βαρβάροις ἔθνεσιν παραδίδοσθαι

^10:5 ἐν ἡ̨̃ δὲ ἡμέρα̨ ὁ νεὼς ὑπὸ ἀλλοφύλων ἐβεβηλώθη συνέβη κατὰ τὴν αὐτὴν ἡμέραν τὸν καθαρισμὸν γενέσθαι του̃ ναου̃ τη̨̃ πέμπτη̨ καὶ εἰκάδι του̃ αὐτου̃ μηνός ὅς ἐστιν Χασελευ

^10:6 καὶ μετ' εὐφροσύνης ἠ̃γον ἡμέρας ὀκτὼ σκηνωμάτων τρόπον μνημονεύοντες ὡς πρὸ μικρου̃ χρόνου τὴν τω̃ν σκηνω̃ν ἑορτὴν ἐν τοι̃ς ὄρεσιν καὶ ἐν τοι̃ς σπηλαίοις θηρίων τρόπον ἠ̃σαν νεμόμενοι

^10:7 διὸ θύρσους καὶ κλάδους ὡραίους ἔτι δὲ καὶ φοίνικας ἔχοντες ὕμνους ἀνέφερον τω̨̃ εὐοδώσαντι καθαρισθη̃ναι τὸν ἑαυτου̃ τόπον

^10:8 ἐδογμάτισαν δὲ μετὰ κοινου̃ προστάγματος καὶ ψηφίσματος παντὶ τω̨̃ τω̃ν Ιουδαίων ἔθνει κατ' ἐνιαυτὸν ἄγειν τάσδε τὰς ἡμέρας

^10:9 καὶ τὰ μὲν τη̃ς 'Αντιόχου του̃ προσαγορευθέντος 'Επιφανου̃ς τελευτη̃ς οὕτως εἰ̃χεν

^10:10 νυνὶ δὲ τὰ κατὰ τὸν Εὐπάτορα 'Αντίοχον υἱὸν δὲ του̃ ἀσεβου̃ς γενόμενον δηλώσομεν αὐτὰ συντέμνοντες τὰ συνέχοντα τω̃ν πολέμων κακά

^10:11 οὑ̃τος γὰρ παραλαβὼν τὴν βασιλείαν ἀνέδειξεν ἐπὶ τω̃ν πραγμάτων Λυσίαν τινά Κοίλης δὲ Συρίας καὶ Φοινίκης στρατηγὸν πρώταρχον

^10:12 Πτολεμαι̃ος γὰρ ὁ καλούμενος Μάκρων τὸ δίκαιον συντηρει̃ν προηγούμενος πρὸς τοὺς Ιουδαίους διὰ τὴν γεγονυι̃αν εἰς αὐτοὺς ἀδικίαν ἐπειρα̃το τὰ πρὸς αὐτοὺς εἰρηνικω̃ς διεξάγειν

^10:13 ὅθεν κατηγορούμενος ὑπὸ τω̃ν φίλων πρὸς τὸν Εὐπάτορα καὶ προδότης παρ' ἕκαστα ἀκούων διὰ τὸ τὴν Κύπρον ἐμπιστευθέντα ὑπὸ του̃ Φιλομήτορος ἐκλιπει̃ν καὶ πρὸς 'Αντίοχον τὸν 'Επιφανη̃ ἀναχωρη̃σαι μήτε εὐγενη̃ τὴν ἐξουσίαν εὐγενίσας φαρμακεύσας ἑαυτὸν ἐξέλιπεν τὸν βίον

^10:14 Γοργίας δὲ γενόμενος στρατηγὸς τω̃ν τόπων ἐξενοτρόφει καὶ παρ' ἕκαστα πρὸς τοὺς Ιουδαίους ἐπολεμοτρόφει

^10:15 ὁμου̃ δὲ τούτω̨ καὶ οἱ Ιδουμαι̃οι ἐγκρατει̃ς ἐπικαίρων ὀχυρωμάτων ὄντες ἐγύμναζον τοὺς Ιουδαίους καὶ τοὺς φυγαδεύσαντας ἀπὸ Ιεροσολύμων προσλαβόμενοι πολεμοτροφει̃ν ἐπεχείρουν

^10:16 οἱ δὲ περὶ τὸν Μακκαβαι̃ον ποιησάμενοι λιτανείαν καὶ ἀξιώσαντες τὸν θεὸν σύμμαχον αὐτοι̃ς γενέσθαι ἐπὶ τὰ τω̃ν Ιδουμαίων ὀχυρώματα ὥρμησαν

^10:17 οἱ̃ς καὶ προσβαλόντες εὐρώστως ἐγκρατει̃ς ἐγένοντο τω̃ν τόπων πάντας τε τοὺς ἐπὶ τω̨̃ τείχει μαχομένους ἠμύναντο κατέσφαζόν τε τοὺς ἐμπίπτοντας ἀνει̃λον δὲ οὐχ ἡ̃ττον τω̃ν δισμυρίων

^10:18 συμφυγόντων δὲ οὐκ ἔλαττον τω̃ν ἐνακισχιλίων εἰς δύο πύργους ὀχυροὺς εὐ̃ μάλα καὶ πάντα τὰ πρὸς πολιορκίαν ἔχοντας

^10:19 ὁ Μακκαβαι̃ος εἰς ἐπείγοντας τόπους ἀπολιπὼν Σιμωνα καὶ Ιωσηπον ἔτι δὲ καὶ Ζακχαι̃ον καὶ τοὺς σὺν αὐτω̨̃ ἱκανοὺς πρὸς τὴν τούτων πολιορκίαν αὐτὸς ἐχωρίσθη

^10:20 οἱ δὲ περὶ τὸν Σιμωνα φιλαργυρήσαντες ὑπό τινων τω̃ν ἐν τοι̃ς πύργοις ἐπείσθησαν ἀργυρίω̨ ἑπτάκις δὲ μυρίας δραχμὰς λαβόντες εἴασάν τινας διαρρυη̃ναι

^10:21 προσαγγελέντος δὲ τω̨̃ Μακκαβαίω̨ περὶ του̃ γεγονότος συναγαγὼν τοὺς ἡγουμένους του̃ λαου̃ κατηγόρησεν ὡς ἀργυρίου πέπρακαν τοὺς ἀδελφοὺς τοὺς πολεμίους κατ' αὐτω̃ν ἀπολύσαντες

^10:22 τούτους μὲν οὐ̃ν προδότας γενομένους ἀπέκτεινεν καὶ παραχρη̃μα τοὺς δύο πύργους κατελάβετο

^10:23 τοι̃ς δὲ ὅπλοις τὰ πάντα ἐν ται̃ς χερσὶν εὐοδούμενος ἀπώλεσεν ἐν τοι̃ς δυσὶν ὀχυρώμασιν πλείους τω̃ν δισμυρίων

^10:24 Τιμόθεος δὲ ὁ πρότερον ἡττηθεὶς ὑπὸ τω̃ν Ιουδαίων συναγαγὼν ξένας δυνάμεις παμπληθει̃ς καὶ τοὺς τη̃ς 'Ασίας γενομένους ἵππους συναθροίσας οὐκ ὀλίγους παρη̃ν ὡς δοριάλωτον λημψόμενος τὴν Ιουδαίαν

^10:25 οἱ δὲ περὶ τὸν Μακκαβαι̃ον συνεγγίζοντος αὐτου̃ πρὸς ἱκετείαν του̃ θεου̃ γη̨̃ τὰς κεφαλὰς καταπάσαντες καὶ τὰς ὀσφύας σάκκοις ζώσαντες

^10:26 ἐπὶ τὴν ἀπέναντι του̃ θυσιαστηρίου κρηπι̃δα προσπεσόντες ἠξίουν ἵλεως αὐτοι̃ς γενόμενον ἐχθρευ̃σαι τοι̃ς ἐχθροι̃ς αὐτω̃ν καὶ ἀντικει̃σθαι τοι̃ς ἀντικειμένοις καθὼς ὁ νόμος διασαφει̃

^10:27 γενόμενοι δὲ ἀπὸ τη̃ς δεήσεως ἀναλαβόντες τὰ ὅπλα προη̃γον ἀπὸ τη̃ς πόλεως ἐπὶ πλει̃ον συνεγγίσαντες δὲ τοι̃ς πολεμίοις ἐφ' ἑαυτω̃ν ἠ̃σαν

^10:28 ἄρτι δὲ τη̃ς ἀνατολη̃ς διαχεομένης προσέβαλον ἑκάτεροι οἱ μὲν ἔγγυον ἔχοντες εὐημερίας καὶ νίκης μετὰ ἀρετη̃ς τὴν ἐπὶ τὸν κύριον καταφυγήν οἱ δὲ καθηγεμόνα τω̃ν ἀγώνων ταττόμενοι τὸν θυμόν

^10:29 γενομένης δὲ καρτερα̃ς μάχης ἐφάνησαν τοι̃ς ὑπεναντίοις ἐξ οὐρανου̃ ἐφ' ἵππων χρυσοχαλίνων ἄνδρες πέντε διαπρεπει̃ς καὶ ἀφηγούμενοι τω̃ν Ιουδαίων

^10:30 οἳ καὶ τὸν Μακκαβαι̃ον μέσον λαβόντες καὶ σκεπάζοντες ται̃ς ἑαυτω̃ν πανοπλίαις ἄτρωτον διεφύλαττον εἰς δὲ τοὺς ὑπεναντίους τοξεύματα καὶ κεραυνοὺς ἐξερρίπτουν διὸ συγχυθέντες ἀορασία̨ διεκόπτοντο ταραχη̃ς πεπληρωμένοι

^10:31 κατεσφάγησαν δὲ δισμύριοι πρὸς τοι̃ς πεντακοσίοις ἱππει̃ς δὲ ἑξακόσιοι

^10:32 αὐτὸς δὲ ὁ Τιμόθεος συνέφυγεν εἰς Γαζαρα λεγόμενον ὀχύρωμα εὐ̃ μάλα φρούριον στρατηγου̃ντος ἐκει̃ Χαιρεου

^10:33 οἱ δὲ περὶ τὸν Μακκαβαι̃ον ἄσμενοι περιεκάθισαν τὸ φρούριον ἡμέρας τέσσαρας

^10:34 οἱ δὲ ἔνδον τη̨̃ ἐρυμνότητι του̃ τόπου πεποιθότες ὑπεράγαν ἐβλασφήμουν καὶ λόγους ἀθεμίτους προΐεντο

^10:35 ὑποφαινούσης δὲ τη̃ς πέμπτης ἡμέρας εἴκοσι νεανίαι τω̃ν περὶ τὸν Μακκαβαι̃ον πυρωθέντες τοι̃ς θυμοι̃ς διὰ τὰς βλασφημίας προσβαλόντες τω̨̃ τείχει ἀρρενωδω̃ς καὶ θηριώδει θυμω̨̃ τὸν ἐμπίπτοντα ἔκοπτον

^10:36 ἕτεροι δὲ ὁμοίως προσαναβάντες ἐν τω̨̃ περισπασμω̨̃ πρὸς τοὺς ἔνδον ἐνεπίμπρων τοὺς πύργους καὶ πυρὰς ἀνάπτοντες ζω̃ντας τοὺς βλασφήμους κατέκαιον οἱ δὲ τὰς πύλας διέκοπτον εἰσδεξάμενοι δὲ τὴν λοιπὴν τάξιν προκατελάβοντο τὴν πόλιν

^10:37 καὶ τὸν Τιμόθεον ἀποκεκρυμμένον ἔν τινι λάκκω̨ κατέσφαξαν καὶ τὸν τούτου ἀδελφὸν Χαιρέαν καὶ τὸν 'Απολλοφάνην

^10:38 ταυ̃τα δὲ διαπραξάμενοι μεθ' ὕμνων καὶ ἐξομολογήσεων εὐλόγουν τω̨̃ κυρίω̨ τω̨̃ μεγάλως εὐεργετου̃ντι τὸν Ισραηλ καὶ τὸ νι̃κος αὐτοι̃ς διδόντι

^11:1 μετ' ὀλίγον δὲ παντελω̃ς χρονίσκον Λυσίας ἐπίτροπος του̃ βασιλέως καὶ συγγενὴς καὶ ἐπὶ τω̃ν πραγμάτων λίαν βαρέως φέρων ἐπὶ τοι̃ς γεγονόσι

^11:2 συναθροίσας περὶ τὰς ὀκτὼ μυριάδας καὶ τὴν ἵππον ἅπασαν παρεγίνετο ἐπὶ τοὺς Ιουδαίους λογιζόμενος τὴν μὲν πόλιν 'Έλλησιν οἰκητήριον ποιήσειν

^11:3 τὸ δὲ ἱερὸν ἀργυρολόγητον καθὼς τὰ λοιπὰ τω̃ν ἐθνω̃ν τεμένη πρατὴν δὲ κατὰ ἔτος τὴν ἀρχιερωσύνην ποιήσειν

^11:4 οὐδαμω̃ς ἐπιλογιζόμενος τὸ του̃ θεου̃ κράτος πεφρενωμένος δὲ ται̃ς μυριάσιν τω̃ν πεζω̃ν καὶ ται̃ς χιλιάσιν τω̃ν ἱππέων καὶ τοι̃ς ἐλέφασιν τοι̃ς ὀγδοήκοντα

^11:5 εἰσελθὼν δὲ εἰς τὴν Ιουδαίαν καὶ συνεγγίσας Βαιθσουρα ὄντι μὲν ἐρυμνω̨̃ χωρίω̨ Ιεροσολύμων δὲ ἀπέχοντι ὡσεὶ σταδίους πέντε του̃το ἔθλιβεν

^11:6 ὡς δὲ μετέλαβον οἱ περὶ τὸν Μακκαβαι̃ον πολιορκου̃ντα αὐτὸν τὰ ὀχυρώματα μετὰ ὀδυρμω̃ν καὶ δακρύων ἱκέτευον σὺν τοι̃ς ὄχλοις τὸν κύριον ἀγαθὸν ἄγγελον ἀποστει̃λαι πρὸς σωτηρίαν τω̨̃ Ισραηλ

^11:7 αὐτὸς δὲ πρω̃τος ὁ Μακκαβαι̃ος ἀναλαβὼν τὰ ὅπλα προετρέψατο τοὺς ἄλλους ἅμα αὐτω̨̃ διακινδυνεύοντας ἐπιβοηθει̃ν τοι̃ς ἀδελφοι̃ς αὐτω̃ν ὁμου̃ δὲ καὶ προθύμως ἐξώρμησαν

^11:8 αὐτόθι δὲ πρὸς τοι̃ς Ιεροσολύμοις ὄντων ἐφάνη προηγούμενος αὐτω̃ν ἔφιππος ἐν λευκη̨̃ ἐσθη̃τι πανοπλίαν χρυση̃ν κραδαίνων

^11:9 ὁμου̃ δὲ πάντες εὐλόγησαν τὸν ἐλεήμονα θεὸν καὶ ἐπερρώσθησαν ται̃ς ψυχαι̃ς οὐ μόνον ἀνθρώπους θη̃ρας δὲ τοὺς ἀγριωτάτους καὶ σιδηρα̃ τείχη τιτρώσκειν ὄντες ἕτοιμοι

^11:10 προη̃γον ἐν διασκευη̨̃ τὸν ἀπ' οὐρανου̃ σύμμαχον ἔχοντες ἐλεήσαντος αὐτοὺς του̃ κυρίου

^11:11 λεοντηδὸν δὲ ἐντινάξαντες εἰς τοὺς πολεμίους κατέστρωσαν αὐτω̃ν χιλίους πρὸς τοι̃ς μυρίοις ἱππει̃ς δὲ ἑξακοσίους πρὸς τοι̃ς χιλίοις τοὺς δὲ πάντας ἠνάγκασαν φεύγειν

^11:12 οἱ πλείονες δὲ αὐτω̃ν τραυματίαι γυμνοὶ διεσώθησαν καὶ αὐτὸς δὲ ὁ Λυσίας αἰσχρω̃ς φεύγων διεσώθη

^11:13 οὐκ ἄνους δὲ ὑπάρχων πρὸς ἑαυτὸν ἀντιβάλλων τὸ γεγονὸς περὶ αὐτὸν ἐλάττωμα καὶ συννοήσας ἀνικήτους εἰ̃ναι τοὺς Εβραίους του̃ δυναμένου θεου̃ συμμαχου̃ντος αὐτοι̃ς

^11:14 προσαποστείλας ἔπεισεν συλλύεσθαι ἐπὶ πα̃σι τοι̃ς δικαίοις καὶ διότι καὶ τὸν βασιλέα πείσει φίλον αὐτοι̃ς ἀναγκάζων γενέσθαι

^11:15 ἐπένευσεν δὲ ὁ Μακκαβαι̃ος ἐπὶ πα̃σιν οἱ̃ς ὁ Λυσίας παρεκάλει του̃ συμφέροντος φροντίζων ὅσα γὰρ ὁ Μακκαβαι̃ος ἐπέδωκεν τω̨̃ Λυσία̨ διὰ γραπτω̃ν περὶ τω̃ν Ιουδαίων συνεχώρησεν ὁ βασιλεύς

^11:16 ἠ̃σαν γὰρ αἱ γεγραμμέναι τοι̃ς Ιουδαίοις ἐπιστολαὶ παρὰ μὲν Λυσίου περιέχουσαι τὸν τρόπον του̃τον Λυσίας τω̨̃ πλήθει τω̃ν Ιουδαίων χαίρειν

^11:17 Ιωαννης καὶ Αβεσσαλωμ οἱ πεμφθέντες παρ' ὑμω̃ν ἐπιδόντες τὸν ὑπογεγραμμένον χρηματισμὸν ἠξίουν περὶ τω̃ν δι' αὐτου̃ σημαινομένων

^11:18 ὅσα μὲν οὐ̃ν ἔδει καὶ τω̨̃ βασιλει̃ προσενεχθη̃ναι διεσάφησα ἃ δὲ ἠ̃ν ἐνδεχόμενα συνεχώρησεν

^11:19 ἐὰν μὲν οὐ̃ν συντηρήσητε τὴν εἰς τὰ πράγματα εὔνοιαν καὶ εἰς τὸ λοιπὸν πειράσομαι παραίτιος ἀγαθω̃ν γενέσθαι

^11:20 ὑπὲρ δὲ τούτων καὶ τω̃ν κατὰ μέρος ἐντέταλμαι τούτοις τε καὶ τοι̃ς παρ' ἐμου̃ διαλεχθη̃ναι ὑμι̃ν

^11:21 ἔρρωσθε ἔτους ἑκατοστου̃ τεσσαρακοστου̃ ὀγδόου Διὸς Κορινθίου τετράδι καὶ εἰκάδι

^11:22 ἡ δὲ του̃ βασιλέως ἐπιστολὴ περιει̃χεν οὕτως βασιλεὺς 'Αντίοχος τω̨̃ ἀδελφω̨̃ Λυσία̨ χαίρειν

^11:23 του̃ πατρὸς ἡμω̃ν εἰς θεοὺς μεταστάντος βουλόμενοι τοὺς ἐκ τη̃ς βασιλείας ἀταράχους ὄντας γενέσθαι πρὸς τὴν τω̃ν ἰδίων ἐπιμέλειαν

^11:24 ἀκηκοότες τοὺς Ιουδαίους μὴ συνευδοκου̃ντας τη̨̃ του̃ πατρὸς ἐπὶ τὰ 'Ελληνικὰ μεταθέσει ἀλλὰ τὴν ἑαυτω̃ν ἀγωγὴν αἱρετίζοντας ἀξιου̃ντας συγχωρηθη̃ναι αὐτοι̃ς τὰ νόμιμα

^11:25 αἱρούμενοι οὐ̃ν καὶ του̃το τὸ ἔθνος ἐκτὸς ταραχη̃ς εἰ̃ναι κρίνομεν τό τε ἱερὸν ἀποκατασταθη̃ναι αὐτοι̃ς καὶ πολιτεύεσθαι κατὰ τὰ ἐπὶ τω̃ν προγόνων αὐτω̃ν ἔθη

^11:26 εὐ̃ οὐ̃ν ποιήσεις διαπεμψάμενος πρὸς αὐτοὺς καὶ δοὺς δεξιάς ὅπως εἰδότες τὴν ἡμετέραν προαίρεσιν εὔθυμοί τε ὠ̃σιν καὶ ἡδέως διαγίνωνται πρὸς τη̨̃ τω̃ν ἰδίων ἀντιλήμψει

^11:27 πρὸς δὲ τὸ ἔθνος ἡ του̃ βασιλέως ἐπιστολὴ τοιάδε ἠ̃ν βασιλεὺς 'Αντίοχος τη̨̃ γερουσία̨ τω̃ν Ιουδαίων καὶ τοι̃ς ἄλλοις Ιουδαίοις χαίρειν

^11:28 εἰ ἔρρωσθε εἴη ἂν ὡς βουλόμεθα καὶ αὐτοὶ δὲ ὑγιαίνομεν

^11:29 ἐνεφάνισεν ἡμι̃ν Μενέλαος βούλεσθαι κατελθόντας ὑμα̃ς γίνεσθαι πρὸς τοι̃ς ἰδίοις

^11:30 τοι̃ς οὐ̃ν καταπορευομένοις μέχρι τριακάδος Ξανθικου̃ ὑπάρξει δεξιὰ μετὰ τη̃ς ἀδείας

^11:31 χρη̃σθαι τοὺς Ιουδαίους τοι̃ς ἑαυτω̃ν δαπανήμασιν καὶ νόμοις καθὰ καὶ τὸ πρότερον καὶ οὐδεὶς αὐτω̃ν κατ' οὐδένα τρόπον παρενοχληθήσεται περὶ τω̃ν ἠγνοημένων

^11:32 πέπομφα δὲ καὶ τὸν Μενέλαον παρακαλέσοντα ὑμα̃ς

^11:33 ἔρρωσθε ἔτους ἑκατοστου̃ τεσσαρακοστου̃ ὀγδόου Ξανθικου̃ πεντεκαιδεκάτη̨

^11:34 ἔπεμψαν δὲ καὶ οἱ 'Ρωμαι̃οι πρὸς αὐτοὺς ἐπιστολὴν ἔχουσαν οὕτως Κόιντος Μέμμιος Τίτος Μάνιος πρεσβυ̃ται 'Ρωμαίων τω̨̃ δήμω̨ τω̃ν Ιουδαίων χαίρειν

^11:35 ὑπὲρ ὡ̃ν Λυσίας ὁ συγγενὴς του̃ βασιλέως συνεχώρησεν ὑμι̃ν καὶ ἡμει̃ς συνευδοκου̃μεν

^11:36 ἃ δὲ ἔκρινεν προσανενεχθη̃ναι τω̨̃ βασιλει̃ πέμψατέ τινα παραχρη̃μα ἐπισκεψάμενοι περὶ τούτων ἵνα ἐκθω̃μεν ὡς καθήκει ὑμι̃ν ἡμει̃ς γὰρ προσάγομεν πρὸς 'Αντιόχειαν

^11:37 διὸ σπεύσατε καὶ πέμψατέ τινας ὅπως καὶ ἡμει̃ς ἐπιγνω̃μεν ὁποίας ἐστὲ γνώμης

^11:38 ὑγιαίνετε ἔτους ἑκατοστου̃ τεσσαρακοστου̃ ὀγδόου Ξανθικου̃ πεντεκαιδεκάτη̨

^12:1 γενομένων δὲ τω̃ν συνθηκω̃ν τούτων ὁ μὲν Λυσίας ἀπή̨ει πρὸς τὸν βασιλέα οἱ δὲ Ιουδαι̃οι περὶ τὴν γεωργίαν ἐγίνοντο

^12:2 τω̃ν δὲ κατὰ τόπον στρατηγω̃ν Τιμόθεος καὶ 'Απολλώνιος ὁ του̃ Γενναίου ἔτι δὲ 'Ιερώνυμος καὶ Δημοφών πρὸς δὲ τούτοις Νικάνωρ ὁ Κυπριάρχης οὐκ εἴων αὐτοὺς εὐσταθει̃ν καὶ τὰ τη̃ς ἡσυχίας ἄγειν

^12:3 'Ιοππι̃ται δὲ τηλικου̃το συνετέλεσαν τὸ δυσσέβημα παρακαλέσαντες τοὺς σὺν αὐτοι̃ς οἰκου̃ντας Ιουδαίους ἐμβη̃ναι εἰς τὰ παρακατασταθέντα ὑπ' αὐτω̃ν σκάφη σὺν γυναιξὶν καὶ τέκνοις ὡς μηδεμια̃ς ἐνεστώσης πρὸς αὐτοὺς δυσμενείας

^12:4 κατὰ δὲ τὸ κοινὸν τη̃ς πόλεως ψήφισμα καὶ τούτων ἐπιδεξαμένων ὡς ἂν εἰρηνεύειν θελόντων καὶ μηδὲν ὕποπτον ἐχόντων ἐπαναχθέντας αὐτοὺς ἐβύθισαν ὄντας οὐκ ἔλαττον τω̃ν διακοσίων

^12:5 μεταλαβὼν δὲ Ιουδας τὴν γεγονυι̃αν εἰς τοὺς ὁμοεθνει̃ς ὠμότητα παραγγείλας τοι̃ς περὶ αὐτὸν ἀνδράσιν

^12:6 καὶ ἐπικαλεσάμενος τὸν δίκαιον κριτὴν θεὸν παρεγένετο ἐπὶ τοὺς μιαιφόνους τω̃ν ἀδελφω̃ν καὶ τὸν μὲν λιμένα νύκτωρ ἐνέπρησεν καὶ τὰ σκάφη κατέφλεξεν τοὺς δὲ ἐκει̃ συμφυγόντας ἐξεκέντησεν

^12:7 του̃ δὲ χωρίου συγκλεισθέντος ἀνέλυσεν ὡς πάλιν ἥξων καὶ τὸ σύμπαν τω̃ν Ιοππιτω̃ν ἐκριζω̃σαι πολίτευμα

^12:8 μεταλαβὼν δὲ καὶ τοὺς ἐν Ιαμνεία̨ τὸν αὐτὸν ἐπιτελει̃ν βουλομένους τρόπον τοι̃ς παροικου̃σιν Ιουδαίοις

^12:9 καὶ τοι̃ς Ιαμνίταις νυκτὸς ἐπιβαλὼν ὑφη̃ψεν τὸν λιμένα σὺν τω̨̃ στόλω̨ ὥστε φαίνεσθαι τὰς αὐγὰς του̃ φέγγους εἰς τὰ Ιεροσόλυμα σταδίων ὄντων διακοσίων τεσσαράκοντα

^12:10 ἐκει̃θεν δὲ ἀποσπάσαντες σταδίους ἐννέα ποιουμένων τὴν πορείαν ἐπὶ τὸν Τιμόθεον προσέβαλον 'Άραβες αὐτω̨̃ οὐκ ἐλάττους τω̃ν πεντακισχιλίων ἱππει̃ς δὲ πεντακόσιοι

^12:11 γενομένης δὲ καρτερα̃ς μάχης καὶ τω̃ν περὶ τὸν Ιουδαν διὰ τὴν παρὰ του̃ θεου̃ βοήθειαν εὐημερησάντων ἐλαττονωθέντες οἱ νομάδες ἠξίουν δου̃ναι τὸν Ιουδαν δεξιὰς αὐτοι̃ς ὑπισχνούμενοι καὶ βοσκήματα δώσειν καὶ ἐν τοι̃ς λοιποι̃ς ὠφελήσειν αὐτούς

^12:12 Ιουδας δὲ ὑπολαβὼν ὡς ἀληθω̃ς ἐν πολλοι̃ς αὐτοὺς χρησίμους ἐπεχώρησεν εἰρήνην ἄξειν πρὸς αὐτούς καὶ λαβόντες δεξιὰς εἰς τὰς σκηνὰς ἐχωρίσθησαν

^12:13 ἐπέβαλεν δὲ καὶ ἐπί τινα πόλιν γεφύραις ὀχυρὰν καὶ τείχεσιν περιπεφραγμένην καὶ παμμειγέσιν ἔθνεσιν κατοικουμένην ὄνομα δὲ Κασπιν

^12:14 οἱ δὲ ἔνδον πεποιθότες τη̨̃ τω̃ν τειχέων ἐρυμνότητι τη̨̃ τε τω̃ν βρωμάτων παραθέσει ἀναγωγότερον ἐχρω̃ντο τοι̃ς περὶ τὸν Ιουδαν λοιδορου̃ντες καὶ προσέτι βλασφημου̃ντες καὶ λαλου̃ντες ἃ μὴ θέμις

^12:15 οἱ δὲ περὶ τὸν Ιουδαν ἐπικαλεσάμενοι τὸν μέγαν του̃ κόσμου δυνάστην τὸν ἄτερ κριω̃ν καὶ μηχανω̃ν ὀργανικω̃ν κατακρημνίσαντα τὴν Ιεριχω κατὰ τοὺς 'Ιησου̃ χρόνους ἐνέσεισαν θηριωδω̃ς τω̨̃ τείχει

^12:16 καταλαβόμενοί τε τὴν πόλιν τη̨̃ του̃ θεου̃ θελήσει ἀμυθήτους ἐποιήσαντο σφαγὰς ὥστε τὴν παρακειμένην λίμνην τὸ πλάτος ἔχουσαν σταδίους δύο κατάρρυτον αἵματι πεπληρωμένην φαίνεσθαι

^12:17 ἐκει̃θεν δὲ ἀποσπάσαντες σταδίους ἑπτακοσίους πεντήκοντα διήνυσαν εἰς τὸν Χάρακα πρὸς τοὺς λεγομένους Τουβιανοὺς Ιουδαίους

^12:18 καὶ Τιμόθεον μὲν ἐπὶ τω̃ν τόπων οὐ κατέλαβον ἄπρακτον τότε ἀπὸ τω̃ν τόπων ἐκλελυκότα καταλελοιπότα δὲ φρουρὰν ἔν τινι τόπω̨ καὶ μάλα ὀχυράν

^12:19 Δοσίθεος δὲ καὶ Σωσίπατρος τω̃ν περὶ τὸν Μακκαβαι̃ον ἡγεμόνων ἐξοδεύσαντες ἀπώλεσαν τοὺς ὑπὸ Τιμοθέου καταλειφθέντας ἐν τω̨̃ ὀχυρώματι πλείους τω̃ν μυρίων ἀνδρω̃ν

^12:20 ὁ δὲ Μακκαβαι̃ος διατάξας τὴν περὶ αὐτὸν στρατιὰν σπειρηδὸν κατέστησεν αὐτοὺς ἐπὶ τω̃ν σπειρω̃ν καὶ ἐπὶ τὸν Τιμόθεον ὥρμησεν ἔχοντα περὶ αὐτὸν μυριάδας δώδεκα πεζω̃ν ἱππει̃ς δὲ δισχιλίους πρὸς τοι̃ς πεντακοσίοις

^12:21 τὴν δὲ ἔφοδον μεταλαβὼν Ιουδου προεξαπέστειλεν ὁ Τιμόθεος τὰς γυναι̃κας καὶ τὰ τέκνα καὶ τὴν ἄλλην ἀποσκευὴν εἰς τὸ λεγόμενον Καρνιον ἠ̃ν γὰρ δυσπολιόρκητον καὶ δυσπρόσιτον τὸ χωρίον διὰ τὴν πάντων τω̃ν τόπων στενότητα

^12:22 ἐπιφανείσης δὲ τη̃ς Ιουδου σπείρας πρώτης καὶ γενομένου δέους ἐπὶ τοὺς πολεμίους φόβου τε ἐκ τη̃ς του̃ τὰ πάντα ἐφορω̃ντος ἐπιφανείας γενομένης ἐπ' αὐτοὺς εἰς φυγὴν ὥρμησαν ἄλλος ἀλλαχη̨̃ φερόμενος ὥστε πολλάκις ὑπὸ τω̃ν ἰδίων βλάπτεσθαι καὶ ται̃ς τω̃ν ξιφω̃ν ἀκμαι̃ς ἀναπείρεσθαι

^12:23 ἐποιει̃το δὲ τὸν διωγμὸν εὐτονώτερον ὁ Ιουδας συγκεντω̃ν τοὺς ἀλιτηρίους διέφθειρέν τε εἰς μυριάδας τρει̃ς ἀνδρω̃ν

^12:24 αὐτὸς δὲ ὁ Τιμόθεος ἐμπεσὼν τοι̃ς περὶ τὸν Δοσίθεον καὶ Σωσίπατρον ἠξίου μετὰ πολλη̃ς γοητείας ἐξαφει̃ναι σω̃ον αὐτὸν διὰ τὸ πλειόνων μὲν γονει̃ς ὡ̃ν δὲ ἀδελφοὺς ἔχειν καὶ τούτους ἀλογηθη̃ναι συμβήσεται

^12:25 πιστώσαντος δὲ αὐτου̃ διὰ πλειόνων τὸν ὁρισμὸν ἀποκαταστη̃σαι τούτους ἀπημάντους ἀπέλυσαν αὐτὸν ἕνεκα τη̃ς τω̃ν ἀδελφω̃ν σωτηρίας

^12:26 ἐξελθὼν δὲ ἐπὶ τὸ Καρνιον καὶ τὸ Ατεργατειον κατέσφαξεν μυριάδας σωμάτων δύο καὶ πεντακισχιλίους

^12:27 μετὰ δὲ τὴν τούτων τροπὴν καὶ ἀπώλειαν ἐπεστράτευσεν καὶ ἐπὶ Εφρων πόλιν ὀχυράν ἐν ἡ̨̃ κατώ̨κει Λυσίας καὶ πάμφυλα πλήθη νεανίαι δὲ ῥωμαλέοι πρὸ τω̃ν τειχέων καθεστω̃τες εὐρώστως ἀπεμάχοντο ἔνθα δὲ ὀργάνων καὶ βελω̃ν πολλαὶ παραθέσεις ὑπη̃ρχον

^12:28 ἐπικαλεσάμενοι δὲ τὸν δυνάστην τὸν μετὰ κράτους συντρίβοντα τὰς τω̃ν πολεμίων ἀλκὰς ἔλαβον τὴν πόλιν ὑποχείριον κατέστρωσαν δὲ τω̃ν ἔνδον εἰς μυριάδας δύο πεντακισχιλίους

^12:29 ἀναζεύξαντες δὲ ἐκει̃θεν ὥρμησαν ἐπὶ Σκυθω̃ν πόλιν ἀπέχουσαν ἀπὸ Ιεροσολύμων σταδίους ἑξακοσίους

^12:30 ἀπομαρτυρησάντων δὲ τω̃ν ἐκει̃ καθεστώτων Ιουδαίων ἣν οἱ Σκυθοπολι̃ται ἔσχον πρὸς αὐτοὺς εὔνοιαν καὶ ἐν τοι̃ς τη̃ς ἀτυχίας καιροι̃ς ἥμερον ἀπάντησιν

^12:31 εὐχαριστήσαντες καὶ προσπαρακαλέσαντες καὶ εἰς τὰ λοιπὰ πρὸς τὸ γένος εὐμενει̃ς εἰ̃ναι παρεγενήθησαν εἰς Ιεροσόλυμα τη̃ς τω̃ν ἑβδομάδων ἑορτη̃ς οὔσης ὑπογύου

^12:32 μετὰ δὲ τὴν λεγομένην πεντηκοστὴν ὥρμησαν ἐπὶ Γοργίαν τὸν τη̃ς Ιδουμαίας στρατηγόν

^12:33 ἐξη̃λθεν δὲ μετὰ πεζω̃ν τρισχιλίων ἱππέων δὲ τετρακοσίων

^12:34 παραταξαμένους δὲ συνέβη πεσει̃ν ὀλίγους τω̃ν Ιουδαίων

^12:35 Δοσίθεος δέ τις τω̃ν του̃ Βακήνορος ἔφιππος ἀνὴρ καὶ καρτερός εἴχετο του̃ Γοργίου καὶ λαβόμενος τη̃ς χλαμύδος ἠ̃γεν αὐτὸν εὐρώστως καὶ βουλόμενος τὸν κατάρατον λαβει̃ν ζωγρίαν τω̃ν ἱππέων τινὸς Θρα̨κω̃ν ἐπενεχθέντος αὐτω̨̃ καὶ τὸν ὠ̃μον καθελόντος διέφυγεν ὁ Γοργίας εἰς Μαρισα

^12:36 τω̃ν δὲ περὶ τὸν Εσδριν ἐπὶ πλει̃ον μαχομένων καὶ κατακόπων ὄντων ἐπικαλεσάμενος Ιουδας τὸν κύριον σύμμαχον φανη̃ναι καὶ προοδηγὸν του̃ πολέμου

^12:37 καταρξάμενος τη̨̃ πατρίω̨ φωνη̨̃ τὴν μεθ' ὕμνων κραυγὴν ἐνσείσας ἀπροσδοκήτως τοι̃ς περὶ τὸν Γοργίαν τροπὴν αὐτω̃ν ἐποιήσατο

^12:38 Ιουδας δὲ ἀναλαβὼν τὸ στράτευμα ἡ̃κεν εἰς Οδολλαμ πόλιν τη̃ς δὲ ἑβδομάδος ἐπιβαλλούσης κατὰ τὸν ἐθισμὸν ἁγνισθέντες αὐτόθι τὸ σάββατον διήγαγον

^12:39 τη̨̃ δὲ ἐχομένη̨ ἠ̃λθον οἱ περὶ τὸν Ιουδαν καθ' ὃν χρόνον τὸ τη̃ς χρείας ἐγεγόνει τὰ σώματα τω̃ν προπεπτωκότων ἀνακομίσασθαι καὶ μετὰ τω̃ν συγγενω̃ν ἀποκαταστη̃σαι εἰς τοὺς πατρώ̨ους τάφους

^12:40 εὑ̃ρον δὲ ἑκάστου τω̃ν τεθνηκότων ὑπὸ τοὺς χιτω̃νας ἱερώματα τω̃ν ἀπὸ Ιαμνείας εἰδώλων ἀφ' ὡ̃ν ὁ νόμος ἀπείργει τοὺς Ιουδαίους τοι̃ς δὲ πα̃σι σαφὲς ἐγένετο διὰ τήνδε τὴν αἰτίαν τούσδε πεπτωκέναι

^12:41 πάντες οὐ̃ν εὐλογήσαντες τὰ του̃ δικαιοκρίτου κυρίου τὰ κεκρυμμένα φανερὰ ποιου̃ντος

^12:42 εἰς ἱκετείαν ἐτράπησαν ἀξιώσαντες τὸ γεγονὸς ἁμάρτημα τελείως ἐξαλειφθη̃ναι ὁ δὲ γενναι̃ος Ιουδας παρεκάλεσε τὸ πλη̃θος συντηρει̃ν αὑτοὺς ἀναμαρτήτους εἰ̃ναι ὑπ' ὄψιν ἑωρακότας τὰ γεγονότα διὰ τὴν τω̃ν προπεπτωκότων ἁμαρτίαν

^12:43 ποιησάμενός τε κατ' ἀνδρολογίαν εἰς ἀργυρίου δραχμὰς δισχιλίας ἀπέστειλεν εἰς Ιεροσόλυμα προσαγαγει̃ν περὶ ἁμαρτίας θυσίαν πάνυ καλω̃ς καὶ ἀστείως πράττων ὑπὲρ ἀναστάσεως διαλογιζόμενος

^12:44 εἰ μὴ γὰρ τοὺς προπεπτωκότας ἀναστη̃ναι προσεδόκα περισσὸν καὶ ληρω̃δες ὑπὲρ νεκρω̃ν εὔχεσθαι

^12:45 εἰ̃τε' ἐμβλέπων τοι̃ς μετ' εὐσεβείας κοιμωμένοις κάλλιστον ἀποκείμενον χαριστήριον ὁσία καὶ εὐσεβὴς ἡ ἐπίνοια ὅθεν περὶ τω̃ν τεθνηκότων τὸν ἐξιλασμὸν ἐποιήσατο τη̃ς ἁμαρτίας ἀπολυθη̃ναι

^13:1 τω̨̃ δὲ ἐνάτω̨ καὶ τεσσαρακοστω̨̃ καὶ ἑκατοστω̨̃ ἔτει προσέπεσεν τοι̃ς περὶ τὸν Ιουδαν 'Αντίοχον τὸν Εὐπάτορα παραγενέσθαι σὺν πλήθεσιν ἐπὶ τὴν Ιουδαίαν

^13:2 καὶ σὺν αὐτω̨̃ Λυσίαν τὸν ἐπίτροπον καὶ ἐπὶ τω̃ν πραγμάτων ἕκαστον ἔχοντα δύναμιν 'Ελληνικὴν πεζω̃ν μυριάδας ἕνδεκα καὶ ἱππέων πεντακισχιλίους τριακοσίους καὶ ἐλέφαντας εἴκοσι δύο ἅρματα δὲ δρεπανηφόρα τριακόσια

^13:3 συνέμειξεν δὲ αὐτοι̃ς καὶ Μενέλαος καὶ παρεκάλει μετὰ πολλη̃ς εἰρωνείας τὸν 'Αντίοχον οὐκ ἐπὶ σωτηρία̨ τη̃ς πατρίδος οἰόμενος δὲ ἐπὶ τη̃ς ἀρχη̃ς κατασταθήσεσθαι

^13:4 ὁ δὲ βασιλεὺς τω̃ν βασιλέων ἐξήγειρεν τὸν θυμὸν του̃ 'Αντιόχου ἐπὶ τὸν ἀλιτήριον καὶ Λυσίου ὑποδείξαντος του̃τον αἴτιον εἰ̃ναι πάντων τω̃ν κακω̃ν προσέταξεν ὡς ἔθος ἐστὶν ἐν τω̨̃ τόπω̨ προσαπολέσαι ἀγαγόντας εἰς Βέροιαν

^13:5 ἔστιν δὲ ἐν τω̨̃ τόπω̨ πύργος πεντήκοντα πήχεων πλήρης σποδου̃ οὑ̃τος δὲ ὄργανον εἰ̃χεν περιφερὲς πάντοθεν ἀπόκρημνον εἰς τὴν σποδόν

^13:6 ἐνταυ̃θα τὸν ἱεροσυλίας ἔνοχον ἢ καί τινων ἄλλων κακω̃ν ὑπεροχὴν πεποιημένον ἅπαντες προσωθου̃σιν εἰς ὄλεθρον

^13:7 τοιούτω̨ μόρω̨ τὸν παράνομον συνέβη θανει̃ν μηδὲ τη̃ς γη̃ς τυχόντα Μενέλαον

^13:8 πάνυ δικαίως ἐπεὶ γὰρ συνετελέσατο πολλὰ περὶ τὸν βωμὸν ἁμαρτήματα οὑ̃ τὸ πυ̃ρ ἁγνὸν ἠ̃ν καὶ ἡ σποδός ἐν σποδω̨̃ τὸν θάνατον ἐκομίσατο

^13:9 τοι̃ς δὲ φρονήμασιν ὁ βασιλεὺς βεβαρβαρωμένος ἤρχετο τὰ χείριστα τω̃ν ἐπὶ του̃ πατρὸς αὐτου̃ γεγονότων ἐνδειξόμενος τοι̃ς Ιουδαίοις

^13:10 μεταλαβὼν δὲ Ιουδας ταυ̃τα παρήγγειλεν τω̨̃ πλήθει δι' ἡμέρας καὶ νυκτὸς ἐπικαλει̃σθαι τὸν κύριον εἴ ποτε καὶ ἄλλοτε καὶ νυ̃ν ἐπιβοηθει̃ν τοι̃ς του̃ νόμου καὶ πατρίδος καὶ ἱερου̃ ἁγίου στερει̃σθαι μέλλουσιν

^13:11 καὶ τὸν ἄρτι βραχέως ἀνεψυχότα λαὸν μὴ ἐα̃σαι τοι̃ς δυσφήμοις ἔθνεσιν ὑποχειρίους γενέσθαι

^13:12 πάντων δὲ τὸ αὐτὸ ποιησάντων ὁμου̃ καὶ καταξιωσάντων τὸν ἐλεήμονα κύριον μετὰ κλαυθμου̃ καὶ νηστειω̃ν καὶ προπτώσεως ἐπὶ ἡμέρας τρει̃ς ἀδιαλείπτως παρακαλέσας αὐτοὺς ὁ Ιουδας ἐκέλευσεν παραγίνεσθαι

^13:13 καθ' ἑαυτὸν δὲ σὺν τοι̃ς πρεσβυτέροις γενόμενος ἐβουλεύσατο πρὶν εἰσβαλει̃ν του̃ βασιλέως τὸ στράτευμα εἰς τὴν Ιουδαίαν καὶ γενέσθαι τη̃ς πόλεως ἐγκρατει̃ς ἐξελθόντας κρι̃ναι τὰ πράγματα τη̨̃ του̃ θεου̃ βοηθεία̨

^13:14 δοὺς δὲ τὴν ἐπιτροπὴν τω̨̃ κτίστη̨ του̃ κόσμου παρακαλέσας τοὺς σὺν αὐτω̨̃ γενναίως ἀγωνίσασθαι μέχρι θανάτου περὶ νόμων ἱερου̃ πόλεως πατρίδος πολιτείας περὶ δὲ Μωδεϊν ἐποιήσατο τὴν στρατοπεδείαν

^13:15 ἀναδοὺς δὲ τοι̃ς περὶ αὐτὸν σύνθημα θεου̃ νίκην μετὰ νεανίσκων ἀρίστων κεκριμένων ἐπιβαλὼν νύκτωρ ἐπὶ τὴν βασιλικὴν αὐλὴν τὴν παρεμβολὴν ἀνει̃λεν εἰς ἄνδρας δισχιλίους καὶ τὸν πρωτεύοντα τω̃ν ἐλεφάντων σὺν τω̨̃ κατ' οἰκίαν ὄντι συνεκέντησεν

^13:16 καὶ τὸ τέλος τὴν παρεμβολὴν δέους καὶ ταραχη̃ς ἐπλήρωσαν καὶ ἐξέλυσαν εὐημερου̃ντες

^13:17 ὑποφαινούσης δὲ ἤδη τη̃ς ἡμέρας του̃το ἐγεγόνει διὰ τὴν ἐπαρήγουσαν αὐτω̨̃ του̃ κυρίου σκέπην

^13:18 ὁ δὲ βασιλεὺς εἰληφὼς γευ̃μα τη̃ς τω̃ν Ιουδαίων εὐτολμίας κατεπείρασεν διὰ μεθόδων τοὺς τόπους

^13:19 καὶ ἐπὶ Βαιθσουρα φρούριον ὀχυρὸν τω̃ν Ιουδαίων προση̃γεν ἐτροπου̃το προσέκρουεν ἠλαττονου̃το

^13:20 τοι̃ς δὲ ἔνδον Ιουδας τὰ δέοντα εἰσέπεμψεν

^13:21 προσήγγειλεν δὲ τὰ μυστήρια τοι̃ς πολεμίοις Ροδοκος ἐκ τη̃ς Ιουδαϊκη̃ς τάξεως ἀνεζητήθη καὶ κατελήμφθη καὶ κατεκλείσθη

^13:22 ἐδευτερολόγησεν ὁ βασιλεὺς τοι̃ς ἐν Βαιθσουροις δεξιὰν ἔδωκεν ἔλαβεν ἀπή̨ει προσέβαλεν τοι̃ς περὶ τὸν Ιουδαν ἥττων ἐγένετο

^13:23 μετέλαβεν ἀπονενοη̃σθαι τὸν Φίλιππον ἐν 'Αντιοχεία̨ τὸν ἀπολελειμμένον ἐπὶ τω̃ν πραγμάτων συνεχύθη τοὺς Ιουδαίους παρεκάλεσεν ὑπετάγη καὶ ὤμοσεν ἐπὶ πα̃σι τοι̃ς δικαίοις συνελύθη καὶ θυσίαν προσήγαγεν ἐτίμησεν τὸν νεὼ καὶ τὸν τόπον ἐφιλανθρώπησεν

^13:24 καὶ τὸν Μακκαβαι̃ον ἀπεδέξατο κατέλιπεν στρατηγὸν ἀπὸ Πτολεμαίδος ἕως τω̃ν Γερρηνω̃ν ἡγεμονίδην

^13:25 ἠ̃λθεν εἰς Πτολεμαίδα ἐδυσφόρουν περὶ τω̃ν συνθηκω̃ν οἱ Πτολεμαει̃ς ἐδείναζον γὰρ ὑπὲρ ὡ̃ν ἠθέλησαν ἀθετει̃ν τὰς διαστάλσεις

^13:26 προση̃λθεν ἐπὶ τὸ βη̃μα Λυσίας ἀπελογήσατο ἐνδεχομένως συνέπεισεν κατεπράυνεν εὐμενει̃ς ἐποίησεν ἀνέζευξεν εἰς 'Αντιόχειαν οὕτω τὰ του̃ βασιλέως τη̃ς ἐφόδου καὶ τη̃ς ἀναζυγη̃ς ἐχώρησεν

^14:1 μετὰ δὲ τριετη̃ χρόνον προσέπεσεν τοι̃ς περὶ τὸν Ιουδαν Δημήτριον τὸν του̃ Σελεύκου διὰ του̃ κατὰ Τρίπολιν λιμένος εἰσπλεύσαντα μετὰ πλήθους ἰσχυρου̃ καὶ στόλου

^14:2 κεκρατηκέναι τη̃ς χώρας ἐπανελόμενον 'Αντίοχον καὶ τὸν τούτου ἐπίτροπον Λυσίαν

^14:3 'Άλκιμος δέ τις προγεγονὼς ἀρχιερεύς ἑκουσίως δὲ μεμολυσμένος ἐν τοι̃ς τη̃ς ἀμειξίας χρόνοις συννοήσας ὅτι καθ' ὁντιναου̃ν τρόπον οὐκ ἔστιν αὐτω̨̃ σωτηρία οὐδὲ πρὸς τὸ ἅγιον θυσιαστήριον ἔτι πρόσοδος

^14:4 ἡ̃κεν πρὸς τὸν βασιλέα Δημήτριον ὡς πρώτω̨ καὶ πεντηκοστω̨̃ καὶ ἑκατοστω̨̃ ἔτει προσάγων αὐτω̨̃ στέφανον χρυσου̃ν καὶ φοίνικα πρὸς δὲ τούτοις τω̃ν νομιζομένων θαλλω̃ν του̃ ἱερου̃ καὶ τὴν ἡμέραν ἐκείνην ἡσυχίαν ἔσχεν

^14:5 καιρὸν δὲ λαβὼν τη̃ς ἰδίας ἀνοίας συνεργὸν προσκληθεὶς εἰς συνέδριον ὑπὸ του̃ Δημητρίου καὶ ἐπερωτηθείς ἐν τίνι διαθέσει καὶ βουλη̨̃ καθέστηκαν οἱ Ιουδαι̃οι πρὸς ταυ̃τα ἔφη

^14:6 οἱ λεγόμενοι τω̃ν Ιουδαίων Ασιδαι̃οι ὡ̃ν ἀφηγει̃ται Ιουδας ὁ Μακκαβαι̃ος πολεμοτροφου̃σιν καὶ στασιάζουσιν οὐκ ἐω̃ντες τὴν βασιλείαν εὐσταθείας τυχει̃ν

^14:7 ὅθεν ἀφελόμενος τὴν προγονικὴν δόξαν λέγω δὴ τὴν ἀρχιερωσύνην δευ̃ρο νυ̃ν ἐλήλυθα

^14:8 πρω̃τον μὲν ὑπὲρ τω̃ν ἀνηκόντων τω̨̃ βασιλει̃ γνησίως φρονω̃ν δεύτερον δὲ καὶ τω̃ν ἰδίων πολιτω̃ν στοχαζόμενος τη̨̃ μὲν γὰρ τω̃ν προειρημένων ἀλογιστία̨ τὸ σύμπαν ἡμω̃ν γένος οὐ μικρω̃ς ἀκληρει̃

^14:9 ἕκαστα δὲ τούτων ἐπεγνωκὼς σύ βασιλευ̃ καὶ τη̃ς χώρας καὶ του̃ περιισταμένου γένους ἡμω̃ν προνοήθητι καθ' ἣν ἔχεις πρὸς ἅπαντας εὐαπάντητον φιλανθρωπίαν

^14:10 ἄχρι γὰρ Ιουδας περίεστιν ἀδύνατον εἰρήνης τυχει̃ν τὰ πράγματα

^14:11 τοιούτων δὲ ῥηθέντων ὑπὸ τούτου θα̃ττον οἱ λοιποὶ φίλοι δυσμενω̃ς ἔχοντες τὰ πρὸς τὸν Ιουδαν προσεπύρωσαν τὸν Δημήτριον

^14:12 προχειρισάμενος δὲ εὐθέως Νικάνορα τὸν γενόμενον ἐλεφαντάρχην καὶ στρατηγὸν ἀναδείξας τη̃ς Ιουδαίας ἐξαπέστειλεν

^14:13 δοὺς ἐντολὰς αὐτὸν μὲν τὸν Ιουδαν ἐπανελέσθαι τοὺς δὲ σὺν αὐτω̨̃ σκορπίσαι καταστη̃σαι δὲ 'Άλκιμον ἀρχιερέα του̃ μεγίστου ἱερου̃

^14:14 οἱ δὲ ἐπὶ τη̃ς Ιουδαίας πεφυγαδευκότες τὸν Ιουδαν ἔθνη συνέμισγον ἀγεληδὸν τω̨̃ Νικάνορι τὰς τω̃ν Ιουδαίων ἀτυχίας καὶ συμφορὰς ἰδίας εὐημερίας δοκου̃ντες ἔσεσθαι

^14:15 ἀκούσαντες δὲ τὴν του̃ Νικάνορος ἔφοδον καὶ τὴν ἐπίθεσιν τω̃ν ἐθνω̃ν καταπασάμενοι γη̃ν ἐλιτάνευον τὸν ἄχρι αἰω̃νος συστήσαντα τὸν αὑτου̃ λαόν ἀεὶ δὲ μετ' ἐπιφανείας ἀντιλαμβανόμενον τη̃ς ἑαυτου̃ μερίδος

^14:16 προστάξαντος δὲ του̃ ἡγουμένου ἐκει̃θεν εὐθέως ἀναζεύξας συμμίσγει αὐτοι̃ς ἐπὶ κώμην Δεσσαου

^14:17 Σιμων δὲ ὁ ἀδελφὸς Ιουδου συμβεβληκὼς ἠ̃ν τω̨̃ Νικάνορι βραδέως δὲ διὰ τὴν αἰφνίδιον τω̃ν ἀντιπάλων ἀφασίαν ἐπταικώς

^14:18 ὅμως δὲ ἀκούων ὁ Νικάνωρ ἣν εἰ̃χον οἱ περὶ τὸν Ιουδαν ἀνδραγαθίαν καὶ ἐν τοι̃ς περὶ τη̃ς πατρίδος ἀγω̃σιν εὐψυχίαν ὑπευλαβει̃το τὴν κρίσιν δι' αἱμάτων ποιήσασθαι

^14:19 διόπερ ἔπεμψεν Ποσιδώνιον καὶ Θεόδοτον καὶ Ματταθιαν δου̃ναι καὶ λαβει̃ν δεξιάς

^14:20 πλείονος δὲ γενομένης περὶ τούτων ἐπισκέψεως καὶ του̃ ἡγουμένου τοι̃ς πλήθεσιν ἀνακοινωσαμένου καὶ φανείσης ὁμοψήφου γνώμης ἐπένευσαν ται̃ς συνθήκαις

^14:21 ἐτάξαντο δὲ ἡμέραν ἐν ἡ̨̃ κατ' ἰδίαν ἥξουσιν εἰς τὸ αὐτό καὶ προη̃λθεν παρ' ἑκάστου δίφραξ ἔθεσαν δίφρους

^14:22 διέταξεν Ιουδας ἐνόπλους ἑτοίμους ἐν τοι̃ς ἐπικαίροις τόποις μήποτε ἐκ τω̃ν πολεμίων αἰφνιδίως κακουργία γένηται τὴν ἁρμόζουσαν ἐποιήσαντο κοινολογίαν

^14:23 διέτριβεν ὁ Νικάνωρ ἐν Ιεροσολύμοις καὶ ἔπραττεν οὐθὲν ἄτοπον τοὺς δὲ συναχθέντας ἀγελαίους ὄχλους ἀπέλυσεν

^14:24 καὶ εἰ̃χεν τὸν Ιουδαν διὰ παντὸς ἐν προσώπω̨ ψυχικω̃ς τω̨̃ ἀνδρὶ προσεκέκλιτο

^14:25 παρεκάλεσεν αὐτὸν γη̃μαι καὶ παιδοποιήσασθαι ἐγάμησεν εὐστάθησεν ἐκοινώνησεν βίου

^14:26 ὁ δὲ 'Άλκιμος συνιδὼν τὴν πρὸς ἀλλήλους εὔνοιαν καὶ τὰς γενομένας συνθήκας λαβὼν ἡ̃κεν πρὸς τὸν Δημήτριον καὶ ἔλεγεν τὸν Νικάνορα ἀλλότρια φρονει̃ν τω̃ν πραγμάτων τὸν γὰρ ἐπίβουλον τη̃ς βασιλείας Ιουδαν αὐτου̃ διάδοχον ἀναδει̃ξαι

^14:27 ὁ δὲ βασιλεὺς ἔκθυμος γενόμενος καὶ ται̃ς του̃ παμπονήρου διαβολαι̃ς ἐρεθισθεὶς ἔγραψεν Νικάνορι φάσκων ὑπὲρ μὲν τω̃ν συνθηκω̃ν βαρέως φέρειν κελεύων δὲ τὸν Μακκαβαι̃ον δέσμιον ἐξαποστέλλειν εἰς 'Αντιόχειαν ταχέως

^14:28 προσπεσόντων δὲ τούτων τω̨̃ Νικάνορι συνεκέχυτο καὶ δυσφόρως ἔφερεν εἰ τὰ διεσταλμένα ἀθετήσει μηδὲν τἀνδρὸς ἠδικηκότος

^14:29 ἐπεὶ δὲ τω̨̃ βασιλει̃ ἀντιπράττειν οὐκ ἠ̃ν εὔκαιρον ἐτήρει στρατηγήματι του̃τ' ἐπιτελέσαι

^14:30 ὁ δὲ Μακκαβαι̃ος αὐστηρότερον διεξαγαγόντα συνιδὼν τὸν Νικάνορα τὰ πρὸς αὐτὸν καὶ τὴν εἰθισμένην ἀπάντησιν ἀγροικότερον ἐσχηκότα νοήσας οὐκ ἀπὸ του̃ βελτίστου τὴν αὐστηρίαν εἰ̃ναι συστρέψας οὐκ ὀλίγους τω̃ν περὶ αὐτὸν συνεκρύπτετο τὸν Νικάνορα

^14:31 συγγνοὺς δὲ ὁ ἕτερος ὅτι γενναίως ὑπὸ του̃ ἀνδρὸς ἐστρατήγηται παραγενόμενος ἐπὶ τὸ μέγιστον καὶ ἅγιον ἱερὸν τω̃ν ἱερέων τὰς καθηκούσας θυσίας προσαγόντων ἐκέλευσεν παραδιδόναι τὸν ἄνδρα

^14:32 τω̃ν δὲ μεθ' ὅρκων φασκόντων μὴ γινώσκειν που̃ ποτ' ἔστιν ὁ ζητούμενος

^14:33 προτείνας τὴν δεξιὰν ἐπὶ τὸν νεὼ ταυ̃τ' ὤμοσεν ἐὰν μὴ δέσμιόν μοι τὸν Ιουδαν παραδω̃τε τόνδε τὸν του̃ θεου̃ σηκὸν εἰς πεδίον ποιήσω καὶ τὸ θυσιαστήριον κατασκάψω καὶ ἱερὸν ἐνταυ̃θα τω̨̃ Διονύσω̨ ἐπιφανὲς ἀναστήσω

^14:34 τοσαυ̃τα δὲ εἰπὼν ἀπη̃λθεν οἱ δὲ ἱερει̃ς προτείναντες τὰς χει̃ρας εἰς τὸν οὐρανὸν ἐπεκαλου̃ντο τὸν διὰ παντὸς ὑπέρμαχον του̃ ἔθνους ἡμω̃ν ταυ̃τα λέγοντες

^14:35 σὺ κύριε τω̃ν ὅλων ἀπροσδεὴς ὑπάρχων ηὐδόκησας ναὸν τη̃ς ση̃ς σκηνώσεως ἐν ἡμι̃ν γενέσθαι

^14:36 καὶ νυ̃ν ἅγιε παντὸς ἁγιασμου̃ κύριε διατήρησον εἰς αἰω̃να ἀμίαντον τόνδε τὸν προσφάτως κεκαθαρισμένον οἰ̃κον

^14:37 Ραζις δέ τις τω̃ν ἀπὸ Ιεροσολύμων πρεσβυτέρων ἐμηνύθη τω̨̃ Νικάνορι ἀνὴρ φιλοπολίτης καὶ σφόδρα καλω̃ς ἀκούων καὶ κατὰ τὴν εὔνοιαν πατὴρ τω̃ν Ιουδαίων προσαγορευόμενος

^14:38 ἠ̃ν γὰρ ἐν τοι̃ς ἔμπροσθεν χρόνοις τη̃ς ἀμειξίας κρίσιν εἰσενηνεγμένος Ιουδαϊσμου̃ καὶ σω̃μα καὶ ψυχὴν ὑπὲρ του̃ Ιουδαϊσμου̃ παραβεβλημένος μετὰ πάσης ἐκτενίας

^14:39 βουλόμενος δὲ Νικάνωρ πρόδηλον ποιη̃σαι ἣν εἰ̃χεν πρὸς τοὺς Ιουδαίους δυσμένειαν ἀπέστειλεν στρατιώτας ὑπὲρ τοὺς πεντακοσίους συλλαβει̃ν αὐτόν

^14:40 ἔδοξεν γὰρ ἐκει̃νον συλλαβὼν τούτοις ἐνεργάσασθαι συμφοράν

^14:41 τω̃ν δὲ πληθω̃ν μελλόντων τὸν πύργον καταλαβέσθαι καὶ τὴν αὐλαίαν θύραν βιαζομένων καὶ κελευόντων πυ̃ρ προσάγειν καὶ τὰς θύρας ὑφάπτειν περικατάλημπτος γενόμενος ὑπέθηκεν ἑαυτω̨̃ τὸ ξίφος

^14:42 εὐγενω̃ς θέλων ἀποθανει̃ν ἤπερ τοι̃ς ἀλιτηρίοις ὑποχείριος γενέσθαι καὶ τη̃ς ἰδίας εὐγενείας ἀναξίως ὑβρισθη̃ναι

^14:43 τη̨̃ δὲ πληγη̨̃ μὴ κατευθικτήσας διὰ τὴν του̃ ἀγω̃νος σπουδὴν καὶ τω̃ν ὄχλων ἔσω τω̃ν θυρωμάτων εἰσβαλλόντων ἀναδραμὼν γενναίως ἐπὶ τὸ τει̃χος κατεκρήμνισεν ἑαυτὸν ἀνδρωδω̃ς εἰς τοὺς ὄχλους

^14:44 τω̃ν δὲ ταχέως ἀναποδισάντων γενομένου διαστήματος ἠ̃λθεν κατὰ μέσον τὸν κενεω̃να

^14:45 ἔτι δὲ ἔμπνους ὑπάρχων καὶ πεπυρωμένος τοι̃ς θυμοι̃ς ἐξαναστὰς φερομένων κρουνηδὸν τω̃ν αἱμάτων καὶ δυσχερω̃ν τω̃ν τραυμάτων ὄντων δρόμω̨ τοὺς ὄχλους διελθὼν καὶ στὰς ἐπί τινος πέτρας ἀπορρω̃γος

^14:46 παντελω̃ς ἔξαιμος ἤδη γινόμενος προβαλὼν τὰ ἔντερα καὶ λαβὼν ἑκατέραις ται̃ς χερσὶν ἐνέσεισε τοι̃ς ὄχλοις καὶ ἐπικαλεσάμενος τὸν δεσπόζοντα τη̃ς ζωη̃ς καὶ του̃ πνεύματος ταυ̃τα αὐτω̨̃ πάλιν ἀποδου̃ναι τόνδε τὸν τρόπον μετήλλαξεν

^15:1 ὁ δὲ Νικάνωρ μεταλαβὼν τοὺς περὶ τὸν Ιουδαν ὄντας ἐν τοι̃ς κατὰ Σαμάρειαν τόποις ἐβουλεύσατο τη̨̃ τη̃ς καταπαύσεως ἡμέρα̨ μετὰ πάσης ἀσφαλείας αὐτοι̃ς ἐπιβαλει̃ν

^15:2 τω̃ν δὲ κατὰ ἀνάγκην συνεπομένων αὐτω̨̃ Ιουδαίων λεγόντων μηδαμω̃ς οὕτως ἀγρίως καὶ βαρβάρως ἀπολέση̨ς δόξαν δὲ ἀπομέρισον τη̨̃ προτετιμημένη̨ ὑπὸ του̃ πάντα ἐφορω̃ντος μεθ' ἁγιότητος ἡμέρα̨

^15:3 ὁ δὲ τρισαλιτήριος ἐπηρώτησεν εἰ ἔστιν ἐν οὐρανω̨̃ δυνάστης ὁ προστεταχὼς ἄγειν τὴν τω̃ν σαββάτων ἡμέραν

^15:4 τω̃ν δ' ἀποφηναμένων ἔστιν ὁ κύριος ζω̃ν αὐτὸς ἐν οὐρανω̨̃ δυνάστης ὁ κελεύσας ἀσκει̃ν τὴν ἑβδομάδα

^15:5 ὁ δὲ ἕτερος κἀγώ φησιν δυνάστης ἐπὶ τη̃ς γη̃ς ὁ προστάσσων αἴρειν ὅπλα καὶ τὰς βασιλικὰς χρείας ἐπιτελει̃ν ὅμως οὐ κατέσχεν ἐπιτελέσαι τὸ σχέτλιον αὐτου̃ βούλημα

^15:6 καὶ ὁ μὲν Νικάνωρ μετὰ πάσης ἀλαζονείας ὑψαυχενω̃ν διεγνώκει κοινὸν τω̃ν περὶ τὸν Ιουδαν συστήσασθαι τρόπαιον

^15:7 ὁ δὲ Μακκαβαι̃ος ἠ̃ν ἀδιαλείπτως πεποιθὼς μετὰ πάσης ἐλπίδος ἀντιλήμψεως τεύξασθαι παρὰ του̃ κυρίου

^15:8 καὶ παρεκάλει τοὺς σὺν αὐτω̨̃ μὴ δειλια̃ν τὴν τω̃ν ἐθνω̃ν ἔφοδον ἔχοντας δὲ κατὰ νου̃ν τὰ προγεγονότα αὐτοι̃ς ἀπ' οὐρανου̃ βοηθήματα καὶ τὰ νυ̃ν προσδοκα̃ν τὴν παρὰ του̃ παντοκράτορος ἐσομένην αὐτοι̃ς νίκην

^15:9 καὶ παραμυθούμενος αὐτοὺς ἐκ του̃ νόμου καὶ τω̃ν προφητω̃ν προσυπομνήσας δὲ αὐτοὺς καὶ τοὺς ἀγω̃νας οὓς ἠ̃σαν ἐκτετελεκότες προθυμοτέρους αὐτοὺς κατέστησεν

^15:10 καὶ τοι̃ς θυμοι̃ς διεγείρας αὐτοὺς παρήγγειλεν ἅμα παρεπιδεικνὺς τὴν τω̃ν ἐθνω̃ν ἀθεσίαν καὶ τὴν τω̃ν ὅρκων παράβασιν

^15:11 ἕκαστον δὲ αὐτω̃ν καθοπλίσας οὐ τὴν ἀσπίδων καὶ λογχω̃ν ἀσφάλειαν ὡς τὴν ἐν τοι̃ς ἀγαθοι̃ς λόγοις παράκλησιν καὶ προσεξηγησάμενος ὄνειρον ἀξιόπιστον ὕπαρ τι πάντας ηὔφρανεν

^15:12 ἠ̃ν δὲ ἡ τούτου θεωρία τοιάδε Ονιαν τὸν γενόμενον ἀρχιερέα ἄνδρα καλὸν καὶ ἀγαθόν αἰδήμονα μὲν τὴν ἀπάντησιν πρα̃ον δὲ τὸν τρόπον καὶ λαλιὰν προϊέμενον πρεπόντως καὶ ἐκ παιδὸς ἐκμεμελετηκότα πάντα τὰ τη̃ς ἀρετη̃ς οἰκει̃α του̃τον τὰς χει̃ρας προτείναντα κατεύχεσθαι τω̨̃ παντὶ τω̃ν Ιουδαίων συστήματι

^15:13 εἰ̃θ' οὕτως ἐπιφανη̃ναι ἄνδρα πολια̨̃ καὶ δόξη̨ διαφέροντα θαυμαστὴν δέ τινα καὶ μεγαλοπρεπεστάτην εἰ̃ναι τὴν περὶ αὐτὸν ὑπεροχήν

^15:14 ἀποκριθέντα δὲ τὸν Ονιαν εἰπει̃ν ὁ φιλάδελφος οὑ̃τός ἐστιν ὁ πολλὰ προσευχόμενος περὶ του̃ λαου̃ καὶ τη̃ς ἁγίας πόλεως Ιερεμιας ὁ του̃ θεου̃ προφήτης

^15:15 προτείναντα δὲ Ιερεμιαν τὴν δεξιὰν παραδου̃ναι τω̨̃ Ιουδα ῥομφαίαν χρυση̃ν διδόντα δὲ προσφωνη̃σαι τάδε

^15:16 λαβὲ τὴν ἁγίαν ῥομφαίαν δω̃ρον παρὰ του̃ θεου̃ δι' ἡ̃ς θραύσεις τοὺς ὑπεναντίους

^15:17 παρακληθέντες δὲ τοι̃ς Ιουδου λόγοις πάνυ καλοι̃ς καὶ δυναμένοις ἐπ' ἀρετὴν παρορμη̃σαι καὶ ψυχὰς νέων ἐπανδρω̃σαι διέγνωσαν μὴ στρατεύεσθαι γενναίως δὲ ἐμφέρεσθαι καὶ μετὰ πάσης εὐανδρίας ἐμπλακέντες κρι̃ναι τὰ πράγματα διὰ τὸ καὶ τὴν πόλιν καὶ τὰ ἅγια καὶ τὸ ἱερὸν κινδυνεύειν

^15:18 ἠ̃ν γὰρ ὁ περὶ γυναικω̃ν καὶ τέκνων ἔτι δὲ ἀδελφω̃ν καὶ συγγενω̃ν ἐν ἥττονι μέρει κείμενος αὐτοι̃ς μέγιστος δὲ καὶ πρω̃τος ὁ περὶ του̃ καθηγιασμένου ναου̃ φόβος

^15:19 ἠ̃ν δὲ καὶ τοι̃ς ἐν τη̨̃ πόλει κατειλημμένοις οὐ πάρεργος ἀγωνία ταρασσομένοις τη̃ς ἐν ὑπαίθρω̨ προσβολη̃ς

^15:20 καὶ πάντων ἤδη προσδοκώντων τὴν ἐσομένην κρίσιν καὶ ἤδη προσμειξάντων τω̃ν πολεμίων καὶ τη̃ς στρατια̃ς ἐκταγείσης καὶ τω̃ν θηρίων ἐπὶ μέρος εὔκαιρον ἀποκατασταθέντων τη̃ς τε ἵππου κατὰ κέρας τεταγμένης

^15:21 συνιδὼν ὁ Μακκαβαι̃ος τὴν τω̃ν πληθω̃ν παρουσίαν καὶ τω̃ν ὅπλων τὴν ποικίλην παρασκευὴν τήν τε τω̃ν θηρίων ἀγριότητα ἀνατείνας τὰς χει̃ρας εἰς τὸν οὐρανὸν ἐπεκαλέσατο τὸν τερατοποιὸν κύριον γινώσκων ὅτι οὐκ ἔστιν δι' ὅπλων καθὼς δὲ ἐὰν αὐτω̨̃ κριθη̨̃ τοι̃ς ἀξίοις περιποιει̃ται τὴν νίκην

^15:22 ἔλεγεν δὲ ἐπικαλούμενος τόνδε τὸν τρόπον σύ δέσποτα ἀπέστειλας τὸν ἄγγελόν σου ἐπὶ Εζεκιου του̃ βασιλέως τη̃ς Ιουδαίας καὶ ἀνει̃λεν ἐκ τη̃ς παρεμβολη̃ς Σενναχηριμ εἰς ἑκατὸν ὀγδοήκοντα πέντε χιλιάδας

^15:23 καὶ νυ̃ν δυνάστα τω̃ν οὐρανω̃ν ἀπόστειλον ἄγγελον ἀγαθὸν ἔμπροσθεν ἡμω̃ν εἰς δέος καὶ τρόμον

^15:24 μεγέθει βραχίονός σου καταπλαγείησαν οἱ μετὰ βλασφημίας παραγινόμενοι ἐπὶ τὸν ἅγιόν σου λαόν καὶ οὑ̃τος μὲν ἐν τούτοις ἔληξεν

^15:25 οἱ δὲ περὶ τὸν Νικάνορα μετὰ σαλπίγγων καὶ παιάνων προση̃γον

^15:26 οἱ δὲ περὶ τὸν Ιουδαν μετὰ ἐπικλήσεως καὶ εὐχω̃ν συνέμειξαν τοι̃ς πολεμίοις

^15:27 καὶ ται̃ς μὲν χερσὶν ἀγωνιζόμενοι ται̃ς δὲ καρδίαις πρὸς τὸν θεὸν εὐχόμενοι κατέστρωσαν οὐδὲν ἡ̃ττον μυριάδων τριω̃ν καὶ πεντακισχιλίων τη̨̃ του̃ θεου̃ μεγάλως εὐφρανθέντες ἐπιφανεία̨

^15:28 γενόμενοι δὲ ἀπὸ τη̃ς χρείας καὶ μετὰ χαρα̃ς ἀναλύοντες ἐπέγνωσαν προπεπτωκότα Νικάνορα σὺν τη̨̃ πανοπλία̨

^15:29 γενομένης δὲ κραυγη̃ς καὶ ταραχη̃ς εὐλόγουν τὸν δυνάστην τη̨̃ πατρίω̨ φωνη̨̃

^15:30 καὶ προσέταξεν ὁ καθ' ἅπαν σώματι καὶ ψυχη̨̃ πρωταγωνιστὴς ὑπὲρ τω̃ν πολιτω̃ν ὁ τὴν τη̃ς ἡλικίας εὔνοιαν εἰς ὁμοεθνει̃ς διαφυλάξας τὴν του̃ Νικάνορος κεφαλὴν ἀποτεμόντας καὶ τὴν χει̃ρα σὺν τω̨̃ ὤμω̨ φέρειν εἰς Ιεροσόλυμα

^15:31 παραγενόμενος δὲ ἐκει̃ καὶ συγκαλέσας τοὺς ὁμοεθνει̃ς καὶ τοὺς ἱερει̃ς πρὸ του̃ θυσιαστηρίου στήσας μετεπέμψατο τοὺς ἐκ τη̃ς ἄκρας

^15:32 καὶ ἐπιδειξάμενος τὴν του̃ μιαρου̃ Νικάνορος κεφαλὴν καὶ τὴν χει̃ρα του̃ δυσφήμου ἣν ἐκτείνας ἐπὶ τὸν ἅγιον του̃ παντοκράτορος οἰ̃κον ἐμεγαλαύχησεν

^15:33 καὶ τὴν γλω̃σσαν του̃ δυσσεβου̃ς Νικάνορος ἐκτεμὼν ἔφη κατὰ μέρος δώσειν τοι̃ς ὀρνέοις τὰ δ' ἐπίχειρα τη̃ς ἀνοίας κατέναντι του̃ ναου̃ κρεμάσαι

^15:34 οἱ δὲ πάντες εἰς τὸν οὐρανὸν εὐλόγησαν τὸν ἐπιφανη̃ κύριον λέγοντες εὐλογητὸς ὁ διατηρήσας τὸν ἑαυτου̃ τόπον ἀμίαντον

^15:35 ἐξέδησεν δὲ τὴν του̃ Νικάνορος προτομὴν ἐκ τη̃ς ἄκρας ἐπίδηλον πα̃σιν καὶ φανερὸν τη̃ς του̃ κυρίου βοηθείας σημει̃ον

^15:36 ἐδογμάτισαν δὲ πάντες μετὰ κοινου̃ ψηφίσματος μηδαμω̃ς ἐα̃σαι ἀπαρασήμαντον τήνδε τὴν ἡμέραν ἔχειν δὲ ἐπίσημον τὴν τρισκαιδεκάτην του̃ δωδεκάτου μηνὸς Αδαρ λέγεται τη̨̃ Συριακη̨̃ φωνη̨̃ πρὸ μια̃ς ἡμέρας τη̃ς Μαρδοχαϊκη̃ς ἡμέρας

^15:37 τω̃ν οὐ̃ν κατὰ Νικάνορα χωρησάντων οὕτως καὶ ἀπ' ἐκείνων τω̃ν καιρω̃ν κρατηθείσης τη̃ς πόλεως ὑπὸ τω̃ν Εβραίων καὶ αὐτὸς αὐτόθι τὸν λόγον καταπαύσω

^15:38 καὶ εἰ μὲν καλω̃ς εὐθίκτως τη̨̃ συντάξει του̃το καὶ αὐτὸς ἤθελον εἰ δὲ εὐτελω̃ς καὶ μετρίως του̃το ἐφικτὸν ἠ̃ν μοι

^15:39 καθάπερ γὰρ οἰ̃νον κατὰ μόνας πίνειν ὡσαύτως δὲ καὶ ὕδωρ πάλιν πολέμιον ὃν δὲ τρόπον οἰ̃νος ὕδατι συγκερασθεὶς ἡδὺς καὶ ἐπιτερπη̃ τὴν χάριν ἀποτελει̃ οὕτως καὶ τὸ τη̃ς κατασκευη̃ς του̃ λόγου τέρπει τὰς ἀκοὰς τω̃ν ἐντυγχανόντων τη̨̃ συντάξει ἐνταυ̃θα δὲ ἔσται ἡ τελευτή

Книго

[X]