LXX: Ruth

Ροὺθ

^1:1 καὶ ἐγένετο ἐν τω̨̃ κρίνειν τοὺς κριτὰς καὶ ἐγένετο λιμὸς ἐν τη̨̃ γη̨̃ καὶ ἐπορεύθη ἀνὴρ ἀπὸ Βαιθλεεμ τη̃ς Ιουδα του̃ παροικη̃σαι ἐν ἀγρω̨̃ Μωαβ αὐτὸς καὶ ἡ γυνὴ αὐτου̃ καὶ οἱ υἱοὶ αὐτου̃

^1:2 καὶ ὄνομα τω̨̃ ἀνδρὶ Αβιμελεχ καὶ ὄνομα τη̨̃ γυναικὶ αὐτου̃ Νωεμιν καὶ ὄνομα τοι̃ς δυσὶν υἱοι̃ς αὐτου̃ Μααλων καὶ Χελαιων Εφραθαι̃οι ἐκ Βαιθλεεμ τη̃ς Ιουδα καὶ ἤλθοσαν εἰς ἀγρὸν Μωαβ καὶ ἠ̃σαν ἐκει̃

^1:3 καὶ ἀπέθανεν Αβιμελεχ ὁ ἀνὴρ τη̃ς Νωεμιν καὶ κατελείφθη αὐτὴ καὶ οἱ δύο υἱοὶ αὐτη̃ς

^1:4 καὶ ἐλάβοσαν ἑαυτοι̃ς γυναι̃κας Μωαβίτιδας ὄνομα τη̨̃ μια̨̃ Ορφα καὶ ὄνομα τη̨̃ δευτέρα̨ Ρουθ καὶ κατώ̨κησαν ἐκει̃ ὡς δέκα ἔτη

^1:5 καὶ ἀπέθανον καί γε ἀμφότεροι Μααλων καὶ Χελαιων καὶ κατελείφθη ἡ γυνὴ ἀπὸ του̃ ἀνδρὸς αὐτη̃ς καὶ ἀπὸ τω̃ν δύο υἱω̃ν αὐτη̃ς

^1:6 καὶ ἀνέστη αὐτὴ καὶ αἱ δύο νύμφαι αὐτη̃ς καὶ ἀπέστρεψαν ἐξ ἀγρου̃ Μωαβ ὅτι ἤκουσαν ἐν ἀγρω̨̃ Μωαβ ὅτι ἐπέσκεπται κύριος τὸν λαὸν αὐτου̃ δου̃ναι αὐτοι̃ς ἄρτους

^1:7 καὶ ἐξη̃λθεν ἐκ του̃ τόπου οὑ̃ ἠ̃ν ἐκει̃ καὶ αἱ δύο νύμφαι αὐτη̃ς μετ' αὐτη̃ς καὶ ἐπορεύοντο ἐν τη̨̃ ὁδω̨̃ του̃ ἐπιστρέψαι εἰς τὴν γη̃ν Ιουδα

^1:8 καὶ εἰ̃πεν Νωεμιν ται̃ς νύμφαις αὐτη̃ς πορεύεσθε δὴ ἀποστράφητε ἑκάστη εἰς οἰ̃κον μητρὸς αὐτη̃ς ποιήσαι κύριος μεθ' ὑμω̃ν ἔλεος καθὼς ἐποιήσατε μετὰ τω̃ν τεθνηκότων καὶ μετ' ἐμου̃

^1:9 δώ̨η κύριος ὑμι̃ν καὶ εὕροιτε ἀνάπαυσιν ἑκάστη ἐν οἴκω̨ ἀνδρὸς αὐτη̃ς καὶ κατεφίλησεν αὐτάς καὶ ἐπη̃ραν τὴν φωνὴν αὐτω̃ν καὶ ἔκλαυσαν

^1:10 καὶ εἰ̃παν αὐτη̨̃ μετὰ σου̃ ἐπιστρέφομεν εἰς τὸν λαόν σου

^1:11 καὶ εἰ̃πεν Νωεμιν ἐπιστράφητε δή θυγατέρες μου καὶ ἵνα τί πορεύεσθε μετ' ἐμου̃ μὴ ἔτι μοι υἱοὶ ἐν τη̨̃ κοιλία̨ μου καὶ ἔσονται ὑμι̃ν εἰς ἄνδρας

^1:12 ἐπιστράφητε δή θυγατέρες μου διότι γεγήρακα του̃ μὴ εἰ̃ναι ἀνδρί ὅτι εἰ̃πα ὅτι ἔστιν μοι ὑπόστασις του̃ γενηθη̃ναί με ἀνδρὶ καὶ τέξομαι υἱούς

^1:13 μὴ αὐτοὺς προσδέξεσθε ἕως οὑ̃ ἁδρυνθω̃σιν ἢ αὐτοι̃ς κατασχεθήσεσθε του̃ μὴ γενέσθαι ἀνδρί μὴ δή θυγατέρες μου ὅτι ἐπικράνθη μοι ὑπὲρ ὑμα̃ς ὅτι ἐξη̃λθεν ἐν ἐμοὶ χεὶρ κυρίου

^1:14 καὶ ἐπη̃ραν τὴν φωνὴν αὐτω̃ν καὶ ἔκλαυσαν ἔτι καὶ κατεφίλησεν Ορφα τὴν πενθερὰν αὐτη̃ς καὶ ἐπέστρεψεν εἰς τὸν λαὸν αὐτη̃ς Ρουθ δὲ ἠκολούθησεν αὐτη̨̃

^1:15 καὶ εἰ̃πεν Νωεμιν πρὸς Ρουθ ἰδοὺ ἀνέστρεψεν ἡ σύννυμφός σου πρὸς λαὸν αὐτη̃ς καὶ πρὸς τοὺς θεοὺς αὐτη̃ς ἐπιστράφητι δὴ καὶ σὺ ὀπίσω τη̃ς συννύμφου σου

^1:16 εἰ̃πεν δὲ Ρουθ μὴ ἀπαντήσαι ἐμοὶ του̃ καταλιπει̃ν σε ἢ ἀποστρέψαι ὄπισθέν σου ὅτι σὺ ὅπου ἐὰν πορευθη̨̃ς πορεύσομαι καὶ οὑ̃ ἐὰν αὐλισθη̨̃ς αὐλισθήσομαι ὁ λαός σου λαός μου καὶ ὁ θεός σου θεός μου

^1:17 καὶ οὑ̃ ἐὰν ἀποθάνη̨ς ἀποθανου̃μαι κἀκει̃ ταφήσομαι τάδε ποιήσαι μοι κύριος καὶ τάδε προσθείη ὅτι θάνατος διαστελει̃ ἀνὰ μέσον ἐμου̃ καὶ σου̃

^1:18 ἰδου̃σα δὲ Νωεμιν ὅτι κραταιου̃ται αὐτὴ του̃ πορεύεσθαι μετ' αὐτη̃ς ἐκόπασεν του̃ λαλη̃σαι πρὸς αὐτὴν ἔτι

^1:19 ἐπορεύθησαν δὲ ἀμφότεραι ἕως του̃ παραγενέσθαι αὐτὰς εἰς Βαιθλεεμ καὶ ἤχησεν πα̃σα ἡ πόλις ἐπ' αὐται̃ς καὶ εἰ̃πον αὕτη ἐστὶν Νωεμιν

^1:20 καὶ εἰ̃πεν πρὸς αὐτάς μὴ δὴ καλει̃τέ με Νωεμιν καλέσατέ με Πικράν ὅτι ἐπικράνθη ἐν ἐμοὶ ὁ ἱκανὸς σφόδρα

^1:21 ἐγὼ πλήρης ἐπορεύθην καὶ κενὴν ἀπέστρεψέν με ὁ κύριος καὶ ἵνα τί καλει̃τέ με Νωεμιν καὶ κύριος ἐταπείνωσέν με καὶ ὁ ἱκανὸς ἐκάκωσέν με

^1:22 καὶ ἐπέστρεψεν Νωεμιν καὶ Ρουθ ἡ Μωαβι̃τις ἡ νύμφη αὐτη̃ς ἐπιστρέφουσα ἐξ ἀγρου̃ Μωαβ αὐταὶ δὲ παρεγενήθησαν εἰς Βαιθλεεμ ἐν ἀρχη̨̃ θερισμου̃ κριθω̃ν

^2:1 καὶ τη̨̃ Νωεμιν ἀνὴρ γνώριμος τω̨̃ ἀνδρὶ αὐτη̃ς ὁ δὲ ἀνὴρ δυνατὸς ἰσχύι ἐκ τη̃ς συγγενείας Αβιμελεχ καὶ ὄνομα αὐτω̨̃ Βοος

^2:2 καὶ εἰ̃πεν Ρουθ ἡ Μωαβι̃τις πρὸς Νωεμιν πορευθω̃ δὴ εἰς ἀγρὸν καὶ συνάξω ἐν τοι̃ς στάχυσιν κατόπισθεν οὑ̃ ἐὰν εὕρω χάριν ἐν ὀφθαλμοι̃ς αὐτου̃ εἰ̃πεν δὲ αὐτη̨̃ πορεύου θύγατερ

^2:3 καὶ ἐπορεύθη καὶ συνέλεξεν ἐν τω̨̃ ἀγρω̨̃ κατόπισθεν τω̃ν θεριζόντων καὶ περιέπεσεν περιπτώματι τη̨̃ μερίδι του̃ ἀγρου̃ Βοος του̃ ἐκ συγγενείας Αβιμελεχ

^2:4 καὶ ἰδοὺ Βοος ἠ̃λθεν ἐκ Βαιθλεεμ καὶ εἰ̃πεν τοι̃ς θερίζουσιν κύριος μεθ' ὑμω̃ν καὶ εἰ̃πον αὐτω̨̃ εὐλογήσαι σε κύριος

^2:5 καὶ εἰ̃πεν Βοος τω̨̃ παιδαρίω̨ αὐτου̃ τω̨̃ ἐφεστω̃τι ἐπὶ τοὺς θερίζοντας τίνος ἡ νεα̃νις αὕτη

^2:6 καὶ ἀπεκρίθη τὸ παιδάριον τὸ ἐφεστὸς ἐπὶ τοὺς θερίζοντας καὶ εἰ̃πεν ἡ παι̃ς ἡ Μωαβι̃τίς ἐστιν ἡ ἀποστραφει̃σα μετὰ Νωεμιν ἐξ ἀγρου̃ Μωαβ

^2:7 καὶ εἰ̃πεν συλλέξω δὴ καὶ συνάξω ἐν τοι̃ς δράγμασιν ὄπισθεν τω̃ν θεριζόντων καὶ ἠ̃λθεν καὶ ἔστη ἀπὸ πρωίθεν καὶ ἕως ἑσπέρας οὐ κατέπαυσεν ἐν τω̨̃ ἀγρω̨̃ μικρόν

^2:8 καὶ εἰ̃πεν Βοος πρὸς Ρουθ οὐκ ἤκουσας θύγατερ μὴ πορευθη̨̃ς ἐν ἀγρω̨̃ συλλέξαι ἑτέρω̨ καὶ σὺ οὐ πορεύση̨ ἐντευ̃θεν ὡ̃δε κολλήθητι μετὰ τω̃ν κορασίων μου

^2:9 οἱ ὀφθαλμοί σου εἰς τὸν ἀγρόν οὑ̃ ἐὰν θερίζωσιν καὶ πορεύση̨ κατόπισθεν αὐτω̃ν ἰδοὺ ἐνετειλάμην τοι̃ς παιδαρίοις του̃ μὴ ἅψασθαί σου καὶ ὅ τι διψήσεις καὶ πορευθήση̨ εἰς τὰ σκεύη καὶ πίεσαι ὅθεν ἂν ὑδρεύωνται τὰ παιδάρια

^2:10 καὶ ἔπεσεν ἐπὶ πρόσωπον αὐτη̃ς καὶ προσεκύνησεν ἐπὶ τὴν γη̃ν καὶ εἰ̃πεν πρὸς αὐτόν τί ὅτι εὑ̃ρον χάριν ἐν ὀφθαλμοι̃ς σου του̃ ἐπιγνω̃ναί με καὶ ἐγώ εἰμι ξένη

^2:11 καὶ ἀπεκρίθη Βοος καὶ εἰ̃πεν αὐτη̨̃ ἀπαγγελία̨ ἀπηγγέλη μοι ὅσα πεποίηκας μετὰ τη̃ς πενθερα̃ς σου μετὰ τὸ ἀποθανει̃ν τὸν ἄνδρα σου καὶ πω̃ς κατέλιπες τὸν πατέρα σου καὶ τὴν μητέρα σου καὶ τὴν γη̃ν γενέσεώς σου καὶ ἐπορεύθης πρὸς λαὸν ὃν οὐκ ἤ̨δεις ἐχθὲς καὶ τρίτης

^2:12 ἀποτείσαι κύριος τὴν ἐργασίαν σου καὶ γένοιτο ὁ μισθός σου πλήρης παρὰ κυρίου θεου̃ Ισραηλ πρὸς ὃν ἠ̃λθες πεποιθέναι ὑπὸ τὰς πτέρυγας αὐτου̃

^2:13 ἡ δὲ εἰ̃πεν εὕροιμι χάριν ἐν ὀφθαλμοι̃ς σου κύριε ὅτι παρεκάλεσάς με καὶ ὅτι ἐλάλησας ἐπὶ καρδίαν τη̃ς δούλης σου καὶ ἰδοὺ ἐγὼ ἔσομαι ὡς μία τω̃ν παιδισκω̃ν σου

^2:14 καὶ εἰ̃πεν αὐτη̨̃ Βοος ἤδη ὥρα̨ του̃ φαγει̃ν πρόσελθε ὡ̃δε καὶ φάγεσαι τω̃ν ἄρτων καὶ βάψεις τὸν ψωμόν σου ἐν τω̨̃ ὄξει καὶ ἐκάθισεν Ρουθ ἐκ πλαγίων τω̃ν θεριζόντων καὶ ἐβούνισεν αὐτη̨̃ Βοος ἄλφιτον καὶ ἔφαγεν καὶ ἐνεπλήσθη καὶ κατέλιπεν

^2:15 καὶ ἀνέστη του̃ συλλέγειν καὶ ἐνετείλατο Βοος τοι̃ς παιδαρίοις αὐτου̃ λέγων καί γε ἀνὰ μέσον τω̃ν δραγμάτων συλλεγέτω καὶ μὴ καταισχύνητε αὐτήν

^2:16 καὶ βαστάζοντες βαστάξατε αὐτη̨̃ καί γε παραβάλλοντες παραβαλει̃τε αὐτη̨̃ ἐκ τω̃ν βεβουνισμένων καὶ ἄφετε καὶ συλλέξει καὶ οὐκ ἐπιτιμήσετε αὐτη̨̃

^2:17 καὶ συνέλεξεν ἐν τω̨̃ ἀγρω̨̃ ἕως ἑσπέρας καὶ ἐρράβδισεν ἃ συνέλεξεν καὶ ἐγενήθη ὡς οιφι κριθω̃ν

^2:18 καὶ ἠ̃ρεν καὶ εἰση̃λθεν εἰς τὴν πόλιν καὶ εἰ̃δεν ἡ πενθερὰ αὐτη̃ς ἃ συνέλεξεν καὶ ἐξενέγκασα Ρουθ ἔδωκεν αὐτη̨̃ ἃ κατέλιπεν ἐξ ὡ̃ν ἐνεπλήσθη

^2:19 καὶ εἰ̃πεν αὐτη̨̃ ἡ πενθερὰ αὐτη̃ς που̃ συνέλεξας σήμερον καὶ που̃ ἐποίησας εἴη ὁ ἐπιγνούς σε εὐλογημένος καὶ ἀπήγγειλεν Ρουθ τη̨̃ πενθερα̨̃ αὐτη̃ς που̃ ἐποίησεν καὶ εἰ̃πεν τὸ ὄνομα του̃ ἀνδρός μεθ' οὑ̃ ἐποίησα σήμερον Βοος

^2:20 καὶ εἰ̃πεν Νωεμιν τη̨̃ νύμφη̨ αὐτη̃ς εὐλογητός ἐστιν τω̨̃ κυρίω̨ ὅτι οὐκ ἐγκατέλιπεν τὸ ἔλεος αὐτου̃ μετὰ τω̃ν ζώντων καὶ μετὰ τω̃ν τεθνηκότων καὶ εἰ̃πεν αὐτη̨̃ Νωεμιν ἐγγίζει ἡμι̃ν ὁ ἀνὴρ ἐκ τω̃ν ἀγχιστευόντων ἡμα̃ς ἐστιν

^2:21 καὶ εἰ̃πεν Ρουθ πρὸς τὴν πενθερὰν αὐτη̃ς καί γε ὅτι εἰ̃πεν πρός με μετὰ τω̃ν παιδαρίων μου προσκολλήθητι ἕως ἂν τελέσωσιν ὅλον τὸν ἀμητόν ὃς ὑπάρχει μοι

^2:22 καὶ εἰ̃πεν Νωεμιν πρὸς Ρουθ τὴν νύμφην αὐτη̃ς ἀγαθόν θύγατερ ὅτι ἐπορεύθης μετὰ τω̃ν κορασίων αὐτου̃ καὶ οὐκ ἀπαντήσονταί σοι ἐν ἀγρω̨̃ ἑτέρω̨

^2:23 καὶ προσεκολλήθη Ρουθ τοι̃ς κορασίοις Βοος συλλέγειν ἕως οὑ̃ συνετέλεσεν τὸν θερισμὸν τω̃ν κριθω̃ν καὶ τω̃ν πυρω̃ν καὶ ἐκάθισεν μετὰ τη̃ς πενθερα̃ς αὐτη̃ς

^3:1 εἰ̃πεν δὲ αὐτη̨̃ Νωεμιν ἡ πενθερὰ αὐτη̃ς θύγατερ οὐ μὴ ζητήσω σοι ἀνάπαυσιν ἵνα εὐ̃ γένηταί σοι

^3:2 καὶ νυ̃ν οὐχὶ Βοος γνώριμος ἡμω̃ν οὑ̃ ἠ̃ς μετὰ τω̃ν κορασίων αὐτου̃ ἰδοὺ αὐτὸς λικμα̨̃ τὸν ἅλωνα τω̃ν κριθω̃ν ταύτη̨ τη̨̃ νυκτί

^3:3 σὺ δὲ λούση̨ καὶ ἀλείψη̨ καὶ περιθήσεις τὸν ἱματισμόν σου ἐπὶ σεαυτη̨̃ καὶ ἀναβήση̨ ἐπὶ τὸν ἅλω μὴ γνωρισθη̨̃ς τω̨̃ ἀνδρὶ ἕως οὑ̃ συντελέσαι αὐτὸν πιει̃ν καὶ φαγει̃ν

^3:4 καὶ ἔσται ἐν τω̨̃ κοιμηθη̃ναι αὐτόν καὶ γνώση̨ τὸν τόπον ὅπου κοιμα̃ται ἐκει̃ καὶ ἐλεύση̨ καὶ ἀποκαλύψεις τὰ πρὸς ποδω̃ν αὐτου̃ καὶ κοιμηθήση̨ καὶ αὐτὸς ἀπαγγελει̃ σοι ἃ ποιήσεις

^3:5 εἰ̃πεν δὲ Ρουθ πρὸς αὐτήν πάντα ὅσα ἐὰν εἴπη̨ς ποιήσω

^3:6 καὶ κατέβη εἰς τὸν ἅλω καὶ ἐποίησεν κατὰ πάντα ὅσα ἐνετείλατο αὐτη̨̃ ἡ πενθερὰ αὐτη̃ς

^3:7 καὶ ἔφαγεν Βοος καὶ ἠγαθύνθη ἡ καρδία αὐτου̃ καὶ ἠ̃λθεν κοιμηθη̃ναι ἐν μερίδι τη̃ς στοιβη̃ς ἡ δὲ ἠ̃λθεν κρυφη̨̃ καὶ ἀπεκάλυψεν τὰ πρὸς ποδω̃ν αὐτου̃

^3:8 ἐγένετο δὲ ἐν τω̨̃ μεσονυκτίω̨ καὶ ἐξέστη ὁ ἀνὴρ καὶ ἐταράχθη καὶ ἰδοὺ γυνὴ κοιμα̃ται πρὸς ποδω̃ν αὐτου̃

^3:9 εἰ̃πεν δέ τίς εἰ̃ σύ ἡ δὲ εἰ̃πεν ἐγώ εἰμι Ρουθ ἡ δούλη σου καὶ περιβαλει̃ς τὸ πτερύγιόν σου ἐπὶ τὴν δούλην σου ὅτι ἀγχιστεὺς εἰ̃ σύ

^3:10 καὶ εἰ̃πεν Βοος εὐλογημένη σὺ τω̨̃ κυρίω̨ θεω̨̃ θύγατερ ὅτι ἠγάθυνας τὸ ἔλεός σου τὸ ἔσχατον ὑπὲρ τὸ πρω̃τον τὸ μὴ πορευθη̃ναί σε ὀπίσω νεανιω̃ν εἴτοι πτωχὸς εἴτοι πλούσιος

^3:11 καὶ νυ̃ν θύγατερ μὴ φοβου̃ πάντα ὅσα ἐὰν εἴπη̨ς ποιήσω σοι οἰ̃δεν γὰρ πα̃σα φυλὴ λαου̃ μου ὅτι γυνὴ δυνάμεως εἰ̃ σύ

^3:12 καὶ ὅτι ἀληθω̃ς ἀγχιστεὺς ἐγώ εἰμι καί γε ἔστιν ἀγχιστεὺς ἐγγίων ὑπὲρ ἐμέ

^3:13 αὐλίσθητι τὴν νύκτα καὶ ἔσται τὸ πρωί ἐὰν ἀγχιστεύση̨ σε ἀγαθόν ἀγχιστευέτω ἐὰν δὲ μὴ βούληται ἀγχιστευ̃σαί σε ἀγχιστεύσω σε ἐγώ ζη̨̃ κύριος κοιμήθητι ἕως πρωί

^3:14 καὶ ἐκοιμήθη πρὸς ποδω̃ν αὐτου̃ ἕως πρωί ἡ δὲ ἀνέστη πρὸ του̃ ἐπιγνω̃ναι ἄνδρα τὸν πλησίον αὐτου̃ καὶ εἰ̃πεν Βοος μὴ γνωσθήτω ὅτι ἠ̃λθεν γυνὴ εἰς τὸν ἅλωνα

^3:15 καὶ εἰ̃πεν αὐτη̨̃ φέρε τὸ περίζωμα τὸ ἐπάνω σου καὶ ἐκράτησεν αὐτό καὶ ἐμέτρησεν ἓξ κριθω̃ν καὶ ἐπέθηκεν ἐπ' αὐτήν καὶ εἰση̃λθεν εἰς τὴν πόλιν

^3:16 καὶ Ρουθ εἰση̃λθεν πρὸς τὴν πενθερὰν αὐτη̃ς ἡ δὲ εἰ̃πεν τίς εἰ̃ θύγατερ καὶ εἰ̃πεν αὐτη̨̃ πάντα ὅσα ἐποίησεν αὐτη̨̃ ὁ ἀνήρ

^3:17 καὶ εἰ̃πεν αὐτη̨̃ τὰ ἓξ τω̃ν κριθω̃ν ταυ̃τα ἔδωκέν μοι ὅτι εἰ̃πεν πρός με μὴ εἰσέλθη̨ς κενὴ πρὸς τὴν πενθεράν σου

^3:18 ἡ δὲ εἰ̃πεν κάθου θύγατερ ἕως του̃ ἐπιγνω̃ναί σε πω̃ς οὐ πεσει̃ται ῥη̃μα οὐ γὰρ μὴ ἡσυχάση̨ ὁ ἀνήρ ἕως ἂν τελέση̨ τὸ ῥη̃μα σήμερον

^4:1 καὶ Βοος ἀνέβη ἐπὶ τὴν πύλην καὶ ἐκάθισεν ἐκει̃ καὶ ἰδοὺ ὁ ἀγχιστευτὴς παρεπορεύετο ὃν εἰ̃πεν Βοος καὶ εἰ̃πεν πρὸς αὐτὸν Βοος ἐκκλίνας κάθισον ὡ̃δε κρύφιε καὶ ἐξέκλινεν καὶ ἐκάθισεν

^4:2 καὶ ἔλαβεν Βοος δέκα ἄνδρας ἀπὸ τω̃ν πρεσβυτέρων τη̃ς πόλεως καὶ εἰ̃πεν καθίσατε ὡ̃δε καὶ ἐκάθισαν

^4:3 καὶ εἰ̃πεν Βοος τω̨̃ ἀγχιστει̃ τὴν μερίδα του̃ ἀγρου̃ ἥ ἐστιν του̃ ἀδελφου̃ ἡμω̃ν του̃ Αβιμελεχ ἣ δέδοται Νωεμιν τη̨̃ ἐπιστρεφούση̨ ἐξ ἀγρου̃ Μωαβ

^4:4 κἀγὼ εἰ̃πα ἀποκαλύψω τὸ οὐ̃ς σου λέγων κτη̃σαι ἐναντίον τω̃ν καθημένων καὶ ἐναντίον τω̃ν πρεσβυτέρων του̃ λαου̃ μου εἰ ἀγχιστεύεις ἀγχίστευε εἰ δὲ μὴ ἀγχιστεύεις ἀνάγγειλόν μοι καὶ γνώσομαι ὅτι οὐκ ἔστιν πάρεξ σου̃ του̃ ἀγχιστευ̃σαι κἀγώ εἰμι μετὰ σέ ὁ δὲ εἰ̃πεν ἐγώ εἰμι ἀγχιστεύσω

^4:5 καὶ εἰ̃πεν Βοος ἐν ἡμέρα̨ του̃ κτήσασθαί σε τὸν ἀγρὸν ἐκ χειρὸς Νωεμιν καὶ παρὰ Ρουθ τη̃ς Μωαβίτιδος γυναικὸς του̃ τεθνηκότος καὶ αὐτὴν κτήσασθαί σε δει̃ ὥστε ἀναστη̃σαι τὸ ὄνομα του̃ τεθνηκότος ἐπὶ τη̃ς κληρονομίας αὐτου̃

^4:6 καὶ εἰ̃πεν ὁ ἀγχιστεύς οὐ δυνήσομαι ἀγχιστευ̃σαι ἐμαυτω̨̃ μήποτε διαφθείρω τὴν κληρονομίαν μου ἀγχίστευσον σεαυτω̨̃ τὴν ἀγχιστείαν μου ὅτι οὐ δυνήσομαι ἀγχιστευ̃σαι

^4:7 καὶ του̃το τὸ δικαίωμα ἔμπροσθεν ἐν τω̨̃ Ισραηλ ἐπὶ τὴν ἀγχιστείαν καὶ ἐπὶ τὸ ἀντάλλαγμα του̃ στη̃σαι πα̃ν λόγον καὶ ὑπελύετο ὁ ἀνὴρ τὸ ὑπόδημα αὐτου̃ καὶ ἐδίδου τω̨̃ πλησίον αὐτου̃ τω̨̃ ἀγχιστεύοντι τὴν ἀγχιστείαν αὐτου̃ καὶ του̃το ἠ̃ν μαρτύριον ἐν Ισραηλ

^4:8 καὶ εἰ̃πεν ὁ ἀγχιστεὺς τω̨̃ Βοος κτη̃σαι σεαυτω̨̃ τὴν ἀγχιστείαν μου καὶ ὑπελύσατο τὸ ὑπόδημα αὐτου̃ καὶ ἔδωκεν αὐτω̨̃

^4:9 καὶ εἰ̃πεν Βοος τοι̃ς πρεσβυτέροις καὶ παντὶ τω̨̃ λαω̨̃ μάρτυρες ὑμει̃ς σήμερον ὅτι κέκτημαι πάντα τὰ του̃ Αβιμελεχ καὶ πάντα ὅσα ὑπάρχει τω̨̃ Χελαιων καὶ τω̨̃ Μααλων ἐκ χειρὸς Νωεμιν

^4:10 καί γε Ρουθ τὴν Μωαβι̃τιν τὴν γυναι̃κα Μααλων κέκτημαι ἐμαυτω̨̃ εἰς γυναι̃κα του̃ ἀναστη̃σαι τὸ ὄνομα του̃ τεθνηκότος ἐπὶ τη̃ς κληρονομίας αὐτου̃ καὶ οὐκ ἐξολεθρευθήσεται τὸ ὄνομα του̃ τεθνηκότος ἐκ τω̃ν ἀδελφω̃ν αὐτου̃ καὶ ἐκ τη̃ς φυλη̃ς λαου̃ αὐτου̃ μάρτυρες ὑμει̃ς σήμερον

^4:11 καὶ εἴποσαν πα̃ς ὁ λαὸς οἱ ἐν τη̨̃ πύλη̨ μάρτυρες καὶ οἱ πρεσβύτεροι εἴποσαν δώ̨η κύριος τὴν γυναι̃κά σου τὴν εἰσπορευομένην εἰς τὸν οἰ̃κόν σου ὡς Ραχηλ καὶ ὡς Λειαν αἳ ὠ̨κοδόμησαν ἀμφότεραι τὸν οἰ̃κον Ισραηλ καὶ ἐποίησαν δύναμιν ἐν Εφραθα καὶ ἔσται ὄνομα ἐν Βαιθλεεμ

^4:12 καὶ γένοιτο ὁ οἰ̃κός σου ὡς ὁ οἰ̃κος Φαρες ὃν ἔτεκεν Θαμαρ τω̨̃ Ιουδα ἐκ του̃ σπέρματος οὑ̃ δώσει κύριός σοι ἐκ τη̃ς παιδίσκης ταύτης

^4:13 καὶ ἔλαβεν Βοος τὴν Ρουθ καὶ ἐγενήθη αὐτω̨̃ εἰς γυναι̃κα καὶ εἰση̃λθεν πρὸς αὐτήν καὶ ἔδωκεν αὐτη̨̃ κύριος κύησιν καὶ ἔτεκεν υἱόν

^4:14 καὶ εἰ̃παν αἱ γυναι̃κες πρὸς Νωεμιν εὐλογητὸς κύριος ὃς οὐ κατέλυσέ σοι σήμερον τὸν ἀγχιστέα καὶ καλέσαι τὸ ὄνομά σου ἐν Ισραηλ

^4:15 καὶ ἔσται σοι εἰς ἐπιστρέφοντα ψυχὴν καὶ του̃ διαθρέψαι τὴν πολιάν σου ὅτι ἡ νύμφη σου ἡ ἀγαπήσασά σε ἔτεκεν αὐτόν ἥ ἐστιν ἀγαθή σοι ὑπὲρ ἑπτὰ υἱούς

^4:16 καὶ ἔλαβεν Νωεμιν τὸ παιδίον καὶ ἔθηκεν εἰς τὸν κόλπον αὐτη̃ς καὶ ἐγενήθη αὐτω̨̃ εἰς τιθηνόν

^4:17 καὶ ἐκάλεσαν αὐτου̃ αἱ γείτονες ὄνομα λέγουσαι ἐτέχθη υἱὸς τη̨̃ Νωεμιν καὶ ἐκάλεσαν τὸ ὄνομα αὐτου̃ Ωβηδ οὑ̃τος πατὴρ Ιεσσαι πατρὸς Δαυιδ

^4:18 καὶ αὑ̃ται αἱ γενέσεις Φαρες Φαρες ἐγέννησεν τὸν Εσρων

^4:19 Εσρων δὲ ἐγέννησεν τὸν Αρραν καὶ Αρραν ἐγέννησεν τὸν Αμιναδαβ

^4:20 καὶ Αμιναδαβ ἐγέννησεν τὸν Ναασσων καὶ Ναασσων ἐγέννησεν τὸν Σαλμαν

^4:21 καὶ Σαλμαν ἐγέννησεν τὸν Βοος καὶ Βοος ἐγέννησεν τὸν Ωβηδ

^4:22 καὶ Ωβηδ ἐγέννησεν τὸν Ιεσσαι καὶ Ιεσσαι ἐγέννησεν τὸν Δαυιδ

Книго

[X]